The Grill Room (The L. Square) (已搬遷) 新店位置

一行四人食大餐慶祝生日🎂🎉 想食青口又想食甜品，但又怕叫四人餐再加會太多食唔哂，所以叫咗個二人套餐，再加其他野食。二人套餐$648包括兩客是日餐湯、一份沙律、一份肉類主菜、一碟意粉、兩份甜品。✨是日沙律 – 巴馬火腿凱撒沙律沙律正常發揮，巴馬火腿唔會太鹹，沙律醬酸酸甜甜亦幾好味🥗✨燒美國安格斯肉眼扒配黑松露薯蓉 +$80今次叫咗五成熟，16oz大大件牛扒煎得啱啱好，咬落好腍，牛肉味香燶🐮 配菜係黑松露薯蓉，黑松露味道香，薯蓉幼滑香濃，連配菜都做得好出色👍🏻✨香煎北海道帶子龍蝦汁扁意粉配三文魚子帶子又腍又滑，完全唔會韌，食落同刺身一樣😋 龍蝦醬汁香濃唔過鹹，意粉煮得剛好，軟硬適中亦有咬口🍝✨法式椰奶凍配芒果汁奶凍好香椰汁味，食落滑溜溜，芒果汁味夠甜帶少少酸，加埋奶凍一齊食就更突出到芒果甜味🥭✨朱古力蛋糕朱古力味好香，一啲都冇苦澀，上層係朱古力朱古力mousse，下層係蛋糕，質地唔同令口感更豐富👍🏻✨香草白酒煮青口配黑松露薯條 1KG $398哩個係我嚟哩度必點嘅菜式，薯條黑松露味好香。白酒經過烹調後酒味揮發咗，真係食幾多都唔怕醉😂 青口大大粒超級滑口，又好腍好甜，海鮮嘅清甜味道配埋香草白

喺銅鑼灣區想搵好食嘅西餐廳，「The Grill Room 」 一定係大家心水選擇。除咗食物keep 到水準， 環境，氣氛都係我喜歡這裏的原因。 Lunch set 亦很受歡迎。近窗旁邊梳化座尤其舒服～😊Soup of the Day ： 南瓜忌廉湯 $58好夠熱～ 南瓜加上忌廉打成又香又滑嘅湯， 有真正南瓜香甜味! 巴馬火腿溫泉蛋黑松露露露筍沙律$78BB蘆筍清甜幼嫩， 加上黑松露調味更添滋味！巴馬火腿油潤鹹香， 配上溫泉蛋则啱啱好， 味道超精彩！Ginger Beer 紅酒燴羊膝配自家製燒烤汁黑松露薯蓉$258原隻羊膝， 大大隻份量十足， 炆煮得夠腍夠入味！ 自家調製燒烤醬汁帶有黑醋香，酸酸甜甜配羊肉非常夾。 加入黑松露薯蓉特別惹味幼滑， 不過份量較少， 可能相比起羊膝太過大隻～😁黑松露薯條$48印像中店家嘅炸薯條非常了得 。果然外脆內軟，不油膩，可以追着吃不停～👍👍香草鮮茄紅酒燴牛面肉扁意粉$158做法好有水準， 放到面前也keep 住冒煙 ，熱辣辣做起。 牛面肉肉味好濃， 部位帶少少筋和脂肪，又腍又入味～ 扁意粉吸滿紅酒酱汁， 入口煙韌，配上濃濃的香草蕃茄味道一流！餐廳菜式美味

