Boring?! (新都會廣場) (已搬遷) 新店位置

Book枱嗰陣openrice見到黃埔天地美食坊都開咗新店猶豫咗一陣 因為黃埔餐牌好吸引但葵芳又好似一程巴士到到 方便啲最後就揀咗葵芳 食過之後好有衝動試埋黃埔😍A+B二人餐 (送小食) $238匈牙利鵝肝意大利飯 加$28 🙆🏿‍♀️睇相就知加錢都抵系列大大舊香煎鵝肝配搭超creamy嘅risotto我成日覺得risotto好蝦人整一個唔覺意好易整到好漏 尤其係忌廉汁但可能我哋share食 二嚟係佢落咗海量雜菇唔會好漏之餘 仲睇落如食落都多咗好多料(如果唔係得舊鵝肝同飯都幾sad)而鵝肝煎到表面好香口 入口即溶 好幸福💓安格斯肉眼扒配燒汁 (8安士) 🙆🏿‍♀️7成熟 火喉啱啱好 有少少粉嫩😍肉眼扒肥瘦適中 個人好鍾意有少少肥膏🤏🏻邪惡但美味薯粒都值得讚 炸到超乾身 夠脆 超鍾意食❤️又偷偷地食咗好多粒🤫白酒煮青口 🙆🏿‍♀️上邊有掛晒汁 入晒味嘅洋蔥 小馬話好味青口足足有5隻 隻隻新鮮 好味😋荔枝蘆薈沙冰 跟餐加$21 🙆🏿‍♀️有好多蘆薈 心心眼😍荔枝味濃 有種清甜感覺曲奇朱古力沙冰 跟餐加$21 💁🏿‍♀️有半塊Oreo坐鎮 好啱打卡夏天飲會仲正 消晒暑😆另外 值得一提嘅係啲店員好nice

前幾日老友因工作關係而不開心，覺得壓力好大  ;  所以我想開解她，就去她公司附近大商場的 Boring?! 吃個晚餐，讓她心情可以放鬆一下！餐廳裝修以素色為主，牆上面掛著綠色植物，令人覺得舒服，而且地方闊落，空間感足夠，感覺好 relax！餐牌上的晚市精選套餐都好抵而且特別，有6個不同價錢，可以自由配搭，主菜有龍蝦、牛柳、羊架、意大利飯、燒春雞、意大利粉等，小食就有白酒煮青口、芝士焗蠔、蟹肉釀大菇、蜜糖蒜香雞翼等，款式好吸引。我揀了 $238 的晚市精選套餐，有2個主菜、1個小食和2杯飲品。還有是現在星期一至四晚上6點後有九折優惠，真的價錢實惠又可享用高質西餐。另外餐廳既黃埔新店開張了，好開心下次又有機會品嚐一下啦！香草牛油汁伴本菇燒春雞   春雞烤得好香脆，雞肉味濃，肉質軟嫩、細緻，沾上牛油汁令肉味更加有層次感，再配合脆口的薯粒，今餐有很優質的食燒春雞體驗，好滿足呢。匈牙利鵝肝意大利飯   這款是晚市精選套餐，我覺得值回票價。白雪雪的意大利飯，看起來有冬日的感覺，好吸引。焦香酥脆濃郁的鵝肝，軟滑口感，與幼滑的忌廉汁很配，意大利飯粒粒有咬口，軟硬適中，越食越滋味。白酒煮青口    雪

#Boring?!今次講嘅係位於葵芳新都會廣場嘅西餐廳💕Boring?!✨✨平時見佢門口已經好多人 所以今次特登過嚟葵芳去試吓佢😽😽餐廳嘅裝修好舒服 而且燈光光猛 會比到人一種好清新嘅感覺🤍店員服務態度都好好 入到嚟會俾清水 小編大概等咗10分鐘就會有嘢食🤤🤤 店舖期間都不斷播放唔同嘅音樂 令到成個用餐都好relax😋😋依家知道佢喺黃埔開咗分店 咁下次去九龍就可以有多一個選擇去食好嘢啦✨✨白酒煮青口 $45💰（8.5/10）送到上枱好香🤤🤤份量十足 足足有五隻 仲要每隻都好大隻😻😻青口好新鮮 好肥美 唔會好韌😋😋 而個醬汁方面都好惹味 由白酒煮岀嚟嘅醬好香甜🤩🤩而且幾Creamy✨✨每一隻佈滿白酒白汁 令到每一隻都好香甜🥰🥰再加埋煮腍佐嘅洋蔥🧅索晒啲白酒白汁 絕對係一個好岀色嘅小食 完美‼️‼️匈牙利鵝肝意大利飯 $138💰 （8/10）小編見到之後嚇親🙈🙈鵝肝好大好厚身 而且煎到非常嫩滑 切開佢放入口 有種入口即溶嘅感覺🤤🤤仲要唔油膩 一啖意大利飯一啖鵝肝好滿足 😋😋 而意大利飯好Creamy 而且粒粒分明配埋好滑嘅白汁 軟硬適中 有咬口 ‼️令到成個飯口感大升😻😻但係一啲都唔膩✨✨好快可

