職人食事 (已搬遷) 新店位置

有晚放工去觀塘駱駝漆搵野食見到呢間魚生飯都幾吸引🤤首先左邊鋪係落單同準備野食而堂食嘅話就要去返右邊鋪～因為位置唔多 又係晚飯時間都等左半個鐘左右先有位 好彩駱駝漆都多野行😂餐牌唔算非常多 但熱食小食燒物都會有👅當然主打都係刺身啦～叫咗個刺身魚生飯刺身好大塊好厚身🤤 超級足料平時魚生飯都係飯多魚生少今次食得好滿足🤤刺身有三文魚 帶子 刺身蝦等等 種類都幾多仲有海膽！海膽好鮮甜👍🏻 感覺都幾新鮮————————————————————————總結用餐區域因為始終唔係一般餐廳咁加上外賣店嘅包裝 環境同賣相略為失望少少不過店員都好nice好幫手 態度都好好價錢係工廠大廈黎講唔算平 但味道亦不比出面餐廳嘅魚生飯遜色值得一試👍🏻

今日去開觀塘做嘢，搵吓工廈邊度有丼飯啦！近近地，駱駝漆有職人食事，無睇open rice之後前來，食完睇返其他人嘅食評，相同意見，食物味道要改進呢🤭自己點左一個刺身魚生飯🤔價錢$100，唔貴唔平，中價。見到餐牌係餐廳推薦，魚生望落賣相就唔錯，但係識落唔夠新鮮，亦都冇乜鮮甜味，某幾件仲有少少腥。例如吞拿魚同海膽，吞拿魚好厚，食落滿足，不過好腥。海膽就苦苦地，唔鮮甜。另外帆立貝，亦都冇甜味，淡茂茂咁。個蝦只係普通細甜蝦，冇特別。.以呢個價錢，觀塘附近有另一間食刺身飯嘅小店，質素好好多🙈而且所有嘢都係自助形式，一個人去食，又要睇住個袋，又要自己攞嘢，有啲唔方便。

▪️ 刺身魚生飯💲98入座、攞餐具同埋斟茶水都係要自助形式，由落單到整野食都係得老闆一個人，疫情之前一行多人去到，就算餐廳得幾檯，等待時間都真係幾長🤥刺身比預期中多款式，包括有三文魚、油甘魚、八爪魚、魷魚、北寄貝、帶子、甜蝦、三文魚籽、蟹籽、玉子應有盡有，全部都算係厚切，可惜來貨質素比較平凡，唔夠凍鮮味不足，壽司飯亦過硬，整體有待改進😳見都有唔少人有同感，小店要加油🔎 整體評分（5.5/10）

💛懲罰小店✨觀塘工廈職人食事大約平日夜晚七點幾去到，因為預先留定座位所以唔使等位，現場見到亦都唔算多人！呢度最主要都係食魚生丼飯，我都係本著支持小店嘅心嚟到呢度💛刺身魚生飯包括有三文魚、帶子、蝦、八爪魚、玉子豆腐、油甘魚、魷魚、海膽、北寄貝、及魚糕🍣老實說呢度嘅食物質素係有待改善嘅，感覺都算足料嘅，但魚生不算好鮮味，而且魚生唔夠厚身加上比較淡味，而且飯係較為硬。價錢上就中規中矩，若果食物質素能夠改善相信呢間黃店會更加吸引人去～味道：🌟🌟環境：🌟🌟🌟價錢：🌟🌟🌟服務：🌟🌟🌟