圓老爺雞煲小廚 (已結業)

我好鐘意叫餸食飯😆呢到有雞煲食之外，仲有好多款小菜供應。坐得幾舒服，價錢都唔貴，店員都好nice😝.雞煲可以叫半隻🐥雞件食落都唔錯。特別一提雞煲入面有好多洋蔥，洋蔥唔會太生又未煮到好融，好入味，好啱送飯🍚😝.小菜整體都唔錯。豬寸骨幾特別，炸得外層鬆脆，入面肉質亦唔嚡。而且豬寸骨嘅肉原來都幾多，食落都冇想像中咁麻煩。椒鹽鮮魷就一向係食大排檔之選，今次唔洗去大排檔都食到！即叫即炸，外層炸得非常脆，魷魚大大件🦑蒜蒸茄子好味道，不過喺出面食茄子就要預咗會比較油，今次都見到茄子底有一層油浸住🙈

屋企個個都返夜，得返我同媽咪兩個撐枱腳，就決定帶佢食佢至愛既小菜之前食過圓老爺既雞煲同煲仔菜夠哂獲氣好送飯，相信其他菜式都唔會差。鱔柳即叫即炸，上枱新鮮熱辣、金黃香脆，夠哂香口外皮酥脆，帶有濃郁既鹹蛋黃香，鱔柳位置無骨肉滑，口感軟嫩鬆化。牛肋骨切片起骨，好易食，醬汁濃郁偏鹹、仲加左七味粉，惹味十足，用梗送飯岩哂係牛肋骨略嫌肥左少少，脂肪偏多，好處係口感較滑。有魚有肉當然要整返個菜先夠健康呢期茄子幾靚，夠哂厚肉，入口稔軟多汁。菜如其名，真係‘勁蒜’呀蒜蓉索哂豉汁食落更香口，好吊味～～～連嘴刁既媽咪都讚不絕口話無介紹錯，下次要成家人一齊黎試多幾味喎