梨滿園韓國料理 (已結業)

早幾日同朋友去咗旺角，突然好想食韓國嘢，說即刻上網搵下附近有咩韓國餐廳。點知搵咗呢間梨滿園，見到又有單點又有韓燒又有任食炸雞好似幾吸引咁，價錢仲要唔貴喎去到門口望咗陣個Menu，最後同朋友決定都係食單點因為任食炸雞太熱氣而個單點Menu都有好多選擇，有飯有麵有鍋物有選擇困難症嘅小弟同朋友諗咗好耐食d咩好，因為好多都好吸引d前菜好好食，好開胃！特別係個蘿蔔，好正！泡菜唔會話好辣，但係好夠味呢個壽司好足料仲要大大舊d餡料仲要好新鮮，仲食得出有牛肉味，唔錯！小弟未食過其他餐廳嘅韓式餃子所以冇得做對比，但係呢個餃子係即叫即煎，上到枱仲係熱辣辣。外皮煎得好脆，裏面仲要塞滿晒餡料配埋佢嘅醬汁真係好好食呢碗炸醬麵係超級大碗！相信如果得小弟自己嚟食嘅話淨係食呢碗麵都已經飽到想嘔麵質好彈牙，唔會煮得太淋！食韓國炸醬麵最怕就係面頭啲汁好杰搞到好難撈得勻.....反而佢呢個嘅醬汁唔會煮得太杰，好易就可以撈好個麵

#旺角 #梨滿園今日為咗慶祝家姐揾到佢嘅第一份full time, grad job，我哋三姐妹黎咗旺角梨滿園食餐勁嘅🤗 本身想食百零蚊任食炸雞嘅餐，因為真係好抵食，但黎到見到餐牌有咁多嘢食，我哋就決定食好啲😝🍳 芝士紫菜蛋卷 （$88）餐牌上嘅芝士蛋糕嘅相唔係幾靚，但超鍾意食蛋嘅我哋三姐妹當然都要叫吓😆 哇！一上枱就覺得冇叫錯，真係超級大份！而且個卷入面層次分明，入面勁多芝士，之後有層紫菜，再有蛋卷☺️ 十級好食，會為咗個蛋卷再黎☺️🐙 韓式牛肉八爪魚鍋 （$268）勁！大！鍋！入面牛肉同八爪魚嘅份量同超多！三個女仔完全食唔曬🥺 鍋入面仲有娃娃菜、翠肉瓜、紅蘿蔔、韓式年糕、豆腐⋯⋯仲有個辛辣麵，超足料同飽肚，幾個女仔黎可以食呢個，食到飽都係一人幾十蚊😆 味道方面我都好推薦，少少辣，惹味之餘又食到每樣嘢食本身嘅味道，讚👍🏻

今晚媽媽唔煮飯，唯有同細妹一齊食晚飯，見到一間喺女人街樓上嘅韓式餐廳好似平平地，一於上去試吓。上到去見到餐廳都有幾枱客人食緊，又唔算冷清喎。落完單會送上前菜，每人兩小碟，我就揀咗泡菜同白蘿蔔絲。主菜叫咗一份燘牛肋骨，呢味餸係我食韓國餐廳最鍾意食嘅其中一味。燘得好腍、好入味，而且每一舊都好厚好大塊，正啊！仲叫咗一個八爪魚鍋，勁大個啊，裡面有好多唔同嘅材料，泡菜、節瓜、蘿蔔、豆腐、豆芽、八爪魚，仲有年糕。食到最尾仲可以加一個韓國公仔麵，吸收咗泡菜湯嘅公仔麵真係完美嘅句號啊！

韓國菜我的最愛之一 諗起都想飛返轉韓國呢間餐廳私心推介，又平又抵食啊！晚餐套餐價最平五十幾都有交易有前菜有湯有白飯，平民價錢👍兩個人叫兩個晚餐再加一個小食都好夠飽而且好滿足·1. 燜牛肋骨 $78牛肋骨燜得好冧好入味，配白飯食一流！啖啖肉，每一啖都係滿滿的蛋白質😆2. 人參雞湯 $88上枱賣相好醜🙈 裡面都有成半隻雞架雖然人參味唔太濃，但都可以補一補3. 紫菜蛋卷 $44完全不能理解香港普遍韓國餐廳煎個蛋卷點解可以收成百幾蚊一份咁癲👿呢度44蚊雖然蛋黎講都唔算平，但已經叫良心價啦4. 前菜小碟 免費有泡菜，蘿蔔，南瓜，薯仔絲，豆芽，四季豆每次上黎食嘅小菜都有部分會唔同消費: hkd 231/2人

