首爾石鍋燒

營業中

休息中

沒什麼服務可言，落單又QR code，除了倒杯水，拎個餐，收加一服務費真係唔值，所以扣分。但食物來說，算不錯，夠熱，所以天氣凍食完都暖返。前菜差一點，主菜和飲品拉回一把。如取消加一，必定更多食客。

途經旺角，見到呢間韓國餐廳幾抵食咁，就入咗黎平日七點幾既時間，入到去已經有好多人坐係度食緊，睇黎都幾受歡迎🤭見到佢有$98一人餐同$169-$189既二人餐揀，餐入面都有好多樣野食不過呢度叫每叫一個主菜都會有兩式前菜送，同加非酒精類飲品可以半價，所以我決定都係散叫開心啲🤣1️⃣黑椒金菇肥牛石頭鍋飯 （$77）上黎既時候熱辣辣，係咁冒啲蒸氣出黎💨牛肉落得好足料，因為都幾多黑椒醬既關係，食落幾辣幾惹味🙈2️⃣水冷麵 （$69）其實小編超鐘意食水冷麵，但有時香港啲餐廳唔知係咪啲冰冇搵到特製冰整，好多時食落好淡咁😟不過呢度食到啲冰融哂，啲湯飲落去酸酸地凍凍地，又帶少少辣咁，而且加埋個冰凍既雪梨係上面，成個味道都好夾，正呀🥳3️⃣韓風一口雞 （$42）炸粉落得適中，炸得外脆內滑，加埋酸辣醬好好食😋4️⃣泡菜炸薯條 （$42）本身以為啲薯條係用泡菜整，但見到實物發現原來係又有泡菜又有薯條咁解🤣不過將薯條夾落泡菜度一齊食，又幾特別喎🤣🤣🤣 5️⃣泡菜烤肉蔥餅 （$58）蔥餅整得好夠脆，而且有泡菜嗰隻酸酸地既味，超鐘意呢個💕

朋友約我去旺角吃韓國菜，已有半年無去韓國旅行，都好掛住韓國食品，所以朋友約我去吃韓國菜正合我意，即刻答應佢。到左旺角鋪名叫(首爾)，哈哈~我都好想去首爾。店舖內地方不大，2人位和4位比較多，店員安排我地就座左2人位，侍應生給我餐牌，睇左了一陣叫左個二人套餐C餐$189，先來了2碟前菜，有泡菜、青瓜、大豆牙菜、韓國粉絲，青瓜有少少辣和爽口，泡菜係我最喜歡既韓國食物。好快又黎碟韓風一口雞，其實係炸雞，韓劇D主角成日食既炸雞，一啖一粒細細舊唔錯，食落口仲脆脆地，跟住送來秘製烤肉豆腐鍋，加8元轉手打烏冬，內裡有豬肉、豆腐、年糕，年糕和烏冬都煙煙韌而且滑嘟嘟好味😋。再來一個傳統石頭鍋飯，選擇左雞肉，D飯比較多左水腍左些，本人比較喜歡吃一粒一粒既飯，雞肉就大大舊啖啖肉，我朋友是食肉獸，佢最開心，另加$5 upgrade去野飲，我叫左1杯凍柑桔水不太甜，一邊食石頭飯超熱，一邊飲凍韓國柑桔蜜，真係好爽，而朋友叫既係凍韓國蘆薈茶，蘆薈和冰都係無色，所以問佢有沒有蘆薈肉㗎，她話有不過切得好細粒，佢話甜度都啱啱好，當晚我地好似去左韓國食飯咁既氣氛，都食得好開心，侍應生招待也有禮貌！👍👍🤤😍+++++++++

