豊勝手丼 (已搬遷) 新店位置

當你好想食蟹, 但又懶得拆肉的時候, 最好就是食一碗全蟹丼了。餐廳店面不大，當晚客人也不多。其實店內每款丼式都十分吸引, 旁邊小情侶的海膽丼都很足料, 下次要試試。我點的北海蟹丼上滿滿是餸，蟹肉未算最鮮味，但也不錯吃。味噌蟹膏份量多，即使配上飯也有點越吃越鹹的感覺，如果淡口一點應該會更美味。不過我對這裡的壽司飯有些失望，口感太硬不好吃，有點拖低了分數。整體感覺是食物味道未至出色，但勝在份量搭夠，令人滿足。

好掛住個蟹丼，難得今日LUNCH有時間，一於去食個豐富嘅LUNCH為咗食蟹，當然係食北海蟹丼 $198，一碗已經有齊松葉蟹肉、松葉蟹腳、松葉蟹鉗、味噌蟹羔同蟹籽，啖啖肉，唔洗自己拆肉，蟹腳同蟹鉗各兩隻，已經處理好哂，好容易就食到，仲好鮮甜添，仲帶有小小海水嘅味道，食完蟹腳同蟹鉗，碗上面就剩番蟹肉、味噌蟹羔同蟹籽，今次就一次過撈勻，每啖都好鮮甜，蟹味濃郁，仲有唔同嘅口感，其實呢個丼嘅材料真係好豐富，有時真係唔知從何入口，下次再去，等我問員拎隻碟先夾起啲餸先。             今日個前菜都好特別，個沙律今日加咗兩片鴨胸，估唔到都幾特別，食完飯再飲埋個味噌湯，大滿足

今日Lunch想食丼飯，和同事上網看看，找來這家在銅鑼灣謝斐道的人氣”豊勝手丼”，感覺不錯，便打去訂座，提早來到餐廳，原來店面積不算大，慶幸不用等位。看看菜單，款式多，還可以自選配搭，看到這款北海蟹丼幾吸引。前菜有螺肉、煙三文魚沙律三文魚籽沙律菜和麵豉湯。賣相吸引，看看材料十分豐富，包括有松葉蟹肉、松葉蟹腳、松葉蟹鉗、味噌蟹羔和蟹籽，全部都已經拆肉，非常方便食用，蟹肉鮮甜，味噌蟹羔和蟹籽拌飯一流，不膩口，口感豐富，一個丼就滿足曬。下次再試下其他款式先。

今次特意同朋友到這裡吃晚飯，除了出差前再食多次這𥚃的蟹丼外，也因為朋友對甲殼類過敏，所以我點的蟹丼可以私有化外，亦可免費品嚐一下友人點的丼既味道~~~🤣望望餐牌，有好多選擇~~ 好啦都係決定要蟹丼架喇唔好再三心兩意~~ 好快，我既北海蟹丼已經黎到，淨睇外表已經吸引!!!松葉蟹腳、蟹鉗、蟹肉，蟹子加蟹羔，鋪滿整個飯面，只差沒有不能吃的蟹蓋😜，蟹的所有能吃的部分全部集合於這𥚃。新鮮的蟹腳、蟹鉗、蟹肉，全部啖啖肉，保持一貫水準，肉質鮮甜爽滑。個人最愛這𥚃的蟹羔，棉密口感，濃濃甘香味，加上不多不少的蟹子，每囗飯配搭不同的蟹部分食，口感豐富，吃不停口。朋友所點的是鮭魚親子丼，朋友大讚這兒的三文魚肉身夠厚，新鮮，好滑。另外，三文魚子非常多，友人與我分享品嚐，鮮味十足，沒腥味，不過友人怎樣也不肯分享一件三文魚給我，也難怪，的確只是望已經非常吸引。整體來說，保持水準，這兒的蟹羔味道真的十分濃郁，如果可以加碗粥配蟹羔相信都會十分受歡迎。