🎐疫症蔓延之下，同基路妹四眼妹一拖再拖的飯局終於來到今日，大家都放假，一於早啲出黎早啲聚頭早啲散。📌好耐無食過韓國菜🇰🇷，《梨滿園韓國料理》最近推出左一系列韓國料理放題，下午茶時段2點至6點，入坐起計120分鐘任食，包括有韓式拉絲芝士雞，韓國壽司，拉絲芝士紫菜卷蛋，價錢為$118加一，其實單點芝士雞本身原價已經$118，即係而家類似買一送二咁送埋壽司同芝士卷蛋；另外仲有一款只有任食炸雞，價錢就$108，不過店員指而家做緊優惠，如果選取芝士雞可加$20均享用任食炸雞，即$138可以任食4款食物。咁好抵姐，咁吸引當然試勻佢。韓國壽司韓國壽司係韓國係一款非常平凡的民間小食，一般韓國人都識自家弄整，因為材料好簡單，所以好普遍同好便宜。一般裡面都有醃製蘿蔔、紅蘿蔔🥕、青瓜🥒、雞蛋🥚，再加上一款肉類，一般用上牛肉，再包上紫菜卷起，成為加州卷的模樣。正常材料，味道就正常喇，點韓國辣醬就會有韓國風味啲喇。拉絲芝士紫菜卷蛋芝士配蛋從來都無得輸！滑滑的卷蛋仲有啲流心芝士，點上茄汁同芥末醬，超好味的簡單小食。不過如果單點$88就貴左啲喇。韓式拉絲芝士雞萬眾期待放題的主菜-芝士雞終於上枱喇。因為要保存著熱度令

和朋友仔也超喜歡吃炸雞，做了資料搜集，原來旺角通菜街附近有任食炸雞，價錢十分優惠，當然要去試試看~(˘▾˘~)到了餐廳門口，發現原來有2款放題，店員親切地講解，可以2款放題一起吃喔！價錢同樣優惠，只需$158呀～會不會太吸引了！跟朋友仔決定了吃2款mix在一起的放題！主角未出現前，原來會有前菜吃～～很有韓國傳統餐廳的感覺，而且味道也很好，最喜歡是南瓜，甜甜的。首先出場是熱辣辣的韓式拉絲芝士雞ヾ ^_^♪店員溫馨提示是要熱辣辣吃才最滋味，很邪惡的拉絲呀～而且是可以拉到超長也不會斷，芝士味很濃跟雞很夾，雞用了特製的醬油製成，味道不錯喔。緊接是拉絲芝士紫菜蛋，同樣是新鮮出爐即吃最正喔！因為熱食，芝士拉絲更出色。韓國壽司卷，店員推薦用豉油+wasabi 點美味點，很特別的食法～但是挺好的。(´∇｀)最最最重點出場了！5種味道的韓式炸雞，分別有薑蔥、甜辣、蜜糖、芝士及醬油味。每款各有千秋，喜歡吃炸雞的我們，真的感到很幸福，因為在平時的韓國餐廳，吃2款炸雞也要$200多了，現在只需$158就能享受到5種味道，超好的！而且每件炸雞炸粉適中，最喜愛的味道是蜜糖味，甜甜的蜜糖加炸雞的香味，很match!

一間性價比非常之高嘅韓國料理，平平地已經有好多選擇而且又食得飽👍🏻同行朋友相對比較細食，所以冇叫到炸雞放題試咗精選牛肉拼盤😋拼盤入面分別有牛肉、牛肋骨同牛肋骨，份量非常足夠，性價比好高🤪而且佢會比生菜你夾住一齊食，感覺好健康咁♻️下次再嚟試埋佢個炸雞放題先🧐地址：旺角通菜街1A-1L號威達商業大廈Deli2 1樓

呢間位於旺角女人街既韓國餐廳，人流唔算多，整體環境氣氛都令人感覺到傳統既韓式餐廳風格，餐廳可以韓燒，亦可以叫傳統韓式菜式，都算係好多選擇。呢幅壁畫幾靚！今次叫左碟烤肉什錦拼盤，入面有雞牛豬，雞同牛都醃左，燒完好好食，肉質好嫩，配搭生菜同麵士醬一齊食，唔會太膩之餘仲可以食得有營少少😋 而五花腩就係原味上，但好厚切，小編鐘意燒到過晒火，焦焦地咁食，豬油都晒出黎，變到幾脆口，另一面就燒岩岩好熟咁，食落又脆又正！小編仲叫左石頭鍋牛肉飯同人參雞湯，先講個飯，呢個石窩飯好勁，熱力可以維持好耐，要盡快撈好個飯，如果唔係底下就會變到好焦，就算小編keep住撈，個飯底都可以做到焦脆感，可想而知個窩有幾咁高溫，所以撈既時候都要小心😂味道方面我覺得係幾好食既，可以加入韓式辣醬，會更美味！而人參雞湯黎講，我覺得就一般般啦，雞湯冇鮮雞味，只飲到好似滾水沖既人參味，所以呢道菜係有待改善！

