Kim's Spoon (南豐中心) (已結業)

叫了4人餐, 但份量可以5-6個人食,樣樣都好食, 出人意表呢~~蘆薈茶望落似水, 但飲落都ok｡海鮮豆腐湯唔太辣, 豆腐又滑, 正喔｡牛肉粉絲, 牛肉仲多過粉絲, 足料到暈｡海哲配芥辣汁小食併盤的粉絲好好食, 味道岩岩好but 甜品就.... 難食, 是零食而不是甜品吧

成日經過門口都未試過入去, 今日咁啱約左朋友係荃灣,加上佢係地鐵站附近, 近近地就入新之城吃晚飯啦...見到門口個餐牌已經覺得好吸引, 本身自己都鐘意吃韓國菜,價錢又唔貴, 仲幾多選擇添...晚上8點幾, 店舖無乜人, 唔洗等位,職員帶左我地坐窗邊位, 望住個街景吃野都開心D,每張枱有樽檸檬水同泡菜盒, 不過D泡菜唔太好吃>0<最後我地揀左2人餐, 不過張枱太細, D食物又好快上枱, 張枱已經無位放,擺曬所有食物張枱已經好逼啦....前菜呢3樣野完全唔係韓國菜,D魚仔好難咬, 好乾身,中間D榨菜同海橾無特別...另加$8蚊升級韓國特飲,香桃柚子蜜同白桃檸檬,甜甜地, 又有D果粒咬下,梳打又夠氣, 都幾好飲..小食炸雞拼沙律, 個炸雞細細粒,個皮脆脆地, 又夠滑,個沙律醋酸酸甜甜, 幾開胃..甜辣炒年糕, 個醬汁甜甜地又辣辣地,年糕又唔會好硬, 配料有火腿,幾喜歡這個炒年糕, 份量好多...傳統炒飯, 好多配料, 撈埋一齊好香口,個飯有少少飯焦, 加埋個醬汁一齊炒好好味!2人餐份量其實都好多, 我地2個女仔都吃唔晒,最後仲加左$1要個外賣盒, 價錢又平, 食物又美味. 

看韓劇《一起用餐吧》，就愛上韓國菜。在回家路線上找到這家新開張的韓國餐館，就來嘗試一下。 內部裝潢很簡約，餐廳不大餐桌有些窄，一個人OK，兩個人放不下太多餐盤。餐前自取泡菜和清水很韓式化點了一杯濃朱古力，凍的。唔太甜，但朱古力味唔夠一直想吃炒年糕，試了番茄炒年糕，微辣。賣相和味道都唔錯，年糕再彈牙滴就更好啦！]貪嘴，又點了人參海鮮雞湯，一個人食唔嗮，只好打包。湯好鮮甜，但人參味唔夠。泡菜好好味。服務態度極好，有服務生是韓國人，很有特色!下次再來試炸雞!