勝八居酒屋 (已結業)

我一向都知登龍街有好多日本餐廳，但登龍街中的永光中心原來都一樣隱藏好多日本食肆，今日朋友就推介了勝八居酒屋。門面的裝修已充滿日本居酒屋的氣氛，店內更播住日本歌曲，更加有氣氛。餐廳的lunch set有好多選擇，仲有多款配撘。每個set 都包了前菜,沙律同湯。前菜中我好欣賞一碟疑似係豆腐,但原來是玉子的前菜，配合麻醬同齊，好味。主菜我叫了waitress 推介的勝八便當，勝八便當相當豐富，有一碗好香既蒜片鵝肝飯，鵝盰入口即溶，油脂豐富，配上炸蒜片，正。前菜有凍豆腐，配上魚仔,蟹子, 口感豐富，不再是麻醬豆腐那麼普通。刺身有三文魚，甜蝦，十分新鮮。燒鯖魚，魚皮燒得脆卜卜，肉質仍然嫩滑，魚油豐富。炸雞，炸得香脆，不會太厚粉漿。洋蔥牛肉，個汁甜甜的，牛肉嫩滑, 最岩送飯。朋友叫了一個牛舌便當，是用鐵板上的，上枱熱啦啦，牛舌雖然是厚切的，但煎得好軟身，好易咀嚼，再配上蒜蓉香蔥，好岩送飯。最後仲有cookies & cream 雪糕，令整個午餐更完美。