麵屋 元祖達摩 (已結業)

北海道3.6牛乳拉麵🍜（$88）湯底係用日本3.6牛乳熬製，奶香味唔算太重，咁樣反而冇咁容易滯，又可以帶出湯底嘅鮮味，濃度可以話係啱啱好，我最後係飲曬成碗湯🤣溏心蛋帶淡淡酒香味，非常入味，蛋香味十足，半熟口感超級正！至於肉就有好多唔同部位比你揀，總有一款啱你口味，今次我就揀咗豚肩肉，相對豚腩脂肪少好多，好味嘅同時食落都冇咁大罪惡感😂肉非常厚且大塊，而且有燒過，會更加香口👏🏻呢個價食到碗咁出色嘅拉麵真係無得輸👍🏻

見到抗疫價$198兩碗任選拉麵再加兩個小食包野飲，即刻試左佢個豚肩叉燒北海道3.6牛乳拉麵，聽女朋友話揀左粗曲面加硬，另外加錢再加粒糖心蛋，真係perfect！拉麵個湯一啲都唔油膩唔會過鹹，味道岩岩好，份量就岩岩好一個標準份量女仔，加埋小食野飲就一定盡興！所以有呢個二人餐真係好開心！小食方面揀左炸蠔同餃子，餃子真係食拉麵必加，炸蠔炸得岩岩好又唔會好多粉，粟米豚肉餃又多汁！enjoy😋😋😋😋！

香港人唔知點解特別鍾意食日本嘢🇯🇵哩間拉麵店bookmark左好耐，終於有時間去食啦😋叫左個二人套餐，可以揀2款麵2款小食同包2個飲品，都係HKD$218，幾抵食！-☆ 櫻花蝦味噌拉麵揀左粗曲麵同豬軟骨，味噌湯十分濃郁，櫻花蝦令湯底既味更突出，食開重口味既我非常鍾意💗 粗曲麵夠粗好有口感，質地煙煙韌韌好好食，豬軟骨軟淋好易咬開，質素不錯的👍-☆ 北海道3.6牛乳拉麵湯底呈乳白色，有淡淡牛乳味，不過略嫌可以再濃少少。揀左既幼麵較曲麵淋身，溏心蛋用醬油醃過好入味又流心，朋友好喜歡。-☆ 雞軟骨餃子 ＆ 自家製炸手羽雞軟骨餃子炸到金黄色脆卜卜，食到有啖啖肉加軟骨碎，幾好食。炸雞翼就普普通通，有少少鹹~

麵屋 元祖達摩🍜 | #太和《幾失望既一餐🤧》之前都有聽過依間拉麵店有啲出名，亦係Openrice見到有好多好評，原本都幾有期望😅。不過真係幾失望，唔會再食🙁... 麵都算正常🤔，但叫左個小食，真係中左伏🤢。 食左130幾蚊，我覺得食金XX會仲好，或者食返太和間御XX的魚生飯仲開心🤨🔸北海道3.6牛乳拉麵🍜 | $83湯底都有啲牛乳味🥛，有少少似忌廉湯既感覺，不過唔算好濃。配料都幾豐富，面頭有黑松露、蟹籽、荀等等，令到味道多點層次🤓～叉燒揀左豚腩叉燒，而麵就揀左幼麵，兩者都正常🤔～ 但食完覺得都幾咸🤧… 整體就一般、正常咁～ .🔸蝦天婦羅🍤（4隻） | $38中伏！🤢 炸醬好厚，炸到好硬、好怪🤯（如圖），咁怪既天婦羅真係第一次食🤥...📍地址：大埔太和路15號太和中心地下12號舖（太和站 A 出口, 步行約10分鐘）

