Café&Meal MUJI (已結業)

好友相聚，唔好講甘多，搵返個地方食晚飯。銅鑼灣Care & Meal MUJI樓底都算，座位同座位間距離感夠，空間感尚算不錯，同朋友傾偈吹水係一個唔錯的選擇。晚上七點幾，食客唔算太多，一走入餐廳，即有職員安排座住，不過點餐就要移玉步到櫃枱下單、取餐。職員服務殷勤、有禮，訓練有素，值得一讚。下單就到櫃枱前，隔住玻璃櫃挑選食物，然後到收銀處俾錢。呢日叫左個3主食套餐，包套湯，十穀飯，份量對我黎講就岩岩好，如果胃口大d的朋友就可能未必夠。而佢地另外仲有4主食套餐，同其他選擇。呢幾日秋風起，個人好乾涸，一黎先飲個湯滋潤下個喉嚨仔先。湯微溫，湯底濃淡相宜，味精感唔算重，湯料有椰菜、紅蘿蔔、海帶等材料幾足，表現平穩。叫左十穀米，好驚喜，d米飯絕對粒粒分別之外，仲非常有質感同口感，軟棉QQ中又有d咬口，仲帶有米香，幾好。黎到主角，叫左「冬菇冬瓜」冬瓜尚算水份充足，整得幾好無鐵腥味，味道平平淡淡，清熱下火之選; 「芒果露筍沙律」d芒果幾酸下，又未出到平均成個沙律味道的層次，少少敗筆，不過沙律的材料都幾新鮮就真; 「冰蕃茄」出乎意料，一啖咬落去，成粒醬爆大牛丸甘，d汁咇鬼曬出黎，太juicy了，而個日式

依一餐 食質素 食意念。個餐可以揀白飯或者十穀飯飯黏黏的，用十種穀種去造嘅飯，起初以為會好"鞋"，點知好煙韌。最大驚喜係個涷蛋，一啲都唔膩！好似食另類蛋沙律咁。有青瓜，有蘿蔔，有其他蔬菜。好特別！坐得好舒服，環境好悠閒！－－－－－－－－－－－－－－－－－－－－－－－－－－－－－－回頭率：7/10

一向都幾喜歡Muji的產品, 喜歡它平實簡樸, 並不花巧, 令我感覺舒適自在。短道Muji在香港開咖啡店時已想來試試, 但一直未有機會。最近在雜誌看到它推出春季新菜「Eat Green 加強陣容」, 添加多款清新富營養的素菜, 愛素食的我當然不會錯過, 故決定前來一試。咖啡室位於Muji店內的一處, 在店shopping完嘆杯茶抖一抖又得, 吃完滿有energy才去店內shopping又得, 總會吸引到一些客人消費, 很好的商業策略!環境門口放了一塊大型的總菜牌, 列明客人有3項選擇, 包括3品料理($88)、4品料理($98)及牛油果雞肉雜菜咖喱餐($80), 清晰而吸引的相片, 旁邊還放了一個玻璃矮櫃, 內裏擺放了飲品和甜品的樣板, 讓客人更一目了然。咖啡室一邊是點選食物及付款區, 另一邊是用餐區。點選食物區設有兩個廚櫃, 均放了一盆盆各式各樣的美食, 客人可在外面排隊時先揀選自己的心頭好, 快捷方便；用餐區地方寬敞, 環境光猛, 主要採用木製的傢俱和餐具, 簡約整齊, 感覺優雅舒適。座位多已設定兩人和四人, 一旁是發沙位配木椅； 另一旁是高木椅bar枱；中央則是全木枱木椅, 所有

無印良品是香港人熟悉的品牌，在下過去光顧過不少，早幾個月知道其銅鑼灣店開設了「Cafe&Meal MUJI」已經想試，但前往當日竟然壞了煮食爐沒有熱食供應，失望而回後，再次踏足已經是幾個月後的事。無印良品2001年在日本開設首家Café&Meal MUJI，至今已有17間分店，香港是全球首間海外分店，加上無印的名氣，在下幾個月前看見門口有十多人排隊等食，幾個月後的星期六晚上，在下抱著要等位的心態跑上利舞台，不料去到發現餐廳只是半滿，和開業當初平日晚晚爆場的情況差很遠，為什麼呢？這是星期六晚八時許的情景，餐廳內裝修很有無印的簡約明亮風格，就算是木製的椅子也讓人覺得很舒服，據聞設計和南青山分店很接近，在下沒有去過不知道有多像。從另一個角度看餐廳，留意右手邊的疊起的藤籃供顧客自由取用以放袋和衣服，這是在下最喜歡的日式服務之一，香港有這貼心服務的普通食肆不多，要數已數到一風堂。在下選擇坐吧台位，高椅的前方有放袋的空間，也有承托腳部的鋼條，坐得安心舒服，留意玻璃上的三行磨砂，剛好遮掩了窗外購物者的臉，即反過來對方也看不到你的臉，是保持環境通透明亮又帶來私隱的優良設計。這是餐廳的菜單，只有「三品料