品川日本料理 (已結業)

放工同同事去食放題，本來想食個間要等好耐，咁就諗著海之戀開既餐廳應該都OK，點知全哂伏！奉勸大家唔好食！！呢個真係要放第一張😑😑😑我真係未試過去食放題，啲炸蠔可以咁既樣，幾粒蠔仔痴埋一齊，想點呀😂 啲炸粉仲多個啲蠔，又油淋淋🤮 芝士年糕，啲芝士味淡到差啲食唔出，層皮油到得人驚，食一半即放低。炸牛奶，牛奶味香甜～但炸皮厚同略硬，唔會encore芝士焗帆立貝，好味（終於），同平常食放題食到嘅差唔多。清酒煮蜆，完全冇酒味，亦都冇任何湯底味，同攞水煮冇分別。呢張相係未食之前，啲湯少到。。。好腥，不過冇乜沙（因為出邊自助區兜炒蜆，啲沙多到成口都係。。）牛肉又硬又韌，啲調味又怪怪地，有浸臭味（真係唔好意思都要講）份量又少！牛舌個味係OK既，燒烤類來講佢都算唔錯，不過唔熱，應該係放耐左。同埋啲侍應上碟嗰陣連張單都唔拎走，想點。。。刺身食落OK，但亦唔覺特別好好味，同一般食到嘅放題差唔多創意壽司，味道一般。賣相差，我地仲以為得個蝦頭，個味又唔夾，唔知想點。飲品選擇都算多。唔知點解雪糕櫃要鎖著，要拎要問職員解鎖😪可能係哈根大師，唔想啲人拎哂掛。。。.出面自助區啲野食，真係唔試都冇乜所謂，茶碗蒸同屋企蒸水

特登黎荃灣西激安行下，順便就黎試下呢間品川放題！一入黎環境好開揚，鐘意私人空間既有一個好舒服既榻榻米，鐘意望景既人仲有海景枱，枱與枱之間都會有一塊拉簾，唔似好多放題店好逼既感覺~~跟住就講野食啦！！同其他放題舖一樣，都係可以用QR Code點菜，一開menu見到有好多種類既刺身，就同friend咩都叫d試下，送到黎真係心心眼😍😍勁大同靚既一座刺身船！！相信睇到信既你都會流曬口水~~串燒特別推介牛舌同雞肉，非常好味！！黃金帆立貝都係落足料，沙律醬芝士加蟹柳係絕配既醬汁，不過最重要係佢真係即燒，無其他放題好快凍既問題。食到小飽，就出去攞野飲，呢到既另一大亮點係有保住熱既清酒，我好鐘意呢個service!! 特別食左好多凍刺身，黎一啖暖胃酒非常爽！至於鍋物我推介牛肉鍋，入面仲附送溫泉蛋~~壽司一向放題都少食因為易飽，但呢到特別之處係有火灸，喜歡既可以一試！最後特別推介榴槤炸彈(當然唔鐘意就唔好叫啦XD), 唔好唔記得拎一人一杯既haagen dazs雪糕！！順帶一提，呢到送餐既速度非常快，所以如果想保持新鮮/熱，記住可以分開慢慢叫！

無意中發現海之戀商場有間放題有海景睇所以來試下（為睇海景唔係為食物🤣）咁新開張環境都算唔錯，當時午市但唔多客人出面有露台，對住個海人都心情好啲！飲品方面係自助形式，亦都有水果冷盤小食。食物用電話落單，之前睇過其他評論話上菜慢又唔覺得，點菜後一陣有嘢食。壽司刺身都一般，係油甘魚差少少。海膽都唔算好靚。熟食一口牛唔錯，但清酒煮蜆有沙和味道淡，熟食方面真係要改善下選擇唔多味道偏淡如果真係評分環境:10（無敵海景）食物:6（好一般）服務:6（都無點漏單）價錢:5（價錢算合理）最後結帳248$以呢個價錢出去食好多好過呢度，但都算坐得舒服地方夠大不過不失咁啦！

因為去朝聖激安，發現有一間同日本同名品川料理。宣傳單很吸引，海景坐位全被訂了，但地方很大，好多坐位。用QR code手機落單，好奇怪建議要用微信開始點餐，發現手機內食物款式不多，但心裡抱著品質取勝。首先選刺身賣相不錯，刺身都新鮮，但件數同我點的不同有漏單情況， 本來都不信，第2次再點也是不同廚房喜歡俾什麼就什麼?第2樣酒酒煮蜆，真的完全沒有酒香，娃娃菜煮蜆，食之無味，棄之可惜感覺。做人都係太難，2人勉強吃。餐廳內有個位置自取，取了白灼蝦，泰式鳳爪，芥辣尤魚，中華沙律，炸多春魚……茶碗蒸。茶碗蒸真的非常敗筆咸到我除了想到味之素，什麽都想不出……無鮮甜味道。火灸壽司正常，炸雞軟骨串正常。但我們2人真心感到水準品質很一般，而且沒有什麼特出食物，另外除了可以看海景，一無事處……可能我們期望過高失望越大