放工之後晚上到旺角探朋友，他帶我到旺角通菜街的首爾石鍋燒，這裏是他平時的飯堂。 平日晚上餐廳都爆滿客人， 一坐低店員已經送上四款韓式前菜，輪到點菜環節，既然我朋友經常幫襯，今次就由佢話事食咩啦！ 他點了煎粉絲餃子$48，首爾沙律$58，泡菜石頭鍋飯$72，炸醬麵$68， 熱柑桔$10，凍檸樂$11。四款韓式前菜 ～ 最啱我口味就係青瓜和泡菜， 青瓜甜甜酸酸帶微辣，好正。泡菜爽口入味， 食韓國菜一定要有的前菜！煎粉絲餃子 ～ 餃子的皮很薄，煎得夠香又脆， 餡料有粉絲和豬肉， 點埋醬汁更惹味！首爾沙律 ～ 每次到餐廳都很喜歡點沙律 ， 感覺上比較健康。 今次這個首爾沙律的沙律菜新鮮，還有蟹柳絲， 味道清新！泡菜石頭鍋飯 ～ 由細到大我都很喜歡吃石頭鍋飯， 尤其是在冬天，因為食落暖笠笠 又惹味。 最喜歡鍋底的飯焦， 脆卜卜又香口。炸醬麵 ～ 雖然這一款是韓國比較普通又平民的菜， 但我就很喜歡炸醬的味道，有香濃的麵豉味， 再配彈牙的麵條， 就是一碗正宗又美味的韓式炸醬麵。飲品方面我們點了熱柑桔和凍檸樂， 熱柑桔滋潤潤喉， 凍檸樂夠解渴。最後我們食了咁多野埋單只是$294，真是又好味又抵食！

哩間首爾石鍋燒可以話係我嘅飯堂。平時如果係旺角唸唔到食乜就會黎哩度食。佢d食物質素都幾穩定而且一年四季都啱食。今次我同朋友就叫左就叫左烤肉石鍋飯，部隊鍋，韓式粉絲煎餃，凍柚子蜜，凍柑桔蜜。 先上係兩碟前菜共四款。其中泡菜我至like因為真係又酸又辣，很爽口好味。青瓜也很不錯。烤肉石鍋飯賣相很不錯。上檯時吱吱聲感覺很爽同埋有好味飯蕉係底。配料同埋烤肉份量都很多。我地急不及待將飯/配料/烤肉/生蛋黃撈一齊，一路撈一路感受到香味濃郁。哩度嘅部隊鍋我個人覺得比食開的材料豐富， 因為除左有腸仔/雞蛋/午餐肉/辛辣麵/芝士，仲有泡菜餃子同埋泡菜，口感很豐富，味道更濃更刺激！韓式粉絲煎餃係唔辣的煎餃。裡面有豬肉同菜同粉絲。餃子皮唔厚我最like。煎得很香很脆。點埋個汁黎食味道剛好。凍柚子蜜同埋凍柑橘蜜係半價。味道剛好唔太甜。食熱野飲哩個最適合既冰凍又解喝。

這天晚上又來到通菜街覓食石頭鍋飯是我們吃韓菜必點的菜式，而看見這間很受年輕人喜愛的石鍋燒就進去試試啦！我們點了個二人餐，有齊我們想吃的石頭鍋飯和豆腐鍋！下了單很快就來了個韓式前菜，泡菜、荳芽、青瓜和粉絲每樣的味道都很正宗很好吃！特別喜歡這個甜甜辣辣又爽口的青瓜！傳統石頭鍋飯 牛肉粒一上台超香的！石鍋燒得很熱，把牛肉粒、蛋、韓式辣醬和其他蔬菜配料攪拌後就可以吃啦！ 牛肉粒肉質鬆化非常軟稔！自己控制辣醬的份量，味道很不錯，而且還有很香口的飯焦！再來就是秘製烤肉豆腐鍋 加海鮮又是熱辣辣的上來外表非常吸引！豆腐鍋裡除了有很滑溜的豆腐外，其他配料也相當豐富，有很多的秘製烤肉、鮮蝦、蜆廿、蛋和粉絲等等。而味道也非常美味，辣度適中！套餐還包括了一個小吃，我們選了韓風一口雞雞肉肉質嫩滑，而炸粉也很薄不會太油膩，沾上韓式辣醬更好吃！因為太想吃年糕的關係，我們額外點了一個海鮮炒韓國年糕除了有滿滿的海鮮外，韓式辣醬還充滿了海鮮的鮮味！年糕煮的剛剛好，軟稔同時又非常煙韌！餐飲方面，我們點了熱韓國紅棗蜜和凍檸檬菜。

