桜

營業中

休息中

講荃興徑你未必知喺邊到，但如果講荃灣嗰兩間超平豆腐花，你應該知喺邊😂 桜正正就喺豆腐花店附近，另一間多人排隊嘅店。呢間店主攻手卷同丼飯，手卷有超多款式，任君選擇，最平嘅手卷$10已經有交易，價錢公道！今次同朋友嚟到，叫咗兩個手卷同一個丼飯share嚟食。加拿大海膽手卷 (兩格) $85 手卷嚟講，呢款都算最豪華喇，雖然有三格版本 ($120)，但我同友人一致決定叫個中價嘅試試先🙊 兩格已經好不得了，成個手卷望落已經好澎湃，好足料，食落好creamy、鮮甜，完全無劣質海膽嘅腥臭味，$85嚟講超值，一路咬落去都keep住有海膽😛三文魚拼帶子手卷 $34 雖然比起海膽手卷平一截，但味道一啲都唔輸蝕，特別係帶子，又厚切，又夠鮮，而且都係咬到落去都仲有魚生，好抵食！極尚刺身丼 $78 咩魚生都有啲，魚生同飯嘅比例唔錯，唔會話唔夠魚生送飯，但係略嫌飯唔夠醋味，同埋微溫。唔駛加一，埋單2人約$200。P.S. 只有一張枱仔畀人立食手卷用，丼飯係預你外賣拎走食㗎～如果你鍾意睇我嘅食評，不妨關注我，支持吓我，謝謝你☺️💕

今日去荃灣上朋友屋企打機，就諗住叫外賣上佢到啦，見呢間日式手卷店啲手卷好吸引咁就係到叫嘢食，呢個蟹將軍丼真係成大隻軟殼蟹鋪咗係面到比你，好有霸氣仲有啲蟹子做dressing咁，鋪埋個一大塊紫菜就食得佢個軟殼蟹炸得好香，雖然距離我拎外賣個陣隔左大約十分鐘但都仲係熱熱地同好脆，咬落去啲油香滲出嚟真係超好食 連埋鋪咗蟹子嘅壽司飯食真係絕配佢啲手卷又係好正，首先呢佢啲紫菜仲係脆嘅，而且魚生都落得好足真係由頭鋪落到底，唔會有食食下得返啲飯嘅問題，佢個加拿大海膽超鮮甜而且冇乜明礬味，吞拿魚蓉我朋友食啲都話魚味好濃好香另外想提下嘅係佢啲壽司飯調味調得好足， 一般呢啲街頭嘅手卷鋪都唔太重視啲壽司飯，我食過就好多間幾乎食唔到壽司飯嘅醋味，好似食緊白飯咁，呢間真係誠意十足落足料而且調味調得好好

眾所周知，荃灣路德圍呢邊係出名覓食之地，串燒、小食、平民豆腐花應有盡有。是日經過荃灣，梗係黎呢度掃街啦~一落天橋已經見到呢間手卷店排晒長龍，本身以為因為7:00大家收工肚餓食手卷比較易飽肚，行去餐牌果邊先知原來有咁多選擇同埋價錢好親民!!手卷$10已經有得食~仲要有唔少選擇添呀!!當然想食貴D食材既朋友仔都有好多選擇:仲有壽司飯揀。由於小妹唔係住呢附近，一場黎到，一係唔試，一試梗係試下打大佬~於是嗌左最愛既加拿大海膽手卷、帶子拼甜蝦手卷、吞拿魚蓉拼海膽手卷同埋活赤貝手卷(呢個係落單果陣忍唔住再加既，所以冇剔到)。由於全部食物都係即叫即整，同埋客人都比較多，所有要等等。不過都係等左5分鐘左右就有得食啦~先黎個合照~加拿大海膽手卷 (一格): 好好好好大塊海膽呀!!!一見到已經流晒口水連埋紫菜一啖咬落去甘甜又濃郁既海膽味即刻係口腔度走出來，身為海膽控表示滿足~~~~~~以為淨係得面頭果幾塊海膽? 梗係唔係!原來食到中間都夾住一大塊!!!平時食手卷成日食完面頭D料之後，下面就變左Wasabi豉油配飯。呢度竟然連中間既部分都考慮埋，實在係太貼心，值得加分!再黎帶子拼甜蝦手卷: 甜蝦係小甜蝦，有