勝八居酒屋 (已結業)

我一向都知登龍街有好多日本餐廳，但登龍街中的永光中心原來都一樣隱藏好多日本食肆，今日朋友就推介了勝八居酒屋。門面的裝修已充滿日本居酒屋的氣氛，店內更播住日本歌曲，更加有氣氛。餐廳的lunch set有好多選擇，仲有多款配撘。每個set 都包了前菜,沙律同湯。前菜中我好欣賞一碟疑似係豆腐,但原來是玉子的前菜，配合麻醬同齊，好味。主菜我叫了waitress 推介的勝八便當，勝八便當相當豐富，有一碗好香既蒜片鵝肝飯，鵝盰入口即溶，油脂豐富，配上炸蒜片，正。前菜有凍豆腐，配上魚仔,蟹子, 口感豐富，不再是麻醬豆腐那麼普通。刺身有三文魚，甜蝦，十分新鮮。燒鯖魚，魚皮燒得脆卜卜，肉質仍然嫩滑，魚油豐富。炸雞，炸得香脆，不會太厚粉漿。洋蔥牛肉，個汁甜甜的，牛肉嫩滑, 最岩送飯。朋友叫了一個牛舌便當，是用鐵板上的，上枱熱啦啦，牛舌雖然是厚切的，但煎得好軟身，好易咀嚼，再配上蒜蓉香蔥，好岩送飯。最後仲有cookies & cream 雪糕，令整個午餐更完美。

今日去咗登龍街，黎左永光中心，成棟都係食肆，原因係老公話要食盛八，但係我搞錯去左勝八， 點知有大發現。環境舒適午市套餐有好多種配搭，任君選擇。每款都有前菜沙律湯品甜品。店員態度好親切欣勤，會不停幫我地加水。沙律新鮮，啲菜一啲苦味都冇，南瓜微甜，麵豉湯不過不失。可以俾我自製一口壽司，如下圖。魚子醃製過，鹹鹹地配啲碎腩，帶起佢嘅鮮味，最特別係啲飯，除咗係用珍珠米之外，醋嘅分量適中，而且啲飯係攤涼咗，唔會有一pat嘅感覺。海膽有鮮味，入口即溶， 帶子大粒雪白又甜美， 甜蝦大大隻新鮮，有彈牙嘅感覺。 以上兩款菜式都有一片青檸，青檸簡直可以將所有嘅食材嘅鮮味再提升去另一個層次。呢個真係要俾掌聲， 首先蒜片炸得好香脆，其次係佢一啲蔥粒嘅香味，繼而加左秘製嘅醬油，跟住去到主角就係鵝肝，煎得有少少微燶邊嘅感覺，但係又帶脆， 油份充足， 配埋珍珠米，簡直係無敵呀!再黎就係精彩嘅一部分， 勝八便當， 擺設好精美， 體驗到店長認真、細緻、追求完美嘅態度。 我哋由右下角嗰款食到去左上角。 一個平平無奇嘅豆腐都可以好有味道， 入口覺得豆腐好滑， 配咗有蟹膏嘅蟹肉， 再有一啲醃製過嘅魚子。三文魚腩係厚切，好新鮮，

銅鑼灣日本料理餐廳多不勝數，今次就同3個好友一齊試試燈籠街永光中心樓上店勝八居酒屋門口裝修精緻，很有日式居酒屋的風格,餐廳內裡的裝潢都很舒適，很有日本的風味我們坐下來睇睇餐牌就點左定食，我地一人一份， 定食包括了前菜、湯和甜品，配搭非常好，十分滿足前菜分別為沙律、湯、小食，平日餐湯通常係麵鼓湯，但由於今日週末關係，餐廳特別安排了豬骨湯，夠熱又暖胃，perfect 餐前點綴。小食是海折，配上醬汁鮮甜味道，爽口野味勝八便當好豐盛的便當，有天婦羅、刺身、牛尾蘿蔔、還有一碗鵝肝飯，味道層次豐富。咁豐盛的便當我最愛一定係鵝肝，呢款鵝肝Creamy，鮮味濃厚，我好快就食side，手快手慢冇。自選壽司定食賣相相當華麗，可以自己揀自己中意ge壽司咁就選擇了吞拿魚腩、深海池魚、油甘魚、牡丹蝦、海膽、三文魚籽、時令魚（真鯛）；各種壽司都非常新鮮美味 另外真鯛係季節限定，魚鮮味好突出，口感彈牙。壽司定食還有牛肉烏冬，好豐富！味道不錯，口感及味道都好滿意。 超豐富又抵食，午市定食仲有85折優惠，而且服務一流，食物品質也相當高，我給10個讚，一定會再來！

