Pizza Pan

營業中

休息中

今日又同朋友出去觀塘搵好野食，今次就睇中左一間食PIZZA的餐廳，間餐廳叫做PIZZA PAN。點解簡PIZZA PAN? 因為我地見到佢地的食物賣相好靚，PIZZA傳出一陣陣令人垂涎三尺的香味，同埋我地喺餐單見到一款特別的PIZZA，所以決定今次要征服呢間餐廳。我地決定叫一個二人套餐($158)。二人套餐包一款指定小食(二選一)，一款意粉，一款PIZZA 同埋兩杯飲品。我地戰鬥力比較高，所以再加一個小食 – 意式肉丸 (6粒) ($55) 。首先介紹下 意式肉丸 先。佢地的意式肉丸比出面見過的大粒，大粒之餘又唔肥膩，喜出望外。二人套餐指定小食我地簡左2隻雞翼2塊蒜蓉包。蒜蓉包落足牛油，非常惹味。而可能我地食左蒜蓉包先的關係，雞翼的味道略顯普通。意粉就叫左 松露帕爾瑪火腿長通粉。長通粉口感唔錯，而火腿配塔白汁十分惹味，味道突出。飲品我地各自都加左$8 轉水果茶。分別係桃味同荔枝味，兩款口味唔會太甜，而且十分清新，可以清一下口中的鹹味。而主菜PIZZA，我地叫左北京烤鴨pizza，佢係我地黎呢間餐廳的其中一個原因，呢款基本上出面未見過的口味。佢把北京烤鴨的要素加左落PIZZA度，十分有創

諗唔到食咩，就會黎鴻圖中心搵野食依間pizza pan 都係我地既首選我地叫左一個pizza set, 一個意粉set, 再加雞翼基本上次次都係依個組合，唔駛諗餐湯係粟米湯～味道夠，只係稀左少少意粉叫左三文魚蘆荀長通粉，忌廉汁都夠味三文魚份量都幾多～～依度既蒜蓉包真係好好食～～就算擺一陣都係好夠脆，而且好香蒜蓉味，基本上係我地必點！！雞翼都夠嫩，味道淡左d但十蚊兩隻 完全無投訴～～抵食pizza 必點北京填鴨pizza鴨肉份量好多，而個個烤醬好濃又多咬落pizza,真係又juicy 又足料，pizza 屬於薄身唔會食到好滯～～依間桃茶又係加$8 都值，唔算好甜但又夠桃味～～

心多多又為食嘅我，揾到一間抵食又多選擇嘅Pizza店👉🏻 Pizza Pan餐牌會令人花多眼亂😂🐟三文魚露筍忌廉汁長通粉三文魚肉夠多，長通粉煮得恰到好處，又唔會太硬，又唔會太腍，食落每啖都掛滿忌廉汁！露筍夠爽口！不過味道較為鹹咗少少！🍕北京烤鴨拎起件pizza好有驚喜，拉出一條好長嘅絲，咬落勁脆，勁重芝士味！雖然叫北京烤鴨，但鴨胸配蕃茄芝士，意式味偏重，真係味道不似預期🤣但都好好食😋如果鴨胸肉多返啲就完美嘞🤩🧄🍞蒜蓉包金香脆口嘅蒜蓉包，食落又唔覺得好油，我鍾意❤️🐥雞翼中規中矩呢鹵水雞翼，味道尚算ok🧉健康水果茶（荔枝味）入口充滿清香荔枝味，少甜得嚟又可以解到油膩嘅感覺，值得品嘗👍🏻

又黎到鴻圖中心搵食～～貪依度選擇多，我地試左幾間都唔錯今次試埋依間pizza, 平時外賣都幾多人排隊除左單人餐，d 套餐睇落都抵食我地叫左一個意粉set, 一個pizza set, 加$8 有粟米湯同蒜蓉包，加$8 轉埋水果桃茶粟米湯都算杰身，唔多粟米湯，勝在夠熱辣辣，開餐前暖暖身蒜蓉包夠哂脆，蒜蓉味岩岩好，唔會太over香辣蕃茄汁底，有少少辣，好開胃，蕃茄味都夠，蝦都有成6隻，份量都ok, 螺絲粉又夠味北京烤鴨pizza~~見依個味比較特別每塊都有一大舊鴨，食得出有片皮鴨個隻甜醬， 夾埋d 青瓜夠清爽芝士味又夠，依個pizza 真係好食， 每人食兩塊都好飽依度應該可以食飽3個人， 每人除開都係$50 喳最後講埋支水果茶可以揀蜜桃味同荔枝蜜桃味好香，唔會好甜，岩哂食埋pizza 解膩～～

觀塘友返工咁辛苦，究竟附近有咩好西可以繼續吸引佢地繼續留低呢？相信呢間pizza店都有份。喺新開嘅food court入面，有間平民價但遊埠級數嘅意大利嘢講真，開頭睇到價錢都唔抱有期望，平平地醫肚就算啦，但呢碟長通粉狠狠地打開大胃嘅胃口水果茶味道相當清新，加$8都抵呀中意混合嘅北京填鴨pizza，出奇地吻合醬料應記一功，芝士都好足呀蒜蓉包大塊又有味，如果有湯就好喇雞翼好大舊，煮得幾嫩幾入味呢度啲pizza即叫即整，果然唔同啲食落溫度啱啱好，又夠晒煙韌大胃食完再唔相信呢個世界下下都要等價交換，原來平嘢係有好嘢㗎

🐈：呢間係鴻圖中心地鋪Food Court入面既其中一間餐廳，個food court充滿歐洲嘅異地風情，周圍都係歐洲小鎮嘅壁畫好靚，可以打卡👍🏻。個人認為呢個food court都幾特別，平民價錢就可以食到唔同風味嘅歐洲菜🤩，唔錯！———————————————🌟香草蕃茄肉醬意大利粉 $𝟻𝟾味道正常，粒粒肉醬🤤，蕃茄味鮮味十足🍅，個汁好開胃醒神👍🏻，只係略嫌味道偏鹹，有待改善。𓂀推介度：6.5/10 _🌟卡邦尼意大利粉 $𝟻𝟶味道唔錯，忌廉汁打得夠滑夠香👍🏻，意粉質量唔錯。煙肉煎得幾香，又多火腿。呢個價錢真係好抵食！🤩𓂀推介度：7/10_🌟北京烤鴨Pizza $𝟼𝟾個人認為呢度嘅Pizza都幾出色。成個Pizza都烤得好香💕，個薄餅底係好香嘅麵包味，咬落去脆得來又軟熟🥰。烤鴨用左鴨胸肉，配上北京填鴨嘅醬汁、大量芝士🧀同新鮮粒粒青瓜，巧味喔🥰。𓂀推介度：8/10