影片
更多
2023-12-01
749 瀏覽
💋《HeSheEat》，都可謂cafe界的表表者。想當年，大學時期，係港島區讀書📚，銅鑼灣第一總店就係「銅鑼灣地帶」開左樓上鋪，好記得當時排隊排到出走廊。開頭做特色甜品為主🍰，後期再加入鹹食主食正式成為咖啡店。之後再慢慢係旺角同荃灣開左分店，港九新界有齊一間分店後，旺角分店再由白布街搬到去現時新波鞋商場「The Forest」地下，熊妹可以話係見證住她的變遷，都可以話係由細睇到佢大😆（唔知醜暴露年齡系列）。📌後期出到黎做野，熊妹多數都係同朋們食旺角分店多，因為地理位置比較方便。當知道旺角分店關閉了，熊妹其實一直念念不忘。最近，竟然俾熊妹發現原來旺角店唔係倒閉，而係轉左新址係「The Forest」地下！真係晴天霹靂💥！即刻孖住樹熊放工去食個晚餐回味一下😋！📌新店新裝修，門面已經係轉左新風格，再唔係以前black pink咀唇👄招牌，煥然一新💫，換上cyber路線的型格風，果然新店新作風！📌門口仲放左一個好得意的雪糕形狀的燈箱仔🍦，示意有外賣雪糕甜品站，香港地都似係第一間咖啡店做埋外賣雪糕呢盤生意，實行多棲類發展！📌店舖比舊時嚟講大好多，以啡色同埋木系為主，顏色好柔和好舒
💋《HeSheEat》，都可謂cafe界的表表者。想當年，大學時期，係港島區讀書📚，銅鑼灣第一總店就係「銅鑼灣地帶」開左樓上鋪，好記得當時排隊排到出走廊。開頭做特色甜品為主🍰，後期再加入鹹食主食正式成為咖啡店。之後再慢慢係旺角同荃灣開左分店，港九新界有齊一間分店後，旺角分店再由白布街搬到去現時新波鞋商場「The Forest」地下，熊妹可以話係見證住她的變遷，都可以話係由細睇到佢大😆（唔知醜暴露年齡系列）。📌後期出到黎做野，熊妹多數都係同朋們食旺角分店多，因為地理位置比較方便。當知道旺角分店關閉了，熊妹其實一直念念不忘。最近，竟然俾熊妹發現原來旺角店唔係倒閉，而係轉左新址係「The Forest」地下！真係晴天霹靂💥！即刻孖住樹熊放工去食個晚餐回味一下😋！
📌新店新裝修，門面已經係轉左新風格，再唔係以前black pink咀唇👄招牌，煥然一新💫，換上cyber路線的型格風，果然新店新作風！📌門口仲放左一個好得意的雪糕形狀的燈箱仔🍦，示意有外賣雪糕甜品站，香港地都似係第一間咖啡店做埋外賣雪糕呢盤生意，實行多棲類發展！
📌店舖比舊時嚟講大好多，以啡色同埋木系為主，顏色好柔和好舒服。以五六個corner位形成嘅大廳，一個個corner位有三張二人枱，又或者合併成為四至六人大枱，成個裝潢設計好日系，而且燈光好光猛💡，感覺好醒神。
📌餐牌主食同以前一樣，全日早餐🍱、漢堡🍔、意粉🍝、小食🍘都依然存在，招牌甜品當然不在話下。再發現有新推出的精選特飲同牛乳芭菲🍨，一場黎到，真係要試哂去。
單骨雞翼配蜜糖芥末醬
$65
4 瀏覽
0 讚好
0 留言
《HeSheEat》的單骨雞翼係奇脆炸皮，再自己點醬。奇脆炸得好脆好乾身，唔會食到成口油，外皮真係好脆，鎖住肉汁，單骨雞翼一口放入口，入口的size岩岩好，再完條單骨吐返出黎，就可以食到成啖雞翼肉連皮，咁食法比起原隻雞翼咁滋味，而且無咁難咬。
本身就咁食可以當炸雞翼咁食，再點埋蜜糖芥末醬，甜甜地，加多重醬汁的味道。
安格斯牛肉芝士漢堡配薯條
$132
5 瀏覽
0 讚好
0 留言
其實一直以來，熊妹都好鐘情《HeSheEat》的牛肉漢堡，因為它的芝士好澎湃，今次到來都想懷緬一下。
