影片
更多
2011-09-12
853 瀏覽
引言︰短期內幫襯左兩次，又分享下。亮點︰ 羊扒(羊架)︰食左兩次，鵝肝蛋飯係吸引，不過都係覺得個羊扒係最強，其實特別係兩副羊架無切到一齊燒，食落肉汁好豐富，肉亦嫩滑，羊味都可以，當然再羶一定會更岩我口味。唔切兩副羊架一齊燒，對師傅燒功係有點要求，這裡的師傅控制得唔錯，熟透度剛好，好食。當然，打孖羊架黎食，係真係幾飽，如果仲想食其他野，真係要諗諗。食物︰鵝肝蛋飯，黎兩次都見唔少人食，鵝肝配蛋呢個組合，除非鵝肝水準唔太好，其實都唔會差得去邊。這裡的鵝肝煎得不錯，基本的油脂香都唔錯，真係幾好食。要挑剔就係如果飯用上珍珠米，感覺應該更豐富。牛肋骨，肥美係我放入口既第一個感覺，食落肉質鬆化，驚喜既地方係牛味都唔錯，都唔錯的。內藏系列，要左雞腎、雞心、雞肝。雞腎好爽，夠乾身，係三樣入面最好的一款。雞心同雞肝就穩穩陣陣。芝士系有兩款，黎左兩次就兩款都試左。炸芝士，芝士得幾過份，食完基本上成口都係芝味。炸芝士年糕，多份年糕，比炸芝士多份咬口，不過都多份膩滯，不過年糕同芝士熔埋一齊，又的確係美味。燒原條茄子，坐吧枱位的一次，見師傳將其他燒緊既串燒油搽落茄子到燒，令原本無油既茄子多份油香，都真係幾唔錯。其
短期內幫襯左兩次，又分享下。
亮點︰ 羊扒(羊架)︰食左兩次，鵝肝蛋飯係吸引，不過都係覺得個羊扒係最強，其實特別係兩副羊架無切到一齊燒，食落肉汁好豐富，肉亦嫩滑，羊味都可以，當然再羶一定會更岩我口味。唔切兩副羊架一齊燒，對師傅燒功係有點要求，這裡的師傅控制得唔錯，熟透度剛好，好食。當然，打孖羊架黎食，係真係幾飽，如果仲想食其他野，真係要諗諗。
食物︰鵝肝蛋飯，黎兩次都見唔少人食，鵝肝配蛋呢個組合，除非鵝肝水準唔太好，其實都唔會差得去邊。這裡的鵝肝煎得不錯，基本的油脂香都唔錯，真係幾好食。要挑剔就係如果飯用上珍珠米，感覺應該更豐富。
牛肋骨，肥美係我放入口既第一個感覺，食落肉質鬆化，驚喜既地方係牛味都唔錯，都唔錯的。
內藏系列，要左雞腎、雞心、雞肝。雞腎好爽，夠乾身，係三樣入面最好的一款。雞心同雞肝就穩穩陣陣。
芝士系有兩款，黎左兩次就兩款都試左。炸芝士，芝士得幾過份，食完基本上成口都係芝味。炸芝士年糕，多份年糕，比炸芝士多份咬口，不過都多份膩滯，不過年糕同芝士熔埋一齊，又的確係美味。
燒原條茄子，坐吧枱位的一次，見師傳將其他燒緊既串燒油搽落茄子到燒，令原本無油既茄子多份油香，都真係幾唔錯。
其他仲食左紫蘇雞肉、雞泡魚肝、牛舌、蒜蓉豬肉、燒鱔、雞翼同雞掌肉。雞掌肉就第一次食，有d次雞軟骨既咬口。牛舌同燒鱔都係好肥美，真係有點滯，其他就普普通通，不過不失咁樣。
食串燒，啤酒真係唔少得，這裡供應既係罐裝asahi，配隻凍杯，爽。
服務&環境︰- 環境，少有的寬敞，不過真係抽氣麻麻，滿坐都好多煙下。
- 服務，師傳好客，其他的都正正常常。
- 溫馨提示既係要訂枱，平日都好多人食。
抵食度︰
食串燒，都要預左三幾十蚊串，五幾十蚊碟，自己計計數。
總結︰
如果追求炭爐先食串燒，我想這裡唔岩心水。不過對我黎講，唔用炭爐，都燒得有此水準，我都收貨滿意。
張貼
