穴 (世貿中心) (已結業)

今日衝擊完SOGO後已經筋疲力竭，亦係我倆一起的第85個月，於是同老公二人行到世貿中心一早決定好想食的餐廳——穴，試下高檔的日本料理。🤗👆🏻👆🏻門面都已經好有日式風格。我倆沒有預訂，店員帶左我地入去一張二人枱坐低，一路行都見到好多枱已經俾留位，好彩有位咋！Menu內有好多選擇，都係套餐，我同老公心有靈犀大家都想食同一樣野🤣🤣🤣就係迷你鰻魚丼飯配烏冬，仲有兩串串燒喇！仲有前菜添🍱前菜係醬油冬菇配菜及沙律....血拼完的我倆十萬個肚餓，勁快就將佢地到倒晒落肚🤩主菜來了～～迷你鰻魚丼配上蛋絲及少許鰻魚汁，味道剛剛好，不太咸，可得一塊鰻魚太少了...湯烏冬有韌度，配上淡淡的醬油湯底，容易入口。最期待的主角來了！左起兩串雞棒串燒、青芥末牛柳粒串燒及黑豚肉午花腩串燒👏🏻👏🏻雞棒串燒有少少似食雞軟骨，雞味香濃；青芥末牛柳粒串燒賣相吸引，牛柳中間是粉紅色的，肉質細嫩，配上青芥末令味道更突出，齒頰留香；黑豚肉午花腩串燒肉厚多汁，脂肪配肉的比例剛剛好。串燒就是份量少少的令人回味無窮，食過返尋味！🤤🤤🤤🤤所以我同老公決定下次一齊再幫襯！埋單三百多元，多謝老公結賬哈哈❤️

前一天在灣仔焱川食燒雞扒定食$70, 前菜只中國白醋浸紅白蘿蔔（以前是沙律，再後期海藻），雞扒厚，無味，無配菜，明知急凍，已要求降低，以前薄燒香口，失望。翌日，請長輩食午饍，同樣燒雞扒定食多8元$78，還多一個蒸蛋，用食具日式瓷器，雖然唔係好高級，但每樣食物盛載的款式各異，當妳食時候，同時欣賞佢的美學。前菜沙律及日式醬汁牛舌蘿蔔，燒雞扒椰菜伴碟，看上起唔焦黑，聞到碳燒香味，雖然多數急凍，但都能保持彈性，味通唔會太咸，蒸蛋基本有蝦，帶子，蟹柳，白果，質素都唔錯。青蛙叫$138串燒定食，前菜，沙律，2串串燒-介茉牛柳，豬腩肉，有汁唔乾，肥油加碳火又見証化學作用，香，迷你鳗魚飯，飯質軟绵雪白（焱川的飯散），望住及拿住隻碗，喜歡佢的質感和顏色。至於銀鳕魚定食$158，雖然我無食，長輩次次食這個最底最值，份量足，看上油脂足。甜品綠茶糕，煙煙靱靱，灑綠茶粉面，茶味濃。

午膳時間約了友人於銅鑼灣吃午飯，好友鍾愛和食日菜，所以特意找了一間日本居酒屋用餐。隨友人抵達餐廳「穴」，才記起是早陣子在奧海城曾到訪過的同系餐廳。餐廳呈長方型格局，一眼望通全店情況。相比奧海店，世貿店餐桌擺位密度好像高了一點，和風味道不濃。一如晚市，餐廳午市也有一系列的刺身、壽司、串燒等選擇，並以定食模式提供。各定食普遍附有前菜、漬物、沙律、蒸蛋、麵鼓湯及甜品。前菜主要以筍絲及蘿蔔絲拌以芝麻汁料製成，食味香口帶爽。漬物選材亦是常見的食材款式，同樣以酸爽口感為主。沙律是田園沙律菜，用料新鮮，建議醋汁份量可略略減少一點，尤其近底部位置醬汁調味明顯過濃過搶。 蒸蛋質感雖比預期實身，但仍然算滑。蛋香配合菇香尤其美味。麵豉湯屬口味輕盈一類，未算很特別。甜品是普通維記雪米糯，更加無乜特別評語。 至於主菜，好友點了北海道刺身飯，內有三文魚、三文魚魚籽、帶子、海膽及蟹腳，驟眼看都算量足豐富。筆者則要了一客特上刺身，內含刺身八點，分別有三文魚、油甘魚、呑拿魚、吞拿魚腩、左口魚裙邊、帶子、海膽及牡丹蝦，另有數片鱆紅魚薄切。比較欣賞的刺身款式有油甘魚、帶子及海膽，油甘魚肥美一甘香，近邊位置則爽口，層次豐