因太太想買軟糖來到葵芳，然後閒逛了一會兒，晚飯時份想起之前食過的這間西餐廳性價比高又美味，便決定再次光顧位置（9/10）：由港鐵葵芳站D或E出口經商場到舖步行約5分鐘，商場本身交通便利而且有各種不同類型商店，地點算是很方便環境（8/10）：餐廳裝修明亮，環境及座位都算舒適，另外放有一幅草坡主題牆，中間有餐廳名字的燈箱，相當吸睛服務（8/10）：侍應很有禮貌，入座後會提供清水，餐廳亦有消毒潔手液，下單上菜算快，服務不錯食物（9/10）：餐廳有各種西餐菜式選擇，價格走親民路線，食物味道卻很不錯A+B套餐 ～ $238(含+$28配A6)來到這裡，最優惠的肯定是點套餐，有各種套餐組合選擇，以下是這次選擇的食物：香草牛油汁伴本菇燒春雞 ～ $128(單點)燒春雞份量剛好亦算嫩滑，沾上鮮甜而且夠香滑的醬汁更為美味，伴菜包括香味的本菇及香脆的薯角，口感豐富匈牙利鵝肝意大利飯 ～ $138(單點)鵝肝十分厚身大件，比較乾身毫不油膩，意大利飯伴上香滑的白汁，粒粒分明而且一點也不硬，相當易入口白酒煮青口 ～ $45(單點)青口很新鮮，用上白酒煮出很香甜的白汁，味道很是吸引蜜瓜乳酪奶昔 ～ $45(套餐升

☕️️ Cafe for chilling — Boring!?✨ 新開嘅葵芳cafe😌#90cp葵芳篇 #90cpCafe篇➖➖➖➖➖平時陪女朋友行街 係葵芳都係掃街多🤔 但掃得多都會覺得悶㗎 而且大熱天時都會想搵間餐廳坐低 舒舒服服咁食🥵 最近試葵芳一間新開嘅cafe ‘Boring!?’ 試過之後包保你係葵芳食嘢唔會boring🤣美味指數 😋: ⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)✨ A6 匈牙利鵝肝意大利飯 +$28呢個意大利飯老實講比想像中失色🙈 佢嘅味道比較淡 而且識落唔知點解有少少椰汁味😂 佢唯一嘅味道就係源自於佢嘅鵝肝 個鵝肝食落去就普普通通 個人覺得呢個飯可以skip🙈✨ B7 安格斯肉眼扒 +$28相比之下 呢個肉眼扒明顯出色d 七成熟但食落去都唔算好韌😆 而且牛味亦都重 呢個絕對可以一戰!!🔸 白酒煮青口食落去冇乜酒味嘅 不過佢啲青口都幾肥美 小食嚟講叫呢個都算唔錯🤤🍸Rose Lychee Mojito +$12淡淡的荔枝味都有啲驚喜 對比之下佢唔算太甜 有種透心涼嘅感

放工近近地去新都會食個晚飯，見到Boring?! 嘅裝修幾四正，今晚就去左食啦～坐底見到餐牌好多選擇，咩都想試嘅我就叫左個好抵食嘅晚餐，先食嘅係安格斯肉眼扒，雖然唔係厚厚嘅一塊，但勝在牛味香濃，肉無用食粉醃過，肉質有原本嘅口感，肉眼位係我最愛，貪佢一定唔會韌，而燒肉汁都好開胃，最正係重有炸到脆卜卜嘅薯條🍟白酒煮青口整體唔錯，青口我成日都會點，呢個對我嚟講白酒味可重返少少，青口肉質好好，食得出係腍滑，非常難得！而且重有少少海水咸味吖～匈牙利鵝肝意大利飯嘅飯唔係好risotto，但整體感覺幾香口，個忌廉汁唔膩喉，鵝肝就煎到非常嫩滑，咬一啖入口即溶～兩杯特飲+12@非常抵飲！我超鍾意朱古力🍫+香蕉🍌沙冰，呢杯唔會假甜，蕉味比較突出！而野莓乳酪沙冰都勁香莓味，超滿足💕成餐飯嘅感覺非常好，店員服務細心，食物質素有水準，而且算坐得舒服，我入座時間算早所以就唔駛等位，但見食7點左右就要等一陣啦！