日本大阪旅行嘅點點滴滴一直在於腦海中揮之不去，一直默默回憶著...由當時起，我就喜愛上「達摩」這個身體圓圓的玩偶。「達摩」是日本多年來既傳統，還記得在日本寺廟見到的達摩不倒翁當時什麼不知情的情況下去查了一查，先知是為祖先達摩大師致以最高的尊重而製成的，它身體圓圓很像不倒翁的樣子，雖然說不上可愛，但總有一種特吃的吸引力！更重要的是它可以令你有心想事成的力量。很神吧！知說香港有「達摩」的蹤影啦，就係大埔新開了一段時間的拉麵店【麵屋 元祖達摩】，當然都是以日本不倒翁達摩為主題！入到門口果然到處都見到呢隻無手無腳的達摩公仔，大既小既甚至連超大既都有，愈望愈順眼，全店都有達摩的擺設。店內大約可以容納30人左右，有2、4人枱，亦可選吧枱。安排好位置後職員俾個籃我放下隨身物品！今次到訪呢間拉麵店除左主題吸引我之外...最主要既當然係拉麵啦，​【麵屋 元祖達摩】好像現時供應10款拉麵左右，餐牌裡面有很多款不同地方風格，不同口味的拉麵，呢到既湯底有幾款都幾特別的，就例如咖哩，喇沙，牛乳等等...亦可以自行選擇麵底、叉燒、配料餐牌裡面是由昂貴到便宜順序排列出來，看上去最便宜的是「味噌拉麵」五十八元。當然兩

同家姐黎到以＂不倒翁＂達摩為主題既拉麵店好開心😗，招牌也看到大大隻的達摩公仔店內仲有好多達摩既擺設，好有身處日本拉麵店🍜既感覺🇯🇵店內有兩款座位可以選擇，Ｂar 枱都可以睇到師傳即煮拉麵！我就選擇左坐二人枱，怕講野太大聲嘈到人ｈａｈａ～Ｂar 枱show出了飲品的模樣出來，玻璃樽的包裝好特色所以就叫左2枝梳打飲品先，白桃味梳打和達摩梳打是檸檬味～果包裝真係好得意！好得意！細細個👶🏻既時候覺得 ‘不倒翁’ 好得意 圓碌碌，又好奇有d係沒有眼睛👀的。大個左先知道 ‘不倒翁’ 又名達摩，是許願求福既用途㊗️將願望寫係達摩的身上兩邊，之後許下願望，並在達摩的左眼畫上黑眼珠，然後等待願望實現後，再向右眼畫上眼珠💕湯底有唔同既味道可以簡，口味仲好特別！而且，每碗麵的湯底都有自己的名字，名字都好日本ғᴇᴇʟ，好有心思。這裡的自由度很大喔，麵質、叉燒的款式和要唔要蔥、荀、蒜蓉都是自己決定的我地選擇了白河和多摩。有好多款小食的可以選擇！北海道3.6牛乳拉麵 (白河)$83第一啖先飲一飲湯底，3.6牛奶就飲多～無諗過可以拎黎做麵既湯底白𠽌𠽌既湯底好香濃既牛奶味🥛甜甜地3.6牛乳配上拉麵沒有很奇怪的感覺，好正

呢日去完香港鐵路博物館，經過拉麵店見人流都幾多，決定入去一試🤗👁‍🗨 鹽燒雞腎（7/10）💲32三串細細粒既雞腎，口感唔太韌，味道比較鹹，同埋應該加左七味粉，覺得辣辣地，不過都惹味既😉👁‍🗨 櫻花蝦味噌拉麵（7/10）💲78呢碗拉麵既櫻花蝦味湯底都頗突出，濃味得黎又唔會鹹🦐薄切軟腍既豚肩叉燒，肉味頗為濃郁，仲有半隻滑身既醃製溏心蛋，蛋白夠入味，而蛋黃流心就唔算好澎拜，不過都可以接受🥚麵底揀左幼麵，略嫌麵質唔夠硬身，同埋自認大食既我覺得麵量稍為少左啲🤔👁‍🗨 北海道3.6牛乳拉麵（7/10）💲83同行朋友食左個北海道3.6牛乳拉麵，入面同樣有豚肩叉燒同埋溏心蛋🥚平時食豚骨湯底食得多，但係牛乳做湯底既拉麵真係好少食😳為食既我，朋友未食就已經比我偷食左一啖👻，感覺食落有頗香既松露味之外，仲有微微豚骨湯底既味道，至於牛乳方面就好似吾多覺咁，不過成個湯底香滑creamy吾會膩，吾錯既😇👁‍🗨 Takara 水果酒 提子（7/10）💲22呢杯水果酒其實都有4%酒精，但係都幾易入口，因為味道一開始比較似果汁，係飲到尾先有少少酒既感覺，整體提子味都幾香濃🍇👁‍🗨 Takara 水果酒 白桃（7/10）

