目利きの銀次Royal Grill (已結業)

「目利きの銀次」是一間和式居酒屋，裝潢和式風味重，供應各式各樣的日本美食。午市的餐單和一般的日本料理差不多，每客定食先送沙律及味噌湯，水準未予驚喜。反而小吃藕片食味酸爽評價不俗。 主菜刺身拼盤內含五款刺身各兩切，另附三文魚籽，賣相一般。鯛魚連皮送上味道都算鮮甜。吞拿魚選用較肥美的部份，味道特別甘香，細嚼慢溶。甜蝦蝦頭外觀帶少許黑，需減分，幸好味道上未有異常情況。刺身整體評價中等。午市人均消費約一百元，計及地點環境及食品質素都算合理。最後一提服務，感覺只屬普通。店員對餐廳的食品不夠熟悉，承諾小編解答問題最後還是沒了影，須留意一下。

   就快Halloween放自己半天假, 同4個 friend一齊食個豪LUNCH!!     因為朋友遲到搞到兩點半先有得食﹐原來呢間野 2點後set lunch 有85折, 出面重好大塊牌話刺身半價﹐加上門口個妹妹好有禮貌﹐咩包埋湯+沙律+前菜+野飲 ~ 唔入唔得啦 我地叫左兩個 lunch, 一個角切魚生飯﹐ 一個係燒三文魚。 有件好有趣既事要分享一下﹕   三文魚真人係靚過上鏡好多, MENU張相好似一舊炭 魚生飯係必叫之選﹕係超多魚﹐而且並唔係粗製濫造, 新鮮程度加份量同價錢絕對唔合比例﹗唔怪得台台都有碗  燒三文魚靚就靚﹐但好似細舊左DD﹐ 我偷左一忽尼食﹐ 好香脆塊皮  因為三文魚同甜蝦半價所以我friend就切個刺身拼盤﹐ 成個盤就等於打個7折喇﹗ 因為呢間野係日本直送魚唔係冰到變殭屍果D, 所以好甜而且質感比較實靜﹐ 爽口彈牙好幸福﹗  有魚梗要開支酒先安樂﹐ 我地特別揀左沖縄特產菠蘿泡盛, 泡盛係硬野加上菠蘿味道竟然係容易入口, 望望標籤原來無加糖﹐即係菠蘿原始既甜味就咁簡單。呢支酒值得一試﹐ 因為平時D所謂果酒都好鬼甜﹐ 呢支無添加甜尼甜去都係菠蘿甜﹐ 健康好多

每次去銀次一定會食佢的魚生，因為佢的魚生都是由日本直送香港。今日由於是朋友請客，所以真的不知價錢，刺生拼盤有吞拿魚、海螺、雞魚、深海池魚同𩶘魚，跟個酸油比你沾薄的雞魚，好鮮美。炒沖繩涼瓜甘甘甜甜，不錯。最愛係呢度的紅豆糯米餅，軟軟糯糯，好岩而家涼涼地的天氣食。今日第一次食佢的柚子焦糖薄餅，焦糖又脆又香，混埋柚子雪葩同薄餅食，不會太甜，好味！