很久沒吃超新鮮的魚生飯了這一間常常都有很多人排隊，今天就來試一下沙津菜很甜很脆非常新鮮，味噌湯咸道剛剛好。刺身的分量都給很多，海膽味道超濃郁，超新鮮超甜，用紫菜包一點飯包一點海膽，整個人超級滿足！！吞拿魚很嫰，加了點蔥花很香。滿滿的蟹肉！！而且都幫你處理好了不用自己動手蟹肉很甜，蟹膏超甜超濃郁的！！和蟹子伴在一起的口感超級棒蟹腳的肉也很肥，一口咬下去超滿足。吃完這個飯有種吃了一整隻蟹的感覺～但重點是不用自己動手！！

之前經過餐廳，經常都見到大排長龍，諗好咗搵日一定要過嚟試吓，呢日一早就同朋友出去餐廳朝聖，幸運地唔駛排隊就入到去。餐廳裝修充滿日式風情。睇完餐牌之後，決定同朋友1人1個丼，朋友叫咗北海蟹丼，裡面有勁多松葉蟹肉、松葉蟹腳、松葉蟹鉗、味噌蟹羔同蟹籽，分開食就可以試到每款食材嘅獨有鮮味，撈埋一齊食，就令味道昇華，每啖都係鮮味，好滿足。因為好耐無食和牛，所以我就叫咗火灸鹿兒島和牛丼，和牛經燒烤後，食落油潤，充滿油脂香，難得佢肉味好濃! 另外，配上菇類同蔬菜同食，中和了油膩感，令整體感覺更平衡，唔錯! 每款丼都跟咗前菜、配料及味噌湯; 前茶係凍豆腐配千島醬汁，配料係螺肉，而味噌湯就加咗豆腐，飲落唔會過咸。餐廳免費提供壽司飯，朋友唔夠食，額外叫咗1碗飯撈餸食，最後大家都食到飽晒先離開。

今日去左CWB行街,行街之前先去同朋友醫肚所以今日就黎左謝斐道豊勝手丼見到個餐牌都幾吸引所以入左去店員好快就安排左座位俾我地選野食先睇左一陣我地分別選左鹿兒島和牛灸丼,北海蟹丼(松葉蟹肉+松葉蟹腳+松葉蟹鉗+味增蟹羔+蟹籽)個環境都幾日式好快野食就到了北海蟹丼(松葉蟹肉+松葉蟹腳+松葉蟹鉗+味增蟹羔+蟹籽)--先講個小食,螺肉都幾鮮甜,唔會好雪味既感覺凍豆腐連沙律醬都幾野味主角到喇味增蟹羔+蟹籽香口非常,入口陣陣蟹香完全溶於口中,配合日本飯一起吃非常可口松葉蟹肉+松葉蟹腳+松葉蟹鉗--蟹味鮮甜,海鮮香完全流於口中鹿兒島和牛灸丼和牛油香脂肪分佈平均,油脂香味完全溶入口中..咬口又夠另外飯是可以免費添加的

今日一個人去銅鑼灣行書店之後就到對面食街找吃的 上網看到這間幾高評價的日式丼飯店就去試下 店鋪細細只有16個座位 不過款式有很多 不合心意亦可以自選配料自己考慮了很多之後 最後點了北海蟹丼 $198 有齊松葉蟹肉+松葉蟹鉗+松葉蟹腳+味噌蟹膏+蟹籽 蟹肉質軟滑 鮮甜美味 蟹腳只要用筷子輕輕一撥就能原條放進口裏 蟹鉗也不雖然很用力 蟹膏鹹甜適中拌飯最好 加入蟹籽爽口 好幸福一大口一大口吃 這裏的壽司飯加入了魚仔 亦可以無限添加飯的 冬天就是要吃蟹的季節 竟然這裡一碗丼飯就可以滿足我所有的的心願