今次去咗銅鑼灣食lunch, 環境好靚坐得好舒服而且waitress嘅服務都好好,態度好nice💖Pumpkin Coriander Soup🎃呢個南瓜湯真係我近呢幾年飲過最好味嘅南瓜湯, 入口真係好rich好香濃, 飲完一啖即刻想飲多一啖飲唔停口😂 其實我本身唔係太鍾意南瓜但係飲呢個湯嘅時候完全冇南瓜嘅腥味👍💯味道 :9.5/10性價比:8/10Angus Rib Eye (16oz)🥩牛扒一嚟到賣相真係好吸引,擺盤簡單得嚟都好靚。 我嗌嘅係medium 切開牛扒生熟程度控制得好好， 而且表面都有煎到坑紋😍 呢塊牛扒食落去肉味香濃程度 算係中上, 食落去有咬口但係都唔會話好靭, 而且油脂感都幾重🙈 牛扒配有兩款醬汁,一款就似平時點牛扒嘅燒汁 我幾欣賞佢唔會太鹹呀所以唔會蓋過咗原本牛扒嘅肉味。 而另外一款綠色嘅應該喺香草汁，呢隻香草汁令到牛扒嘅肉味更加濃，同牛扒非常夾極度推薦🌟🌟🌟味道 :9/10性價比:8/10- French Fries 🍟薯條食得出係即炸,不過我覺得味道同埋質感都冇咩特別🙃味道 :7/10Black Truffle Linguine🍄🍝意粉真係好出色, 一嚟到嘅時

早前在尖沙咀的分店吃過午餐，覺得水準不錯，所以今晚和媽媽來The Grill Room銅鑼灣分店撐枱腳。餐廳面積不大，但位置空間感足夠，正好可以舒舒服服地傾計，但記得要先訂位。晚上有套餐提供，最簡單一人一個Set Dinner，主菜、前菜及甜品各選一款。南瓜忌廉湯南瓜湯色澤金黃，味道香甜，濃郁的南瓜香加上淡淡忌廉奶香，口感綿密滑順，帶有自然的甘甜。三文魚他他配香草乳酪汁新鮮三文魚切成細粒，伴上香草乳酪汁，三文魚肉質滑膩柔美，醬汁微酸微甜，兩者味道十分配合，輕怡可口，十分開胃。燒美國安格斯肉眼扒配薯泥雜菌一亮相便教人眼前一亮，這晚的牛扒烤得兩面焦香，點了medium，生熟程度拿捏精準，肉質軟腍嫰滑同時肉味濃郁，入口肉汁豐腴，肉味濃厚，16安士份量十足。葡式香辣燒雞配薯條椰菜沙律Peri Peri燒雞份量同樣驚人，雞肉烤得十分有水準，連雞胸肉亦軟嫩多汁，味道鹹鮮香辣俱全，非常和味，奉送的薯條切得粗炸得透，十分惹味。Tiramisu CakeTiramisu芝士、餅底、濃縮咖啡，三者互相配合，味道香濃無比，層次豐富細緻。意式奶凍不能說是驚為天人，但朱古力奶凍味道香濃，已經超出預期水準，可以一

要食好啲作2018年嘅完結🤤同重要嘅人共進晚餐👫——————————# 𝓔𝓷𝓽𝓻𝓮𝓮𝓼墨汁青檸配香煎半生吞拿魚沙律🥗以擺盤已散嘅沙律打響頭炮調味酸酸哋幾開胃 作為前菜增加食慾嘅效果好好吞拿魚表面香脆 平身唔太好吞拿嘅我都覺得幾好食🤭~南瓜忌廉湯🎃睇到以為好細碗 原來都幾多濃厚嘅南瓜味 加少少黑胡椒做點綴 甜中帶少少鹹 幾好飲💘·# 𝓜𝓪𝓲𝓷𝓼𝟷𝟼𝚘𝚣頂級安格斯肉眼扒.藍鰭吞拿魚.大蝦.配黑松露薯條🍽大大份 兩個人嚟講我覺得都只係剛剛好夠好可惜 廚師犯咗料理牛扒嘅最大禁忌之一 就係熟度掌握唔好話要𝙼𝚎𝚍𝚒𝚞𝚖 出到嚟熟過頭 肉質已經偏韌 的確係比預期中失望吞拿魚同沙律嗰隻一樣 好味道大蝦就不過不失 係細隻咗啲而薯條呢 就可以話係冇松露味嘅 好彩都炸得香脆 口感補足🥴·# 𝓓𝓮𝓼𝓼𝓮𝓻𝓽搵唔到名嘅朱古力香蕉蛋糕🍰蕉味幾香濃 綿密口感吸引死人勁鍾意食香蕉蛋糕嘅我 覺得太細件唔夠喉💯~白朱古力意式奶凍🍮食落好似𝙼𝚘𝚞𝚜𝚜𝚎咁幼滑 唔太甜不過我始終對布甸類嘅嘢興趣不大 唔好意思喇🚫——————————印象中係人生第一次食𝙵𝚞𝚕𝚕 𝚌𝚘𝚞𝚛𝚜𝚎 𝚖𝚎𝚊𝚕 初體驗 想試好耐睇到一道一道菜咁送到面前其

