遙 (已搬遷) 新店位置

e間局酒屋 新開個幾月 我第2次去食 再一次愛上佢 煙3文魚沙律 第一次試完之後一試難忘 今次再叫 連我平時唔愛好沙律的朋友都讚好 麵豉湯 清清地 無豉油同味精味 入面仲有豆腐同紫菜 刺身 鮮甜呀~~~ 下面仲隔住d冰 個師傅好pro 呢~ 帶子王 老闆話係原殼上架 第一次食咁大隻的帶子 珍寶海鮮串燒 我地睇住佢點火 好香而且無燒蕉味 炸芝士年糕 極力推介!!! 平靚正 牛油雜菌 d姑比較胞肚左少少 如果可以用菜代替會好d呢~ e度個鋪面唔係咁起眼 (佐敦地鐵D出口萬寧旁邊轉入去) 裡面細細地 估唔到都有d咁高質素的日本野食 希望佢可以keep住咁好食啦~~~

同兩個朋友黎左呢間新開日本餐廳試下入到去唔係好多人 有三台客環境唔錯 坐得幾舒服同鬆動柚香豬頸肉幾香幾好食 又擺得幾靚 炸雞軟骨都係香口既小食 點沙津醬價錢唔貴 無記錯好似24蚊幾岩一路傾計一路食同埋我地本身都好鍾意雞軟骨 牛肉烏冬本身以為豬骨湯底 原來唔係個湯甜甜地幾好飲烏冬好好食 朋友係烏冬fans 佢話好正下次去食問下可唔可以轉豬骨湯底先刺身點左三文魚同帶子d刺身排得好靚仲幾新鮮tim另外有三件腩超級好食 朋友話如果個刺身雪得再凍凍凍d就好曼魚炒飯驚d野食唔飽所以穩穩陣陣叫個炒飯d飯粒粒粒分開 炒得唔錯不過味道就同出面差唔多煙肉炒椰菜椰菜炒得好好食 唔會腍得緊要加埋煙肉炒好香如果煙肉再乾身D就好啦其實都幾SURPRISE內街一間咁唔起眼既鋪頭仔水準咁好每道菜都放得好靚tim依家有折 我地一人一百蚊都唔洗下次去希望試下d串燒

同阿媽補祝母親節 去左屋企付近e間新開嘅居酒屋試下 個menu有兩個2人餐 我地3個人 叫左平d果個set:刺身拼盤 - 有7/8樣刺身 好新鮮好甜 不過嫌佢少左d雜錦串燒 - 正,必食! 煙鴨胸沙律 - 味道幾特別 炒飯 - 炒到一粒粒 好爽炒什菜 - 普通啦仲有野飲同甜品送我地仲散叫左個燒雞翼同芝士年糕 好好味呀~~~~3個人400蚊度埋單 下次會再去試下貴d果個set