18.06.2021今晚約咗朋友齊齊去葵青劇院睇話劇，當然要e飽個肚先，之前上Open Rice見「Boring!?」好多好評，於是訂定枱一試。Boring Café位於劇院旁邊新都會廣場，呢間西餐廳一啲都唔boring，套餐任你組合，適合二至四人共享美食。主菜A主要係意大利飯/粉，主菜B就有許多選擇，例如牛柳、豬肋骨、燒春雞、羊……選擇之多，真係令人眼花撩亂。而且另送上小食，也有八款任揀。套餐加$9，有餐湯/沙律或飲品。最後揀咗「匈牙利鵝肝意大利飯」、「香橙百香果汁伴三文魚」，另揀咗小食「白酒煮青口」。我覺得最好食係鵝肝意大利飯，鵝肝好甜美，同意大利飯飯出奇地配合，真係好味。「香橙百香果汁伴三文魚」比較失望，三文魚比較乾身，點左百香果汁就好啲，個紫薯無乜味，所以呢個麻麻地。奉送小食「白酒煮青口」，反而好有驚喜，又creamy又鮮甜，正呀！加咗個「芒果奇異果乳酪冰沙（叫咗少甜）」，甜甜地，食埋半個奇異果，都OK。座位唔係好多，一到6:30後開始有人等位，所以建議可以上Open Rice訂定位。服務都不俗，替食客拍照還會幫手鋪好枱面食物，有禮週到。下次來會來幫襯，試其他款式美食。

喺葵芳逛完街就去咗新都會個邊搵食，見到呢間西餐廳裝修幾特別，偏向田園風；而且見餐牌有好多晚餐精選組合套餐選擇，都幾吸引，所以就決定係呢度晚飯。.我地揀左組合A+B $238，另外仲會送自選小食一份，幾抵食。.A: 匈牙利鵝肝意大利飯 (另加$28)鵝肝口感軟滑無渣，入口溶化，而且一點也油膩。意大利飯粒粒分明沾滿了醬汁，軟硬適中，煙靭有咬口。.B: 香草牛油汁伴本菇燒春雞這個香草牛油汁非常香及鮮甜，薯角點上香草牛油汁，別有一番風。燒春雞烤焗的時間及溫度掌握得很好，外表金黃色，帶有少少微脆，肉質嫩滑。.小食拼盤 (附送)入面有雞塊，薯角，炸魚，炸蝦，新鮮炸起熱辣辣，好香口。另外，仲配上沙律醬作醬料，酸酸地幾醒胃。.跟餐本身包咖啡或茶，不過我哋見啲飲品都好吸引，所以就升級飲品每杯加$12。- 薄荷朱古力沙冰濃郁的薄荷味，再配上朱古力沙冰，好啱夏天飲，非常解渴。- Rose Lychee Mojito (rose, lychee and mint)荔枝味濃郁，而又不會蓋過玫瑰味，入口清新，加上紅紅地嘅漸變色好靚。

拍拖食飯要食餐得體又開心唔一定要好貴，呢間餐廳係我撐檯腳list 之一嘅餐廳，價錢實惠，但賣相味道一d都唔失禮，就算食埋鵝肝兩位都唔洗$350，所以長期都好多人排隊等位。雖知道白酒同海鮮味道係為對方加分嘅好朋友。當食呢個白酒煮青口嘅時候，青口特別淋特別鮮甜，酒甜嘅湯底令我一啖一啖咁飲哂，確係好滋味～匈牙利鵝肝意大利飯係將兩面煎焦香內裡軟淋油胦嘅鵝肝，放上濕潤意大利飯上面。鵝油滲入意大利飯，食到每口都有鵝肝油香，好好味的～呢度醬燒美國豬肋骨配薯唔算好大份，但價錢取勝，CP度極高～至於加十幾蚊升級嘅特飲有好多種類，每次order唔同嘅都好靚好飲～今次叫嘅巨峰提子梳打係似有汽提子汁但唔會好似普通汽水咁甜～Boring Punch剩係望個樣都非常吸引，味道酸酸甜甜有d OJ味，都唔錯的～

呢間係葵芳新都會嘅西餐廳，夜晚8點都仲好多人等位，原來佢地嘅晚市套餐好抵食🤩————————❦ 晚市精選組合套餐 (𝑨+𝑩+𝑺) $238❧ 主菜𝑨：匈牙利鵝肝意大利飯 +$28鵝肝味道唔算濃但都香口，risotto反而嫌有驚喜！飯粒硬度適中，醬汁creamy得黎唔膩，會越食越惹味！評分：🌕🌕🌕🌕🌘-❧ 主菜𝑩：醬燒美國豬肋骨配薯角Ribs上面超多醬汁，肉質紮實但唔韌，薯角炸得好脆我鍾意🤣評分：🌕🌕🌕🌗🌑-❦ 小食𝑺：白酒煮青口青口size大隻飽滿，個汁同樣係creamy但唔膩，洋蔥好甜。評分：🌕🌕🌕🌕🌑-套餐加錢有兩杯野飲，好多款揀仲大大杯，都幾抵食🤩🤩