半熟工房 (金馬倫道) (已結業)

是日買了半熟朱古力撻吃.賣相好吸引, 大大個, 漲漲的,  深啡色的外表不用說朱古力味一定會好香濃; 食第二次都覺得很好味! 咬落脆脆的. 通常其他店的朱古力撻都用平常的牛油皮做撻邊, 不過這裡除了內裡的餡料外, 連個撻邊都係有朱古力! 令到滿口都充滿濃郁朱古力的味道, 感覺超幸福的說!!! 而入面餡料都好香滑而不過甜, 口感幼滑. 朱古力控快快去吃吧!

係呀！又係半熟工房呀！自從試左第一件抹茶半熟，我知我已經鐘意左佢，一次滿足我的兩個口感，半熟層同海綿蛋糕夾埋一齊好過癮，知道一出新味，仲要係朱古力味，放工立即進貢啦！一如以往，一盒五件裝，一次一件又唔洗切，啱晒我呢啲連洗刀叉都懶的.....一打開個盒蓋，濃郁的朱古力味攻晒出嚟，我真係忍唔到！用牛油紙隔開的半熟蛋糕，大概如手心的大小，明顯見到有兩分層，上層口感似濃密版朱古力忌廉，好滑溜，下層係朱古力海綿蛋糕，奶味不重，下午茶食一件的話，剛剛好不會漏，每一口都是可可的幸福！買半熟蛋糕時，發現隔離有半熟朱古力撻出爐，熱辣辣的，因為頭幾日開售無咩人排，所以好快就到手，新鮮出爐當然即食，啲香味隔住個袋都聞到（我買左兩個外賣）一食之下好好味！由內至外都係朱古力味，的確有點漏，不過食完簡直High 到極點，對！我是私心喜歡半熟工房的曲奇撻皮，又脆又唔油淋淋，試左咁多間，最愛都是它！半熟工房口味排行，朱古力>抹茶（已停售）>原味芝士 ，因為我唔太好芝士（嫌漏，通常只吃到半個），所以排名係咁了。 

有朱古力撻賣😎抹茶芝士撻已經退役了🍵 岩岩新鮮出爐既朱古力撻 離遠都聞都好香既朱古力味🍫🍫Miss左1 round就等12分鐘新鮮再出爐啦🤔原來連個撻皮都係朱古力味架咼😱撻皮依舊脆口但唔鬆散☺️$22一個價錢合理 勝在夠大個😌朱古力撻唔漏咼又😈半熟工房出品係半熟 並不是流心😌我一向喜歡佢既口感😌我都係小忠實fans黎架😎

今日去開尖沙咀, 經過半熟工房見冇咩人排隊, 就去買番件新出品試下啦!! 去到真係好彩~~岩岩出爐冇耐~離遠都聞到好香好香, $22一件半熟朱古力撻 都幾大件! 好快就買到手~賣相好吸引, 望落個撻漲卜卜, 撻面幾香脆咁, 相機食先之後 即刻引唔住咬黎試下~撻皮做得唔錯, 口感同佢既半熟芝士撻一樣KEEP到鬆化~脆脆地唔會硬~ 咬開入面既朱古力餡有半熟狀態似MOOUSE既口感~夠幼滑~ 味道方面, 餡心有香濃朱古力味, 但唔會覺得太甜, 朱古力甜度適中, 我覺得有D似朱古力奶既味. 食緊既時候我覺得有少少似食緊心太軟 又有啲似食緊BROWNIES...! 而撻皮都有幾香既朱古力味, 因為聽講塊撻皮都係用朱古力造, 唔似其他店只係用普通牛油皮, 所以我估一定啱晒鍾意食朱古力既人! 個人黎講我鍾意食呢個半熟朱古力撻多過之前既抹茶芝士撻~ 佢除左新出半熟朱古力撻, 仲有半熟朱古力蛋糕~ 下次會再買埋黎食下~