李家 (埃華街)

營業中

休息中

李家，位於大角咀埃華街75號地舖。 餐廳主打韓國料理，有多間分店。相信很多人對李家的炸雞都不陌生， 但今次我點了其他菜式，牛肉炒粉絲$158、芝士雞蛋卷$128、魚餅湯$168。 🔸牛肉炒粉絲$158 ～ 肥瘦均勻的牛肉， 粉絲炒起來吸盡醬汁， 口感煙韌又惹味。 🔸魚餅湯$168 ～ 湯頭熱辣辣夠清甜， 魚餅口感有彈性，挺好吃的。 🔸芝士雞蛋卷$128 ～ 蛋卷厚身，酥香鬆軟， 芝士流心香濃，叫人垂涎欲滴。 整體菜式份量大，各款味道亦不錯。 🏷️溫馨提示～ 整個用餐體驗均屬個人分享意見， 只作參考😊。

今日我兩個人去左李家既大角咀店食晚飯Openrice訂座有9折我地就訂左7點鐘先講下個環境，我覺得唔錯，d位都闊最重要佢地係有提供紙巾同水係你個位度呢個值得加好高分數依家好多餐廳都收起曬d紙巾食炸雞會好易口渴，成支水擺係度比你自己加都係好貼心既服務，唔洗成日搵人加水，都好值得讚揚 佢地一開始仲會比份沙律菜同酸蘿蔔比你到野食方面，呢間鋪既炸雞好出名，所以我地都有叫炸雞 我地叫左半份蜂蜜蒜蓉炸雞+半份原味，佢地既炸雞係可以揀有骨同冇骨，但係就唔可以一半有骨一半冇骨，最後我地揀左冇骨既 味道就覺得個原味炸雞好味d，蜂蜜蒜蓉果個就比解多蜂蜜味，唔係好覺蒜蓉味另外我地仲叫左個海鮮蔥餅 呢個我就覺得都好食，d料好足，唔好既地方就係個餅底我覺得唔夠實，好易散開最後一樣我地叫左燒五花腩肉 呢樣係可以+$25要生菜成為一個生菜包，不過我地冇叫到，因為我今日小小唔舒服食唔到未煮既菜個菜我覺得值得加埋既，我冇加都覺得佢個肉連埋泡菜，辣配菜食好好味，有埋生菜包住一定更加好食總結，呢間餐廳既食物質素係唔錯份量亦都好夠，但亦都係唔好處，因為兩個人其實食唔到好多種類，我地叫3樣，最後都有食淨攞走，如果可以有半份去叫

之前因為想食炸雞，特登上網四圍搵，最後搵到呢間載滿好評的炸雞店，李家被稱為元袓炸雞店，主打既韓式炸雞俘獲好多人既心，咁滿懷期待既我見尖沙咀一早已Full Booking就過左黎大角咀呢間啦，六點入座，七半走果時都知已經滿哂位，睇住幾多人黎問都冇位，環境裝修有落過心思，但未係非常突出或舒服，而因為想食炸雞就只係叫左炸雞黎食，炸既雞唔夠熱，而雞還雞醬還醬既感覺依然唔太鍾意，半半炸雞同女友兩個食完都已經夠飽，不過因為炸雞令人太失望所以我唔會再幫襯。青辣椒蛋黃醬炸雞跟洋葱$118(半份有骨)個醬係好味既，有啲似淡味既沙律醬，蛋黃醬既口感撈炸物到配襯認真唔錯，不過炸雞出到黎熱度本身馬馬，天氣未係好凍情況下炸雞既溫度竟然都大跌，肉量亦唔多，會飽肚只因油炸物油膩甜辣炸雞$98(半份有骨)如果用泰式辣醬同呢個甜辣比較，泰式係完勝既，呢半份雞都係唔夠熱，香脆度足夠，但肉質鞋口唔夠嫩滑冇雞味

李家炸雞一向係我favourite..有時睇睇下韓劇間唔中都諗起佢。今日黎開大角咀 門口見間分店座位闊落， 又燃點起我食炸雞既慾望。李家炸雞向來都大大件，外面脆卜卜內裡嫩滑😋😋今次我冇點到最愛既醬油味，陪同行朋友叫左蜂蜜蒜蓉同甜辣味。黎李家最好就緊係叫雙併， 尤其如果一個食辣一個唔食。而個人黎講，會覺得有骨既好味點。 一黎到 見到蜂蜜蒜蓉大大隻雞髀 真係流曬口水， 一咬落去又鬆又脆，加埋香香既蜂蜜蒜蓉味 ，真係好好味呀！甜辣味同樣大大碟， 又甜又辣超開胃， 十分惹味。兩款雞都超出色， 試過就知道點解深宵睇韓劇特別餓。今次除左炸雞，我地仲叫左 泡菜餅 加鐵板燒牛肉。泡菜餅同樣係大大份， 足餡料泡菜 加埋醬汁 食到lamlam脷呀。 鐵板燒牛肉，d牛肉超級入味，如果唔係怕食得太飽，我直頭想叫到碗白飯～yummy yummy嘢飲方面，我哋叫咗兩杯- Terra rita（他拿麗塔） 同埋NON-ALCOHOLIC BEERITA。Terra rita（他拿麗塔）好飲又靚。因為我哋其中一位揸車所以唔飲得酒。但呢杯NON-ALCOHOLIC BEERITA 有啤酒嘅味道，配炸雞真係一流。呢間分店