日之食放題館 (已結業)

今日第一次黎到日之食，其中一個原因係見到除左一般放題食到既野之外，仲有燒物同鍋物食。燒物除左牛肉，豚肉，羊肉，雞同海鮮之外，仲有菇同瓜等等既蔬菜，個人認為最好味既都係雞肉，醃得好入味又新鮮，可惜我胃口唔大，有太多野想試，所以無ENCORE。刺身方面總共有12款，全部都好新鮮又厚切，我既最愛當然都係三文魚，甜蝦同埋八爪片，實在好好味，所以我地叫左好幾轉。天婦羅方面我地叫左蕃薯，茄子同埋蝦。幾樣都炸得好香脆，蝦肉都好新鮮！芝麻醬素麵其實好好味，特別係個麻醬，可惜份量有點兒過多，同行既朋友又唔食，細食既我如果成份食晒既話真係可以唔洗食其他野架啦。醬汁茄子有點兒過硬，有改進既空間。蟹子沙律，八爪魚粒，螺肉，芝麻八爪魚仔，芝麻海帶絲，呢5樣都好好味。蟹籽壽司+花之戀: 蟹籽壽司非常好味，紫菜一D都無淋到，至於花之戀就好特別，上面加左一D芒果蓉，同一般既有少少唔同。泡菜炒年糕: 份量唔算多，剛剛好，2個人食唔會過飽。有咁多野食，亦都有好多野未試，特別係鍋物，下一次黎一定要試下佢個沙律巴同埋味噌蟹鍋呀。

今晚同阿女去了旺角行衔,我們行到咁上下時間又到晚餐了,我同阿女去了日之食,近來成日同阿女吃放題,今晚去日之食原來亦有燒烤，今晚主力吃燒烤，由阿女話事決定點什麼食品，我們所點食品好快送到來，刺身味道整體幾好，鮑魚片味道好鮮味 ，牛肋骨亦都唔錯，我同阿女都覺得日之食都幾好 ，地方夠大又坐得舒適，服務亦幾好，我同阿女好滿意日之食，日之食好抵食呀,下次會再來

之前都未聽過日之食依間舖，但近排有fd推介話幾抵食，結果四人成團就去lu。去個時正正係深夜時段唔洗等位，可以即刻入去，真係唔錯。格局一般，同其他日式放題既格局差唔多，當然依d都並唔係重點，重點係野食。坐到埋位，即刻拿拿聲攞張紙之後就叫喇，點左d壽司，刺食同烤肉，之後先出去攞野飲同醬，野飲同醬都係自助，而且烤肉醬種類比較多種類揀，野飲種類還算可以。d肉一黎到梗係即刻燒，味道還算可以，d刺身壽司我反而覺得幾好食。最後埋單先發覺原來四人同行一人免費，感覺上價錢都幾抵，可以同fd黎下食。