-前菜小食有青瓜🥒，泡菜，芽菜同埋粉絲，青瓜真係好好食，超鍾意個醬汁，食落唔算辣，食唔停口😋，十分惹味！而泡菜幾香辣😆芽菜同埋粉絲都幾好食，開胃嘅小食😍-傳統石頭鍋飯🌟（$65）今次揀左烤肉作為配料，仲有蛋🍳，粟米🌽，蘿蔔絲，芽菜等等，加埋辣醬再攪拌，依個石頭鍋飯份量都好多☺️鍋底仲有飯焦😍好好食👍🏻-海鮮烤肉豆腐鍋😋配飯🍚（$70）依個有好多材料：豆腐，蝦🦐，青口，粉絲等等，材料十足，而湯底有小小辣😆愈食愈好食😍食完好飽肚，岩曬大食嘅朋友😋-韓風一口雞🐥（$39）依個炸雞好好食，係必食👍🏻👍🏻炸到好香，外脆皮薄，食落好脆口，肉質好滑，點埋個韓辣醬汁😘，味道一流，無得彈，十分惹味❤️-韓國炒粉絲😀 （$52)粉絲晶瑩剔透，好香麻油味，仲有好多白芝麻曬係炒絲上面，洋蔥，蔥花，蘿蔔絲等等一齊炒，味道都ok😀-凍韓國柚子蜜🍯（$9）柚子味好香😋食完炸雞飲柚子蜜可以無咁油膩👍🏻-凍韓國紅棗蜜 🍯（$9）紅棗加蜜糖☺️飲完好潤😍-

泡菜餃子烤肉豆腐鍋配飯($73)-呢個鍋真係好豐富，入面仲有好多粉絲，仲送咗一隻蛋，餃子同烤肉份量都好多，食到好飽，雖然呢個鍋有小小辣，但都可以接受到，強力推薦！蕃茄泡菜烤肉豆腐鍋配飯($68)-蕃茄味好濃，但其實味道除咗多咗蕃茄味同其他鍋都差唔多，如果想轉手打烏冬就要加$6。泡菜烤肉煎餅(細)($55)-呢個煎餅真係超級好食，個醬係極度出色，酸酸辣辣，而且小嘅份量都好足夠，強力推薦！前菜($0)-含芽菜、青瓜、泡菜、粉絲。

前陣子還是寒氣逼人，除了煲仔飯，韓國石鍋飯亦不失為一個好選擇。前菜四小碟包括泡菜、粉絲、青瓜及藕片。爽爽辣辣的開個胃口，作為前菜少少的已然足矣。炸雞脆粉少，仍食到雞的肉汁和滑溜，本身已夠味，小人喜歡不沾茄汁來吃它的原味。烤肉石鍋飯就跟預期一樣，很多烤肉和泡菜，當蛋液爬到下層熱呼呼的飯粒時，熟度剛剛好，連料連飯一起送進嘴裡，就是一口的豐富滋味。別忘掉鍋邊的飯焦，亦是烘得脆脆的，建議先吃，免至鍋身太熱燶了變苦。吃後渾身暖笠笠，亦屬一條解凍良方！

一黎到櫈都未坐暖（五分鐘都冇）就不停催催催，唔講我以為自己去咗澳牛要食光速餐可能佢地淨係鐘意招呼二人枱一大堆人就唔多歡迎咁，或者因為間鋪太細太迫啦所以先咁樣Menu都未睇完就催點野食跟住我係點咗個烤肉石頭鍋飯有朋友係點鐵板泡菜鍋飯，韓式拌飯，泡菜石頭鍋飯，海鮮烤肉豆腐煱等等我點嘅係泡菜石頭鍋飯，味道一般，唔算出色。跟住佢黎左個伴飯有兩個朋友點咗，但佢地分別坐對角，佢拎左一碗汁黎但兩個人分，好唔方便，我地有兩個人點可樂又唔見佢1樽1L咁上總括黎講，味道一般但價錢唔平唔值，環境比較迫，同隔離枱連埋一齊咁，出面未有人等已經催促我地點野食，搞到好似快餐店咁

突然想食辣野於是揀左韓國菜 呢間之前黎過 覺得唔錯所以再黎今次嗌左個$179 既2人餐 前菜 個瓜好甜好食呢個飯可揀雞肉 豬肉 同牛揀左雞肉 啲雞出奇地滑 可另加6蚊手打烏冬個窩有粉絲架小食可揀一口雞 或者蘿蔔蔥餅個雞好味