今日約了朋友晚餐， 他們喜好韓式的食物， 於是選擇了這一間位於旺角的韓式食店。由旺角地鐵站出發， 步行大約十分鐘便會走到這間餐廳的位置。 餐廳位於一樓，電梯可直達。店內環境寬敞， 裝修很有韓式味道。菜單除了散叫的韓式小菜外， 還有不同形式的套餐， 價格都算合理。這次點了個三人套餐，套餐包括韓式炆牛肉， 韓式炒年糕， 還有韓式炸雞。韓式炆牛肉很入味，但是 肥肉分佈比較多。韓式炒年糕炒得粒粒分明， 加上經典韓式辣醬很惹味。韓式炸雞非常優質， 雞炸得脆， 雞肉撕開來還有肉汁， 而且醃料很入味， 這味菜叫人吃得停不了。

朋友生日想要吃韓國菜，在網上看到這家評價不錯，不過可能不會再來了。食物:3/5味道不正宗，可能為了迎合香港口味。「配菜」共5款，包括泡菜（太大塊，不算辣）、青豆角（有蒜蓉）、南瓜（有蒜蓉）、芽菜（正常）及蘿蔔絲，比較可惜是沒有麻油波菜。以上全部可以免費仼添（如果店員願意理會你......）。韓燒方面，爐面是銀色、較薄的那款，與其他店常用的黑色厚鐵板不同。這款爐面一遇到醬汁很容易黏上成黑色醬漬，而肉亦較難燒到有焦脆口感。「豚肉拼盤」有3款肉，豬頸肉（無調味）、五花腩（無調味）及醃豬肉片（偏甜）。全部正常，不過不失。「牛肉拼盤」忘了拍照，有3款肉，牛肋骨、牛肋骨肉及牛肉片，全部都醃過，比較甜，就像在漢和放題吃到的味道。我覺得品質好的肉，是不應醃製，因為會搶過肉原來的鮮味，只需配簡單的調味料，如鹽及豆瓣醬等。以上只配上一籃「生菜」，份量只有十片左右，吃完要加20元才有一籃。「海鮮豆腐湯」忘了拍照，味道雖然還可以，但完全沒辣味，與正宗韓國味道有很大岀入。內裡只有2隻蜆。「海鮮煎蔥餅」外面香脆，內裡口感煙韌，海鮮及蔥份量不多。服務：1/5客人不多，店員有點愛理不理或忘東忘西。叫侍應已非常困難叫添

又係等出糧的日子，平野唔一定要食快餐(雖然我很愛吃)。今次我係旺角女人街內發現了一間勁抵食的韓國料理。餐廳已經坐滿唔少人，雖然大部分的人都有食燒肉，不過環境唔會好煙好焗。餐廳的晚餐大約都係$50-60到，而且選擇都有好多。下單後，職員就拎泡菜及前菜比我們。泡菜唔算好辣，但都好入味，岩我的口味。辣泡菜豬肉炒飯炒得幾香口，泡茶的份量都岩岩好。唯一不足係油左少少，不過味道係唔錯的！海帶湯入面有好多好多的海帶，唔似其他餐廳得個少量。此外，入面仲有幾隻蜆仔及金菇，相當足料。我真係好鍾意食韓式煎餅！由於已經叫左份泡菜炒飯，所以我就叫左份海鮮煎餅我認我認我係糧尾，但我又想食燒肉(｡ì _ í｡) 所以我只係叫左份最平的拼盤，黎減掉我的心引。烤肉雜錦拼盤有齊豬牛雞三款肉類。牛肉及雞肉都係已經醃左，另外五花腩就係原味上。職員好熱心地黎幫我們剪開五花肉，方便我們燒。用熱力去燒的比火更容易控制，所以食材都燒得均勻，肉質食落比X陽X的自助燒肉優質。我自己就比較鍾意五花肉，D油份夠香，但又唔會過份油膩。用生菜包住食，可以再減輕油膩感。餐廳除了旺角外，餐廳係樂富都仲有分店，價錢又抵食，係糧尾的好選擇。======

