鋿晶館

營業中

休息中

Bookmark咗佢咁耐 終於都去咗食🤣史努比呢啲後生女一向對點心冇太大興趣揀得食點心十成有十成都系陪屋企人食😂利申!!冇話後生嘅唔可以鍾意食點心 你鍾意食點心都可以好後生😂😂😂呢間鋿晶館有啲特別 除咗點心之外仲有小炒最得意嘅系佢有埋烤魚 水煮魚 酸菜魚等 仲可以加肥牛😂不過史努比就冇嗌呢啲 揀咗食啲點心小食~Order之後都等咗一段時間 嘢食嚟到熱辣辣即叫即整系值得加分嘅🤭-座位費 $8史努比當佢茶錢啦🤣畢竟平日唔收加一價錢都合理~👌🏿月半彎晶瑩鮮蝦餃(2粒) $22原來佢都幾大粒😳蝦餃皮煙韌有咬口 但就稍為偏厚同埋比較痴 易穿即使有汁都會漏晒出嚟 更何況佢冇乜汁 食落較乾身🤏🏿不過蝦肉多 又夠爽彈 而且帶啲蝦嘅甜味混合適量嘅肥豬肉 都算滑身 味道: 6.5/10性價比: 6/10👍🏿百花炸釀蟹箝(3隻) $62甚少食炸蟹鉗嘅史努比 都唔知點先叫做好但如果以史努比嘅口味去評賞 佢算唔錯炸衣酥脆 而唔太油膩好似撈咗蝦肉 食落幾彈牙雖然就食唔到一絲絲蟹肉 但食得出佢帶啲甜味唔sure系蝦嘅甜定蟹嘅甜🤣總之味道唔錯~配搭甜酸醬確實更惹味 但史努比個人prefer就咁食令佢本身嘅甜味更突出🤭

今日約媽咪到鋿晶館飲茶， 我們大約三點到達，店內都好多客人喎！店內裝修簡約舒適， 餐廳更是自家製品牌， 欣賞這裏的點心現場即叫即做，而餐廳師傅背景更是曾就職於日本東京富麗華多年， 專門為高官達人和明星服務的， 回港之後曾經在多間米芝蓮酒店和大型連鎖酒樓集團做主管， 經驗相當豐富👏🏻。 餐牌上有很多吸引的點心🤩， 我們二人點了七款😋 ～ 馳名南翔小籠包$30、 半肥不瘦叉燒腸$32、 好姐潮州蒸粉果$21、 蒲江春鮮竹牛肉球$30、 田園野菌餃$28、香麻蓉煎堆仔$24、 老爺子古法馬拉糕$22。 🔺馳名南翔小籠包 ～ 一籠有三隻，可以形容皮薄餡豐😋，肉汁多而鮮。 🔺田園野菌餃 ～ 賣相透明而薄😋，入口野菌的香味好濃。 🔺好姐潮州蒸粉果 ～ 潮州粉果皮白晶瑩的外表， 熱辣辣好好味😚。 🔺蒲江春鮮竹牛肉球 ～ 每次飲茶都唔可以缺少鮮竹牛肉球， 口感香濃牛肉味重🤤，加上喼汁提鮮， 味道更加豐富。 🔺半肥不瘦叉燒腸 ～ 腸粉的皮厚薄做得剛剛好， 軟潤而爽滑的口感，堅正👍🏻。 🔺老爺子古法馬拉糕 ～ 新鮮出爐熱辣辣，有海綿般的口感，記得趁熱食呀🥰！ 🔺香麻蓉煎堆仔 ～ 煎堆仔的外層香脆帶有芝麻，

中午與先生出彌敦道的銀行辦點事，見到鋿晶館便入內飲茶食點心。因為之前已試過了中環店和荃灣店，對它有信心。中環店是兩層的傳統酒樓，荃灣店較殘舊擠迫，這間旺角店則光猛闊落，行新式點心路線，連點心名也有點創意。雖然外觀是新潮，但點心卻是傳統做法，而且即叫即製。價錢方面並不貴，茶價每位$6，全日免收加一。🔆半肥不瘦叉燒腸（$32）叉燒真是半肥不瘦，特別之處是混合了翠肉瓜片，腸粉皮晶瑩又嫩滑，賣相很美觀。🔆鮮蝦菜苗餃（$30）每隻都漲卜卜，豆苗非常新鮮和爽脆。🔆百吃不厭鹹水角（$22）同樣脹卜卜，而且熱到燙口，外皮脆而煙韌，內餡雖不是很多但新鮮，味道和口感都很不錯。🔆鳳爪排骨金鳳飯（$32）午飯當然要食飯啦！飯粒分別，餸料又多，很香和惹味。🔆老爺子古法馬拉糕（$22）鬆軟不黏牙，沒有梘水味。贊。 🔆傳統芝麻糕（$28）傳統做法，好像進食芝麻糊一樣，軟滑冰涼，甜而不膩。

之前食過上環鋿晶館，原來旺角都開左分店，今晚就黎試試水準先。原來呢度主打點心。第一次黎，就多叫幾個點心分享。蒲江春鮮竹牛肉球 $30蒲江春鮮竹牛肉球一客3粒大大粒，肉質好腍，味道幾好，下底既鮮竹夠薄。半肥不瘦叉燒腸 $32半肥不瘦叉燒腸一客3條，腸粉皮算薄，入面有瘦叉燒同香茜，唔錯唔錯。京川餃子 $38京川餃子一客5粒，皮好薄，入面明顯有菜肉同蔥，個汁又酸又辣，仲有蒜同蔥，都唔錯。好姐潮州蒸粉果 $21好姐潮州蒸粉果一客3粒，都幾平。粉果皮薄，例牌入面有花生，蔥，白蘿蔔粒。百吃不厭鹹水角 $22一客3件。入面明顯食到肉餡。鳳爪排骨金鳳飯 $32鳳爪排骨金鳳飯一客有兩隻鳳爪同5粒排骨。排骨偏肥，鳳爪應該炸過所以皮唔會爛，配有豆豉同辣椒。白飯係金鳳米，好食，長身又腍。聽聞餐廳係自家製品牌，師傅來頭唔少野，曾經喺日本東京富麗華工作多年，專為高管達人同明星服務，返港後喺多間米芝蓮酒店同大型連鎖集團做主管，而所有手作點心係現場即點即做，所以要等30分鐘左右。點心質素明顯唔錯，絕對唔係一般酒樓貨色。最後多謝友人請客。