大家都知道我係拉麵怪我真係對日本拉麵有種情意結今次真係慕名而來 黎到太和咁遠就係為左食元祖達摩🍜我要左北海道3.6牛乳拉麵 ($83)配上幼麵同豚肩叉燒🐖湯底十分幼滑 濃濃的牛乳配上拉麵 正🤭叉燒厚度適中 而蛋蛋亦十分流心而另一碗係櫻花蝦味增拉麵 ($78)湯底比較濃味一點 櫻花蝦都好多啊喜歡日本味噌的可以揀呢個試試🤪而小食就要左大阪燒 ($28)對於唔太好食菜嘅我 都係交比朋友仔啦😂不過食左一舊 味道不錯的而飲品要左招財貓梳打 就似波子汽水味😚________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

讀左中大幾年，一直都唔知一站之隔既太和有間咁抵食、質素又唔錯既拉麵店。有大約十款拉麵揀，麵質、配料、追加食材統統任君選擇。另外仲有一大堆小食可以選擇，唔係淨係得拉麵啊👌🏻我地叫左北海道3.6牛乳拉麵同櫻花蝦味噌拉麵 share黎食。先講我比較中意既櫻花蝦湯底啦：湯底調味較濃，但又唔會過鹹。成碗湯麵佈滿一粒粒蝦米，聞同食落去都好重蝦味，啱哂中意海鮮湯底既我😋 另外，叉燒亦肥瘦分明，肉質好嫩，好味！另一碗既北海道牛乳湯底其實都唔錯，奶味都夠香，比較適合中意清淡湯底既朋友。小食方面，我地share左個炸雞翼。雞翼夠哂薄粉又炸得脆，好食過一般放題貨色好多!!最後，我地仲叫左兩枝飲品。外形幾可愛，好在係玻璃樽，所以飲唔哂有得攞走繼續飲啊😂總括黎講，呢間拉麵店喺同區黎講算好出色，價錢又唔貴，係抵佢排長龍既！👍🏻

最近從報章得知大埔有間拉麵店，專程嚟試下。揀咗平日午飯時間(約1點半)去到，入到店鋪內幫襯嘅人唔多，鋪頭比較細，坐滿都係30人左右。我叫咗個櫻花蝦味噌拉麵，湯底唔錯，拉麵幾爽，义燒味道淡咗啲，隻蛋就弱咗啲，整體都唔錯，可以再幫襯。我媽咪要北海道3.6牛乳拉麵，佢食完之後話個拉麵一般。加多一個小吃(蝦天婦羅)，唔錯無令人失望。食拉麵清埋湯底是常識吧！拉麵價錢可以接受。小食就一般款式。反而廚師推介小食有驚喜。飲料就真係無興趣喇！

今晚突然又口痕想食拉麵，Or左陣搵到呢間以達摩做吉祥物既拉麵，見幾得意，價錢又合理就黎試下店舖地方大，裝潢舒服整潔，空間感足夠，比起台風/彩舒服好多。餐廳都保留日本既文化，有置物籃俾客人擺袋同一般拉麵店一樣，拉麵都可以選擇硬度、湯底濃度、同配料多少，但建議可以增加拉麵份量既選項，無論大食細食既客人都滿足到餐牌有多種拉麵同小食選擇，眼闊肚窄既我地幾經辛苦終於揀左兩個拉麵、一份小食同兩個野飲。我揀既係北海道3.6牛乳拉麵，湯底以3.6牛乳加豬骨湯熬製而成，滑順既奶味同豬骨湯既鮮甜配合得天衣無縫，入口濃郁香醇除左半隻糖心蛋、叉燒、紫菜、荀外，拉麵仲有加入蟹子同黑松露，提升左湯底既鮮味。我揀既係豚肩叉燒，叉燒肥瘦均勻，厚薄適中，口感唔肥膩亦有咬口，女士們可以選擇呢款。另外拉麵選擇左偏硬既粗曲麵，感覺近似搏多拉麵既口感。麵質雖然未至於非常彈牙，但吸收左濃厚既湯汁後仍然頗有彈性，有日本一風堂既水準大人揀既係墨魚汁粗曲拉麵配豚肩叉燒。食麵之前飲左頭啖湯，加左墨魚汁後湯底鮮美濃厚，飲落去好舒服。本來以為蒜蓉會蓋過墨魚湯汁本身既鮮味，但完全無。麵條方面，大人同我一樣選擇左粗曲麵，佢話比一般傳統拉麵掛到更