天氣開始凍，就想燒野食，bbq就難啲，於是選擇左食韓燒😋😋餐廳既選擇好多，燒肉，湯，粉面，飯都有。基本上好似所有韓國食品都有齊咁啊。我地本身一心只係黎食燒肉，但結果咩都好吸引咁，咩都叫左樣😂韓國餐廳必有既前菜，有6小碟，都好好食，最中意食個個南瓜，好入味👍🏻叫燒肉拼盤都會有生菜附上，等你唔洗齋食肉咁膩。豬肉一層肥肉一層瘦肉，口感一流！牛肉都好入味同唔un~雞肉俾到最大驚喜我,因為有時燒雞肉都會有啲鞋同無咩味。但呢個燒完啲肉仲好嫩，同都係入晒味👍🏻最中意食韓式粉絲，面既口感煙un,充滿麻油香，肉既份量都好合理🤩第一次食大醬湯，對我黎講有啲啲咸～不過好足料，好多材料，有金針菇，蜆，肉，菜～最後仲叫多杯薑茶暖下胃，驅下寒，薑味夠濃👍🏻

今日係旺角行完一轉之後，漸感肚餓，就決定周圍搵下有咩好野食。去到Deli 2 呢間大廈，知道入面有唔少野食，就決定入去搵間好野食最後就去左呢間梨滿園食。呢到環境都非常不錯，都坐得幾舒服，唔會話好迫咁首先嚟嘅就梗係前菜，呢度有六款唔同嘅泡菜可以選擇，全部都可以自由添加味道非常之不錯呀，用嚟開胃送飯都係一流。緊接著嘅就係韓式雪藏蟹，佢係充滿著蟹膏同埋紫菜，用嚟撈飯就一流了之後都主角燒肉，我地試左五花腩同埋呢度特色嘅牛肉。味道都非常之有水進，再搭配番呢度嘅醬汁，真係一流同埋呢度嘅服務都好好，老闆娘周不時都會過嚟同你傾兩句，睇下你食得開唔開心總括嚟講，係一次非常滿意嘅晚餐啊

呢間係旺角嘅梨滿園，地點非常就腳，係旺角油麻地中間、登打士街附近，非常適合朋友聚會搵餐廳！菜單選擇比非常多，無論燒肉與否都有好多菜色可以揀Menu有十幾頁咁多！今次二人同行就選擇咗兩個主食+燒肉，份量好多，兩個女仔都食到撐大個胃！而且安排咗四人座，位置寬敞！燒肉就揀左特選牛肋骨（醃），牛肉非常滑，口感嫩滑，醃嘅味都好香口，份量又多，推介叫燒肉仲會比生菜同豆瓣醬，夾埋食就冇咁油👍🏻👍🏻另外叫左炸醬麵，份量又係好大😂炸醬汁唔會過於濃味，岩岩好😆最後上嘅係牛肋骨湯，湯嘅牛肉味好出，感覺足料同煲左唔少時間，加埋粉絲同飯，好滿足！食飯其間侍應都不停睇住我地會唔會有野需要幫忙，同加水，非常好服務！

坐落旺角通菜街一幢商廈裏面，有很多唔同食肆，我地今晚就黎左一間叫梨滿園既韓國餐廳。地方頗大分開兩邊，晚市套餐有很多款選擇，如果不選擇燒肉的話，它的種類仍然足夠妳來幾次也不重覆。由於我地人多，點了人蔘雞湯，炆牛肋骨，石頭鍋飯，泡菜煎餅，炒粉絲和炸雞。點餐後即來前菜及湯，泡菜不俗，餐湯也不錯不過要留肚，最重要係前菜可以refill，食多多都得。人蔘雞湯先來人蔘雞湯，雞湯味道濃厚帶淡淡人蔘味。雞肉很嫰滑而且很足料，同行友人都讚不絕口雞肉石頭鍋飯石頭鍋飯，也是水準之作，鍋夠熱，食材夠足料，配合辣醬撈起來誰也都抗拒不了。燜牛肋骨哩個餸就真係要啲功夫，烹調既時間要拿捏得好，煮得太耐會過稔又會散，太少時間就會硬。而此店做出來是剛剛好，牛肉非常入味，蘿蔔很鮮甜，個醬汁加白飯食一流泡菜海鮮煎餅值得一讚，放在中間的醬汁鮮味特出，配合泡菜煎餅食是美妙的配撘。煎餅本身亦不會太乾或者係一團粉，係有少少脆口的感覺。韓式炒粉絲又係一個令人回味的作品，粉絲炒得條條分明而且乾身。醬汁只是輕輕的沾在粉線上，不會太多或者太少，恰度好處。炸雞 這個炸雞亦也很有驚喜，與專門吃韓國炸雞的餐廳有得相比。皮炸得香脆，不會食到滿口油膩