星期六放假日，與家人相聚午餐，大家都想食日本菜，見到銅鑼灣燈籠街永光中心都有好幾間日本餐廳最終決定去勝八居酒屋門口都已經有日式居酒屋的風格有不同的火鍋，讓你在冬日裡享受餐廳內裡的裝潢都很舒適，很有日本的風味我們坐下來睇睇餐牌就點左每人一份定食定食包括了前菜、湯和甜品首先上了前菜（有沙律、湯、小食），是日的餐是豬骨湯（平時多數是麵鼓湯）味道唔會好咸，又夠熱小食是海折配上醬汁味道甜美，很好食同很爽口勝八刺身定食勝八便當好豐盛的便當🍱，有天婦羅、刺身、牛尾蘿蔔、還有一碗鵝肝飯豐盛的便當還有鵝肝飯，大大塊鵝肝好味道！簡直溶化我的心自選壽司定食可以自己簡最愛的壽司咁就選擇了吞拿魚腩、深海池魚、油甘魚、牡丹蝦、海膽、三文魚籽、時令魚（真鯛）；各種壽司都非常新鮮美味壽司定食還有牛肉烏冬，好豐富！味道不錯，烏冬好彈牙！呢個是自選壽司的菜單俾客人簡選自己喜愛的壽司，唔一定食餐廳指定，真是非常好的定食俾客人選擇最後還送上甜品雪米糍真是超豐富的午餐午市定食有85折優惠，很抵食！份量好充足，推得推薦而且服務一流，食物品質也相當好！會再次光臨的餐廳！

勝八的午餐向來是我的最愛，試過勝八居酒屋及勝八鉄板串兩間同樣出色，但是比起鐵板料理更鐘情於日式定食的我還是比較喜歡勝八居酒屋。午餐款式種類繁多，價錢合理，在銅鑼灣區絕對是物有所值之選。首先送上薯仔沙筆、味付螺肉及麵豉湯。勝八便當 ($168)便當包括什錦天婦羅、三文魚籽海膽吞拿魚腩蓉一口丼、牛腩大根煮、照燒鯖魚、三文魚拼甜蝦刺身，以及另有一碗鵝肝飯，極之豐富。三文魚籽海膽吞拿魚腩蓉一口丼份量小小但相當足料，三款高貴的材料豐富鮮甜。牛腩大根煮的牛肉和大根煮得軟腍入味。炸得香脆的什錦天婦羅有南瓜、茄子、番薯及秋葵。照燒鯖魚幾乎沒有魚骨，魚油氛香十足。三文魚及甜蝦刺身。鵝肝飯上的鵝肝油潤之餘入口即化，為白飯添香。鹽燒牛舌定食 ($98)鹽燒牛舌以鐵板熱騰騰地呈上，另外淋上醬汁飄香十里，配上一碗白飯。牛舌鹽分拿捏得宜，鹹香十足，而且不會過韌。最後以豆腐雪糕作結，又是一頓美好的午餐。要在銅鑼灣吃午餐，勝八仍然是我的不二之選。

曾經光顧過勝八的另一分店勝八鉄板串料理，鐵板燒蠔大蝦定食價廉物美，質素甚高，是次到銅鑼灣友人提議吃日本菜，頓時想起勝八二字，更發現原來勝八居酒屋就正在勝八鉄板串料理樓下，個人覺得勝八居酒屋與鉄板串料理的午市套餐性價比亦高。任何午市套餐都包括涼拌小食、沙律及麵豉湯。自選壽司定食套餐 ($148+10%)套餐可以從十七款壽司中選七件。我們挑選了吞拿魚腩壽司、三文魚壽司、牡丹蝦壽司、帆立貝壽司、鯛魚壽司、海膽軍艦及三文魚籽軍艦，而卷物方面我們則由三款中選了其中的碎蔥吞拿魚腩小卷。除了壽司外還包括一碗湯烏冬，份量絕不迷你，絕對飽腹。勝八便當 ($168+10%)驟眼看已經感到豐富的便當由什錦天婦羅、三文魚籽海膽吞拿魚腩蓉一口丼、牛腩大根煮、照燒鯖魚、三文魚及甜蝦刺身組成，另外還有一碗鵝肝飯。什錦天婦羅有南瓜、茄子、本菇及秋葵數款，十分香脆。三文魚籽海膽吞拿魚腩蓉一口丼份量小小但相當足料，滿滿的吞拿魚腩蓉和海膽堆積如山。牛腩大根煮的牛肉和大根都十分軟腍，輕易便能把牛肉骨肉分離。照燒鯖魚幾乎沒有魚骨，是我這種最怕吐骨的人的福音。三文魚及甜蝦刺身。鵝肝飯的鵝肝稱不上非常油潤不過仍然頗為惹味，為白飯添