已經係第4次嚟食，次次都好滿意，而且佢哋定期會加新菜色，值得隔一排又嚟食！北海蟹丼 ($198)賣相好吸引，鍾意蟹嘅應該會開心到癲咗，有松葉蟹肉、2隻松葉蟹腳、2隻松葉蟹鉗、味噌蟹膏及蟹籽。就算係蟹鉗都已經整好晒，基本上唔洗出手都可以食到啖啖肉又唔會浪費半絲蟹肉！味道鮮甜而且口感係一梳梳咁，非常新鮮。花咗啲時間將全部撈埋一齊食，非常滿足！五品丼 ($268)有三文魚、油甘魚、牡丹蝦、活帶子及日本海膽。全部刺身都好新鮮肥美，肉質甘甜；比較突出嘅係牡丹蝦，超大隻勁新鮮，肉質好嫩滑彈牙，食埋蝦頭入面啲膏，香甜無比！兩塊帶子中間夾咗塊檸檬片，必少少檸檬汁出嚟一齊食，鮮甜味道更突出；由於太肚餓嘅關係，啲日本飯香又綿密，所以一定要添飯！海膽係就係好香濃，不過叫多咗飯，如果海膽份量再多啲就完美啦，而家唔夠撈晒啲飯呀哈哈！次次嚟都冇失望，春天又嚟食喇！

之前夏天去食，講過話冬天要來食蟹丼，我二話不說就叫了北海蟹丼，朋友好愛海膽，又想食魚生，所以叫了五品丼北海蟹丼 $198喜歡蟹嘅朋友一定唔可以放過，大大碗，有松葉蟹肉、松葉蟹腳、松葉蟹鉗、味噌蟹羔同蟹籽，好似食咗成隻蟹咁，啖啖肉，又食得乾淨，松葉蟹肉好鮮甜，蟹腳同蟹鉗各兩隻，已經處理好哂，啖啖肉，新鮮得來仲帶有小小海水嘅味道，至於個味噌蟹羔，我建議留番最尾食，味比較濃，令鮮味更出，仲一啲都唔腥，加埋啲蟹籽撈飯一流五品丼 $268五品嘅五品即係三文魚、油甘魚、赤蝦、活帶子同日本海膽，三文魚魚肥美，油金魚粉紅嫩滑，,肉質厚實甘甜，赤蝦比手指還要粗，還要長，彈牙嫩滑多膠質，蝦頭仲有好多膏，厚厚嘅兩片帶子，中間夾著檸檬片，感覺清新，鮮甜無比，至於個海膽，味道濃郁，入口即溶，仲留有餘香，加埋飯其實都幾飽呢間小店，座位唔多，有四組枱，每組可以坐4-5人，全店可以坐16-20人，值得一提嘅係佢所採用嘅米係日本米，米身短，較香綿密，米粒光澤、圓潤飽滿有飯香，仲可以添食，而個味噌湯都好足料，有白蘿蔔、海帶同豆腐

早前聽朋友介紹過銅鑼灣有一間魚生丼飯，味道唔錯，今天在港島區工作，於是一試餐廳細細間，座位唔多，最好預早訂枱餐廳有多款魚生丼以供選擇，不過，如果想自己揀魚生丼亦可以，每個魚生丼只需揀3款便可，可以滿足不同客人需要呢度壽司飯重可以免費加飯喜歡食蟹既我，㨂左北海蟹丼侍應送上北海蟹丼，前菜有螺肉、麵豉湯、沙律菜及蟹丼螺肉爽囗，有囗感蟹丼好豐富，松葉蟹腳及蟹鉗放左兩旁邊，中間擺放一大堆紅紅蟹籽，滿満雪白蟹肉及味噌蟹膏喺上面，顏色鮮豔，賣相相當吸引蟹肉分量一尐都唔少，鮮甜美味，而味噌蟹膏味道濃郁，十分新鲜將蟹籽、蟹肉、蟹膏拌飯一齊食，令到味道更到層次松葉蟹腳啖啖肉，有口感呢個北海蟹丼，令我大満足，下次一定要再試其他