影片
更多
2020-03-31
3906 瀏覽
🎐疫症蔓延之下，同基路妹四眼妹一拖再拖的飯局終於來到今日，大家都放假，一於早啲出黎早啲聚頭早啲散。📌好耐無食過韓國菜🇰🇷，《梨滿園韓國料理》最近推出左一系列韓國料理放題，下午茶時段2點至6點，入坐起計120分鐘任食，包括有韓式拉絲芝士雞，韓國壽司，拉絲芝士紫菜卷蛋，價錢為$118加一，其實單點芝士雞本身原價已經$118，即係而家類似買一送二咁送埋壽司同芝士卷蛋；另外仲有一款只有任食炸雞，價錢就$108，不過店員指而家做緊優惠，如果選取芝士雞可加$20均享用任食炸雞，即$138可以任食4款食物。咁好抵姐，咁吸引當然試勻佢。韓國壽司韓國壽司係韓國係一款非常平凡的民間小食，一般韓國人都識自家弄整，因為材料好簡單，所以好普遍同好便宜。一般裡面都有醃製蘿蔔、紅蘿蔔🥕、青瓜🥒、雞蛋🥚，再加上一款肉類，一般用上牛肉，再包上紫菜卷起，成為加州卷的模樣。正常材料，味道就正常喇，點韓國辣醬就會有韓國風味啲喇。拉絲芝士紫菜卷蛋芝士配蛋從來都無得輸！滑滑的卷蛋仲有啲流心芝士，點上茄汁同芥末醬，超好味的簡單小食。不過如果單點$88就貴左啲喇。韓式拉絲芝士雞萬眾期待放題的主菜-芝士雞終於上枱喇。因為要保存著熱度令
🎐疫症蔓延之下，同基路妹四眼妹一拖再拖的飯局終於來到今日，大家都放假，一於早啲出黎早啲聚頭早啲散。
📌好耐無食過韓國菜🇰🇷，《梨滿園韓國料理》最近推出左一系列韓國料理放題，下午茶時段2點至6點，入坐起計120分鐘任食，包括有韓式拉絲芝士雞，韓國壽司，拉絲芝士紫菜卷蛋，價錢為$118加一，其實單點芝士雞本身原價已經$118，即係而家類似買一送二咁送埋壽司同芝士卷蛋；另外仲有一款只有任食炸雞，價錢就$108，不過店員指而家做緊優惠，如果選取芝士雞可加$20均享用任食炸雞，即$138可以任食4款食物。咁好抵姐，咁吸引當然試勻佢。
韓國壽司
$78
65 瀏覽
0 讚好
0 留言
韓國壽司係韓國係一款非常平凡的民間小食，一般韓國人都識自家弄整，因為材料好簡單，所以好普遍同好便宜。一般裡面都有醃製蘿蔔、紅蘿蔔🥕、青瓜🥒、雞蛋🥚，再加上一款肉類，一般用上牛肉，再包上紫菜卷起，成為加州卷的模樣。
正常材料，味道就正常喇，點韓國辣醬就會有韓國風味啲喇。
拉絲芝士紫菜卷蛋
$88
33 瀏覽
0 讚好
0 留言
芝士配蛋從來都無得輸！滑滑的卷蛋仲有啲流心芝士，點上茄汁同芥末醬，超好味的簡單小食。
不過如果單點$88就貴左啲喇。
芝士雞
$118
43 瀏覽
0 讚好
0 留言
萬眾期待放題的主菜-芝士雞終於上枱喇。
因為要保存著熱度令芝士溶化，所以用上鐵穫呈上。店員都提醒要盡快趁熱食用。
芝士雞其實就係雞柳浸係一盤熱溶芝士上面。上枱時熱辣辣♨️，芝士拉絲幾厲害，愈拉愈高，高過熊妹個頭都差點影唔到相。📸拉起的芝士包起一舊雞柳食，係幾滋味。不過多食就壞肚皮，幾漏幾濟下。
同埋熱溶芝士🧀過左十分鐘，就俾環境的温度凝固返，變成一餅餅硬芝士，真係好難入口🤯。所以其實應該連埋個火爐🔥烤著個穫先唔會令芝士冷卻❄️。
炸雞📌韓國特色美食莫過於炸雞也。
炸雞🍗放題有五款口味，薑蔥、甜辣、芝士蜜糖同秘製醬油，一次過一碟送上。
其實唔同味都只不過係炸雞上淋上調味汁，炸雞味道係一樣既。
熱辣辣炸起係幾香口，不過就乾左啲，未算好多肉汁流出。
其實一碟放上五種口味好難避免會交差混合，熊妹最主要都係食到甜辣味同秘製醬油，因為呢兩款調味汁比較濃厚，其他的調味都唔係好出。
前菜
36 瀏覽
0 讚好
0 留言
熊妹喜愛韓國菜因為佢的十款八款前菜好開胃，食完都會飽左。但見主菜黎哂都未來過一款前菜，細問之下原來放題唔包前菜，不過經理先生好好人，主動話可以俾兩碟前菜熊妹，熊妹二話不說揀了泡菜喇！食韓國菜無泡菜點成事呢？
📌其實四款食物係望落同聽落吸引，食落就會覺得有點濟，試過就夠，未有想再encore的衝動，所以話就話係放題，預期可以任食但又唔係咁想食，不如單點叫返想食的食物會更開心。
張貼
