升哥點心 (已結業)

平時行過呢間點心店都想試下，今日見到入面有張2人檯，於是入去嘆下茶。點心係即叫即蒸，茶錢每位$4，仲見到原來可以叫外賣。食物質素佳，價錢合理。五指毛桃燉豬𦟌 $30 好少飲茶時段會叫盅湯，可按照日子揀選湯款，今次材料有五指毛桃，龍眼肉，豬𦟌，飲完感覺好潤好甜。籠仔雲耳滑雞飯 $41 材料有雲耳，滑雞，籠仔飯上比較特別，白飯好香荷葉味，而且雞肉嫩滑。升哥蝦餃皇 $30 必食推介，蝦餃皮薄，蝦肉爽滑彈牙。山竹牛肉球 $19 超新鮮，多牛肉，馬蹄，蒸得不過火，唔係一舊粉團。春蛋燒賣 $24 通常老鋪先會有，原隻春蛋，燒賣多餡，好有懷舊嘅味道。蜜汁叉燒腸粉 $23 腸粉皮薄，好滑，多蜜汁叉燒。

星期日想飲茶，又唔想晨早流流起身，浪費咗個假日嘅朝早補眠，但查實除咗茶樓，都可以選擇喺點心店度飲吓茶一盅兩件嘅，又唔使同老友記搶位普洱感覺好老人家，大胃都係揀香片，醒神啲脆皮腸冇改錯名，真係好脆，仲有好香芫荽味流心球外面嘅砂糖粒令到口感好有趣食流心球要小心啲，因為啲流沙真係好流心㗎卅幾蚊一大籠飯真係好抵，初初仲以為排骨飯一定係一盅盅𠻹作為招牌嘅蝦餃，皮薄餡靚，必叫夏日推介嘅蟹鉗，季節限定點都要嗌㗎啦咬落啖啖肉，外皮都係由蟹肉造成㗎芝士鮮竹卷出面少有，感覺幾夾咪睇小糯米雞佢真係唔惹小結果茶係飲咗，但唔只一盅兩件囉，呢個真係下午茶嚟嘅咩？

前排見到佢新開張大排長龍，試唔到，今日咁岩經過有位，梗係要入去試下。點心即叫即蒸，選擇都好多，而且價錢合理，營業時間仲開到零晨1點，夜晚突然間想飲夜茶都冇問題。茶位每位$4籠仔鳳爪排骨飯原個籠仔蒸飯，飯軟硬適中，而且粒粒都好入味，排骨和鳳爪都唔少，食落好有懷舊酒樓味道。金玉滿堂蘿蔔糕         同平時食的蘿蔔糕有點唔同，佢用一層炸粉包住，炸到外脆內軟，配埋沙律醬和木魚絲，估唔到特別得黎又幾好食，感覺似食章魚丸，但就係蘿蔔糕的味道。升哥蝦餃皇蝦餃皮薄，蝦肉彈牙。蟲草花棉花雞 魚肚口感好爽，雞肉嫩滑，特別在佢有蟲草花味。山竹牛肉球 利賓納蘆薈水晶果凍