根

營業中

休息中

餐廳空間不算寬敞，以樹木的根貫穿整個環境主題。仿如星塵降落在溺海中心，浮載浮沉。 (1) 辣蒜香草烤雞三黃雞本身脂肪豐腴、皮脆肉軟。但雞味偏淡、肉質未夠鮮嫰，比較適合起肉、切件或烹煮成雞煲。招牌辣蒜汁帶有少許泰式香料，充滿異國風情。唯三黃雞油分較多，與醬汁混成，令整道菜式牽絲攀藤。 此外，在控制火喉需多注意。因為烤雞並不PERFECT，甚至帶有血水，生熟程度在尷尬與懷疑之間遊走。 (2) 卡邦尼意粉對比起來，會相對地有驚喜。日本蘭王雞蛋的色澤從來不會令人失望。巴馬臣芝士、意式煙肉與意大利火腿等材料產生化學作用，煙燻味與芝士香濃互相牽制，刺激味蕾。 (3) 午夜抹茶直白來說：「咖啡＋抹茶。」咖啡濃度不多不少，加上抹茶，反而少了兩者本身的苦澀味（含糖）。然而，在傍晚能夠呷一口咖啡因，又有抹茶清香、淡雅，整體純而不雜。 「你是千堆雪我是長街，怕日出一到彼此瓦解。」 枝葉凋零，血液仍滾動流轉；泥土乾涸，我們仍抱緊相依。

今次黎依間鏡粉必試餐廳。星期日2:30左右大概有20個人等位，入面大概有10張台左右，我地兩個人等左9個字左右入去。依間既擺設都係以樹木為主，餐廳中間放既樹好靚，仲有種chill既感覺。但近樹個邊既位置就比較細，可以放到既食物唔多，建議叫左甜品既要後上。脆條三步曲 $78有紅菜頭、蕃薯、薯仔，側邊有松露醬。一上台d脆條好熱，要慢慢食。紅菜頭冇咁脆，但就真係原條紅菜頭，粉唔會太多。蕃薯同薯仔就真係好脆，好好食。香蒜白酒蜆肉炒意粉 $158香蒜味唔算太濃，我係比較鍾意淡味野，所以覺得啱啱好，意粉韌度剛好，而且蜆肉都漲卜卜，又鮮甜。煙三文魚牛油果碎蛋沙律配柚子醋汁 $98柚子醋汁唔算濃，車厘茄令到個沙律酸酸甜甜，都好開胃。午夜抹茶 $75攬拌後抹茶同咖啡味都濃，仲加入左竹炭，都幾好飲，但略嫌有d貴。樹皮柚子撻 $68好多既甜品都有植物既元素，上面既朱古力就有d樹皮既造型，入面有d蛋糕有柚子醬味，仲有麻糬係入面，出面就有個撻皮，牛油味唔算重，但同蛋糕有d分離，唔太一體。另外一提，有個女服務員態度好好，佢會間唔中黎睇下每一個位有冇吉碟，有就即刻幫手收，笑容好sweet，又會問下我地d野食好唔好食

首先講環境好靚，樓底高，中庭一棵大樹，中間被裝住木段吧玻璃展台圍住。牆面掛住整幅幾米高嘅翠綠樹脂藝術畫，先聲奪人。Cashier 枱面都係木同樹脂藝術，碧玉似海，木似大地，意境一流。餐廳最重要嘅梗係食物質素，食物都一樣出色。今次試咗推薦嘅燒雞，飲品點咗午夜抹茶，甜品試咗樹皮柚子撻同推薦嘅苔玉。-午夜抺茶上層冰&抹茶下層咁靚嘅雲中山水係Double espresso &奶&竹炭，甜度、咖啡味、抺茶味都啱啱好，諧協至極。-辣蒜燒雞雞肉惹味juicy, 雞皮唔係脆嗰種但都好食，薯條唔知點形容，有啲似薯角，但係好食嘅，沙律淋咗果醋。朋友唔食辣表示辣度適中。-甜品一流苔玉：外層綠色碎碎其實係朱古力蛋糕，入面一層啡色朱古力慕絲，再入面再一層粉紅色慕絲。朱古力味濃，甜度啱啱好、又有層次。樹皮柚子撻非常清新，中間有麻糬，上面嘅朱古力薄脆有柑橘（定柚子）味，好有誠意。同埋不得不讚餐具都好靚，瓷碟隻隻都唔同樣。唔多講，睇圖就明。比較可惜係地方細咗啲，大枱唔多，想約埋一大班朋友一齊食點坐就有啲尷尬。