十三姨 (通菜街)

營業中

休息中

朋友介紹我黎食，話on diet都食得既餐廳。望完個餐牌好吸引，樣樣都想試食！叫左個招牌菜十三幺食，貪佢樣樣都有d,有日式叉燒，糖心蛋仲有手撕雞，滿足到選擇困難症，又鍾意豐富菜式的我，湯底係米粉溝粉絲，有咬口得黎口感又豐富。呢度最特別係加$15，可以將面底變翠玉瓜加四蔬，如果係生酮緊既同學就絕對o岩曬。不過我就嫌有少少貴，所以無加到。呢度特別在，每款面仲會加d蝦片比你浸湯撈黎食，幾特別，配埋杯茶飲就十分消滯

旺角通菜街不嬲都有好多正野食😋 今次特登去食其實近登打士街（油麻地）嗰邊多啲既十三姨😄😄😄 平日9點幾去到無諗過全場都坐足8-9成，都相信佢唔係黃店效應而係真係真材實料多人encore。一坐低就有人俾你食蝦片😂😂😂見到咁夜費時食返食到咁油膩，我同朋友都叫左十三幺（手撕雞、雞叉燒、溏心蛋粉絲夾米粉）。好快就上台有得食👍🏻效率好快湯底夠味有無味精感覺，好大煲啲雞好足料！！除左溏心蛋有啲唔正宗都超好食！回頭率好高！下次應該要試飯

0️⃣十三幺 $66 （需收取加一服務費）一開始只係俾個名吸引咗，但估唔到食落都幾特別。呢碗十三幺基本係食雞，首先湯底係雞湯，然後有炙燒手撕雞、雞叉燒同半隻溏心蛋。但可能因為炙燒嘅關係，手撕雞有啲柴，不過可以浸一浸落湯再食；而湯底就推薦擠啲檸檬汁落去，個湯飲落會更有層次，香濃嘅雞湯再帶啲酸味，幾開胃。鐘意食辣嘅朋友，可以加枱面嘅十三姨辣椒！不過要自行斟酌，試啲啲睇下會唔會太辣先。而麵底係粉絲拼米粉，仲有幾條腸粉。都幾驚喜，粉絲、米粉同腸粉都好掛湯汁；而粉絲拼米粉真係第一次見，食完都幾鐘意呢種配搭。其實佢係有得俾你轉其他麵，例如陽春麵，所以唔太鐘意幼身麵嘅可以有其他選擇。🌟其實當日晚餐都幾多人等位，而餐廳坐嘅位置基本一眼睇哂，所以想食要早啲嚟攞位啦！（🧡感謝用心睇到呢度嘅你地🧡）