真係好澎湃！《HeSheEat》係用上熱溶芝士🧀鋪上牛肉漢堡面，係完全覆蓋成塊牛肉漢堡，有別於一般漢堡包用上芝士片，熱溶芝士份量咁多，車打芝士味道就當然出啲，然後牛肉漢堡厚到度起碼有一吋厚，切落去係厚實唔易散，材料十足，可以品嚐到鹹香芝士溶係牛肉漢堡的味道，呢個就係點解熊妹咁愛《HeSheEat》的牛肉芝士漢堡的原因。
安格斯牛肉芝士漢堡配薯條
$132
1 瀏覽
0 讚好
0 留言
伴碟有一大堆粗身薯條🍟，呢款薯條係灑上調味粉後先一齊炸，食落再脆口啲，再滋味啲。
另外，仲有一堆沙律菜🥗中和返油膩，成個餐好完🈵。
蟹肉 · 辣肉腸蕃茄水牛芝士扁意粉
$118
11 瀏覽
0 讚好
0 留言
樹熊好鐘意食意粉，意粉由佢發板喇。🧱
蟹肉 · 辣肉腸蕃茄水牛芝士扁意粉
$118
12 瀏覽
0 讚好
0 留言
原味焗厚鬆餅
$62
5 瀏覽
0 讚好
0 留言
老實說，來到《HeSheEat》，雖然推出了好多新款特色甜品，但識食一定係食呢款原味焗厚鬆餅，熊妹話的。
如果無記錯，原味焗厚鬆餅好似係盤古初開到而家都無加過價，仲係用咁實惠的價錢示人，真係難得。
呢個厚鬆餅🥞真係不得了！即叫即焗，熱辣辣焗出黎好香牛油味，面頭再加了一片薄薄的凍牛油係熱鬆餅上面自己溶化，再出一陣鹹牛油味道🧈。鬆餅的厚度依然，同樣的價錢無比以前偷工減料，好實在的一塊厚鬆餅，食落軟綿綿類似牛油軟蛋糕但又實一點，比起近期流行的梳夫厘鬆餅厚實好多，係兩種食法，熊妹個人其實比較守舊，都係鐘意原始原貌。
原味焗厚鬆餅
$62
231 瀏覽
0 讚好
0 留言
點醬未夠喉？仲有一杯仔雲尼拿雪糕🍨，食埋冰火交融的感覺。咁多重味覺的享受，呢個原味焗厚鬆餅其實真係《HeSheEat》的禾稈冚珍珠，熊妹話的。
北海道5.0牛乳軟雪糕芭菲
$68
532 瀏覽
2 讚好
0 留言
作為抹茶婊抹茶熊，見到有呢杯抹茶雪糕芭菲真係二話不說熊衝過去食。
其實熊妹真係好鐘意食雪糕，可以話係最愛的食品。《HeSheEat》新店新作風，除左保留昔日的咖啡店美食款式，仲行埋雪糕芭菲呢條路線，真係玩哂。
北海道5.0牛乳軟雪糕芭菲
$68
11 瀏覽
0 讚好
0 留言
好！食完上層的主角牛乳雪糕，其實已經好滿足，到下層芭菲杯就仲有驚喜。芭菲就係食完一層配料又會發現新一層嘅配料，跟住食吓食吓又可以將所有配料撈埋一齊食，一層一層咁食佢的滋味同驚喜。芭菲杯入面嘅配料有好多款，有卜卜米，紅豆蓉，抹茶mochi，白玉，忌廉同抹茶雪糕，最後濕的配料同乾的配料撈埋一齊食真係好滋味。
凍香蕉朱古力咖啡
$48
6 瀏覽
0 讚好
0 留言
新店再推出咗好多新嘅招牌特飲，樹熊鍾意飲朱古力，當然揀呢杯朱古力咖啡啦。
點解可以連一杯飲品都好似藝術品咁？個presentation真係好靚好吸引！朱古力咖啡嘅質感好creamy，唔會係溝水好稀好水，飲落去好濃郁嘅朱古力味，而好驚喜地咖啡味都幾突出！好多時候飲的朱古力咖啡會朱古力味大過咖啡味，少咗朱古力撞咖啡的混合味道，而《HeSheEat》呢杯可以好分明咁開頭飲到朱古力味然後咖啡味的回甘會停留喺口腔入面，究竟係用上咩配方先做到咁的效果呢？
面頭仲唧咗幾圈忌廉，插上一塊朱古力片🍫，仲有幾片香蕉片放在杯側邊作點綴，成杯凍香蕉朱古力咖啡無論顏色配搭、擺設、口感同味道都超出想像，堅係掂！
📌埋單五百幾蚊，六款餐品，無論鹹食甜品同凍飲都無得彈，價錢🈴理實惠，《HeSheEat》果然並非浪得虛名！👏🏻
張貼
