Blue Brick Bistro (已結業)

今晚我們去咗灣仔利東街即以前嘅「囍帖街」嘅「Blue Brick Bistro」食晚飯！我們叫咗兩個四道菜晚餐！餐包：熱辣辣嘅包質相當香滑鬆軟！頭盤：北海道帶子他他配三文魚籽及車厘茄嘅賣相極之精緻吸引，鮮甜嘅三文魚籽加埋鮮味嫩滑嘅他他帶子同三文魚，仲有爽甜嘅青瓜一齊食，真係非常惹味！BBB沙律嘅BBB係兩款唔同香腸組成，一款係白色腸味道比較清淡，另一款係紅色腸味道比較香濃，肉質口感好爽脆！餐湯：慢煮伊比利亞火腿及鷄肉清湯嘅味道真係相當清，將塊火腿放咗落湯先感覺到有味！黑松露湯嘅湯底非常濃郁，黑松露嘅味道相當芳香！主菜：和式燒山口縣鷄柳配田園沙律及意大利黑醋汁嘅燒鷄柳外皮燒得相當香脆，肉質非常嫩滑，而且肉汁超多！香煎比目魚配法式燴雜菜嘅比目魚表面煎得好金黃香脆，肉質極之嫩滑，味道相當清甜！甜品：南青山蛋糕卷「原味」嘅質感超級香滑鬆軟，蛋味非常香濃，忌廉相當雪白幼滑，真係超好味呀！

公司附近既利東街開左好多新既餐廳。入面每間餐廳既環境都吾差。逐間逐間去試😀今日就揀左依間日式西餐幫同事慶祝生日🎂由於餐廳座位全部係2樓。樓下個門面都比較吾當眼。我地3個人食有預先卜位。安排左我地坐室內既位。梳化卡位非常舒適。我地叫左3個4道菜既晚餐share食😃每次上菜員都會行到枱旁等到侍應黎到先由侍應將食物上枱。最先黎既係面包有兩款頭盤只有兩個選擇就兩樣都叫左黎試。第一個頭盤將帶子切成少粒再堆番個帶子形出黎。帶子他他。先食左一少粒帶子好重花香味。略帶少少腥味。不過成個食完會被三文魚籽同青瓜味蓋過左另外一個頭盤係清酒麵豉雞肝醬配多士。多士下面墊左好多粒小石頭。係上菜既時候侍應會將清酒淋係石頭上會聽到清酒蒸發既聲音。令多士略帶清酒味。但我地3個都接受吾到個雞肝醬既味道。抹左少少都覺得太咸麵豉味太重感覺有d怪。侍應都有行墊黎問我地係咪吾岩食。佢過客人既反應都好吾同。一係就覺得好好味。一係就完全接受吾到。所以我地淨係食左個多士冇再抹醬。但依個多士比麵包籃既麵包好食🍞我地就留左黎送湯。由於室內冷氣太凍既關係食完頭盤我地就頂吾住要轉坐室外啦😂室外係露台既感覺而且望落去就係開滿燈飾既利東街又別有一

灣仔從前o既「囍帖街」現今已變成「囍歡里」 ，橫街都改建成小公園休憩處，街道亦轉成購物商場o既一部份。唔怪得知日本名餅店「Yoku Moku」喺度開分店之餘，仲要搭建多兩層西餐廳「Blue Brick Bistro」。正門喺地下「Yoku Moku」餅舖o既側旁。接待處旁有條樓梯通往一樓餐室。樓梯後面其實有個酒吧，但因未正式開放，故不得內進。大家請放心，大廈另一邊亦設有升降機 ，食客唔洗一定要行上梯級。樓梯頂上o既吊燈喺唔同角度望落去都咁靚咁有特色，設計得好有心思。 四周簡潔o既裝潢及柔和o既光線感覺極之大方舒適。大廳o既佈置可見餐廳快將開幕 ，細問下得知原來吉日就係跟住嗰晚，即二月一日。可能要忙於籌備派對，我地一行又有成八人，為免招呼唔到其他人，所以就索性間出半梳化式散坐o既一邊俾我地包場。如果鍾意吸收新鮮空氣，店子亦設有室外座位，天熱有風扇，天冷仲會開住火爐添 。餐具及菜餚全為西式，但主要食材則大多購自日本。現階段晚市有兩款四道菜o既套餐，價錢分別為$298及$348（另收加一服務費），前者主菜屬意粉類，後者則為肉類及海鮮類；頭盤同樣係二選一、餐湯同甜品為是日精選。當然