無意中發現隱藏係通菜街的這家主打韓食的小店，幸好時間尚早，剛剛開始晚市時間所以不用等位便可進入。前菜有泡菜、醃青瓜、粉絲，感覺已很很韓式，有泡菜和醃青瓜，小小辣好好味。海鮮豆腐烤肉石鍋烏冬好足料，有蝦，青口、栗米和好多燒肉，湯底小小辣，烏冬頗彈牙，掛湯力強。蝦和青口都好新鮮，面層還有生蛋，透過石鍋的熱力變成蛋花，令湯底變得更香。烤肉石頭鍋飯烤肉石頭鍋飯有好多材料置面，好豐富，攪拌時淋上韓式辣醬，再將所有材料攪拌，這就成了一道惹味的石鍋飯，底層還有香脆的窩巴！ 

今天和老婆仔打算在旺角玩室內的遊戲預約了晚上8時先在旺角吃個晚飯老婆仔說想起東南亞特色的食物我本來還以為是泰國菜那類原來老婆仔指日韓菜式看來她心中的東南亞還挺大在網上看到這間餐廳看似不錯應該很有韓國特色所以故意過來一試時間尚早剛剛好開始晚市時間不用等位便可進入老婆仔要了個76元的金菇肥牛豆腐鍋烏冬而我就選了65元的傳統雞肉石頭鍋飯很快就送來的是韓國菜必有泡菜等的前菜感覺還真的很韓式這個金菇肥牛豆腐鍋烏冬很新鮮滾熱辣的送來看起來感覺不錯不過老婆仔說不太有味的確比想像中淡味不似韓國地道的味道加上金菇肥牛的製法感覺很港式味道其實還算可以接受只是那烏冬聲稱是手打烏冬吃起來卻不似有點失望至於我的傳統雞肉石頭鍋飯這個味道就濃得多老婆仔都說我點的是比較好吃雞肉也算很多就是用的醬汁同樣不太韓式起碼沒有預期的辣味反而有點甜味這樣也是很港式的味道仔細看其實這餐廳的裝潢也是很港式不過其實把韓式食品加點香港味道調校成更符合港人的口味這樣也算不錯

和通菜街的餐廳一樣，都係要等齊人先可以入去。我們平日的7:00pm齊人，剛剛好有位。鋪頭細細但都坐得舒服，唔會太窄。有套餐，有散叫。但放在Openrice上的相片數量是有限，所以為有只POST套餐個MENU給大家看看。前菜就真係少左D，而且係没有選擇的，只有呢4款。 前菜之後首先上左秘製烤肉豆腐鍋(年糕)，除之年糕，牛肉，豆腐之外，裏面還有粉絲。湯的味道還是不錯，年糕也很有口感，但整體以言，個鍋都是比較普通。一口雞都幾OK，我覺得每件都大小適中，唔會話太細件。本人比較鐘意還是呢個泡菜炒辣青口。好鐘意食泡菜，加埋在青口上都幾好食。超值得推介還是這個石頭飯。其他餐廳的石頭飯上的牛肉不是很少就是一片片，毫無咬感，但這間俾的牛肉就是一大大粒柆，有厚度，好好味。牛肉在韓個是最貴的肉，所以每次煮出來都應是很好食才是。而呢間的石頭飯的牛肉以這樣的價錢以言，真的煮得好好食，真不愧有"傳統"兩字。

入面環境氣氛唔錯..由於2個人去食..見佢d2人餐都幾抵仲有幾款比你選擇tim..所以就揀左個2人餐.2款前菜(當日定左冇得揀既)1個年糕豆腐鍋(有得選擇泡菜和辣既程度)1個石頭鍋飯(有得選擇烤肉定雞肉)1個海鮮薄餅2杯飲品. 凍飲唔洗加錢另加一服務前菜 - 冇特別, 但唔難食. 年糕豆腐鍋 - 好好味...個湯底掂.. 雞肉石頭鍋飯 - 好熱辣辣..仲有飯焦..超正 海鮮薄餅 - 真鮮整出黎熱辣辣, 真係有海鮮係入面ga..都算幾大塊.總括黎講lee間野服務環境都唔錯..如果路經不防去試下!!