利寶閣 (已結業)

平時間唔中都會夜晚同屋企人出街食，今晚就同屋企人黎到呢度飲茶。平日既人流唔算多，所以好快就可以入座喇。打開餐牌，每款除左字之外都有圖片，非常貼心！除左散叫，都有套餐。不過因為係日常食下飯，所以我地都係散叫小菜喇。我地叫左普洱，茶味比起好多酒樓都更香。前菜係酸酸甜甜既醃菜，幾開胃。由於見做緊promo，就叫左 谷飼豚肉叉燒飯 加 原盅佛跳牆 ，$188 。因為係一人份量，所以一盅佛跳牆唔會好大，不過千祈唔好睇小佢，因為入面真係超足料架，有海參仔、雞、有鮑魚仔、有菇、有翅、有瑤柱等等。而且個湯好濃，好好飲。呢個係谷飼豚肉叉燒飯，比較懷舊既感覺，而且係用公雞碗添！而最想講係呢舊叉燒，鬆軟淋滑，而且燒汁好香，超好食。蔥花青瓜海蜇，好爽口開胃，用黎做第一碟主菜係一流。脆皮香芒蝦球，香芒夠晒甜而且大大粒，蝦係比夠淋身而唔係爽口，不過夠晒大隻，而且都有成六粒架！千葉豆腐味道清清地，豆腐好滑身。另外除左講緊好唔好食之外，都好考刀功，見佢一塊塊咁薄又整齊就知刀功一流喇！彩塘安格斯牛柳粒，呢個好鐘意食，牛肉既牛味重之餘淋身而且無筋，菇好彈牙。因為有分$108小同$168例，一開始我地叫左$108小，結果因

黎到奧海城逛商場，行到攰就在「利寶閣」食埋晚飯才回家。先黎冷盤葱花青瓜海蜇$78，粗身又爽脆的海蜇很可口。千葉豆腐$118，滑滑豆腐配三色椒、叉燒、冬菇、菜圃粒粒和白果，簡單又清爽的一道菜餚！豚肉叉燒飯配原盅極品佛跳牆$188，當我看到用雞公大飯碗的叉燒飯，真係帶我到時光隧道回到那些年，三毫子一碗叉燒飯也是用上雞公大飯碗！眼前的紅噹噹叉燒，中間黃澄澄荷包蛋和蛋下綠悠悠的菜心，腦海浮游現起紅黃綠交通燈的畫面........那小小時候，123！ 紅綠燈 ！有誰冇玩過？？？我把時間扯到太遠古了.......回到近代，香港人對一碗叉燒煎蛋飯，竟然產生一份淒美浪漫的情感，別稱....黯然銷魂飯！回想、幻想到欣賞，現在我和朋友開始細味眼前的黯然銷魂飯，叉燒是一大件，瘦肉多肥肉少是理想叉燒的選材，豚肉軟腍肉味濃，蜜汁帶來香甜美味，荷包蛋煎至蛋邊香脆，蛋黃流心有蛋香，再佐少許大廚豉油，我倆吃到舐舐脷！足料的原盅極品佛跳牆，材料有海參、鮑魚仔、魚翅、瘦肉、魚唇、干貝、冬菇......燉湯清香撲鼻，味道清甜！很滿足的晚飯！