想嘆一個美味的牛肉眼扒，銅鑼灣駱克道 L Square 的 The Grill Room 是一個不錯的選擇。以中午的價錢來享受這質素的牛扒 8oz Rib Eye，非常不錯。不過，主菜、湯或沙律、餐飲和甜品全部都是分開計，A La Carte 的。點了這一份香濃南瓜忌廉湯，很充實，南瓜味十足。除了南瓜忌廉湯外，也可選擇煙肉腿沙律。主角終於出場了，8oz Rib Eye半成熟的牛扒，保留着原有的肉汁，咬入口慢慢咀嚼，滲透着牛肉的鮮香味。當然跟頂級的牛扒還有些距離，當中有牛筋的部份，帶來小小瑕疵。另一 signature 就是這份高級和牛漢堡。五成熟的高級和牛、厚厚的蕃茄、加上少少芝士，和鬆軟的麵包一同吃，yummy，不比Rib Eye 遜色。原來意粉都弄得不錯。這一份煙燻鴨胸茴汁蕃茄意粉也很鮮甜開胃。以質素來說，這邊午餐其實抵吃。要留意他們的 Business set，怎樣計，a la cart 都貴不過 Business set，難道做Business 真是要花多點錢？！

不知大家心目中有沒有一道菜式一直掛念着? 一直念念不忘? 突然間會好有衝動去吃呢? 我就有, 今日突然掛起它, 一放工就決意獨自走去品嚐它的美味, 它就是The Grill Room的慢煮三文魚…..好想吃呀!餐廳的裝潢沒有大改變, 一出升降機門便見到搶眼的鮮黃色店名招牌。左邊是開放式的廚房連吧枱位, 今晚我獨個兒就坐在這裏, 邊等待邊聞着炭烤的香氣, 令我全晚垂涎。中間設有三至四張八人的長枱, 最適合大夥兒; 右邊有多張四人高枱座位, 最適合三五知己; 而近半落地的大型玻璃窗便是四人的梳化位, 寬敞舒適。枱上的餐枱紙是散點菜式, 每道菜式均註明主要的食材, 客人可清楚知道菜式是否適合自己, 設計細心。另外還放了晚巿套餐和飲品餐牌, 晚巿套餐包三道菜, 有Entrees、Main和Dessert, 價格$238-398, 都幾很經濟。至於飲品則有Milkshakes、Other Drinks、Espresso Coffee、Draught Beer、Bottle Beer、White & Bubbles、Red Wines、Cocktails、Mocktails等等, 選擇不少。***

平時不愛shopping的我，一般都不大會留意那裡有減價，不過星仔知道我喜愛g.u.，得知感謝周有大減價特意告知我。數年前到大阪旅行時逛過g.u.後就大愛，但g.u.在香港落戶了一段時間，我逛了數次都無收獲，因為價錢不是特別便宜，難得見今次感謝周大減價，我和星仔就找了一個周末去血拼。血拼不比行山輕鬆，當然要食飽先有氣力衝鋒陷陣，所以我們血拼前就來Grill Room食個Brunch先，Grill Room已經不是第一次光顧，味道不俗午餐價格又相宜，最重要是午餐時段人客沒有晚餐多，可以輕輕鬆鬆慢慢食。＊＊＊＊＊＊＊＊＊＊＊＊Grill Room是一間地方較闊落的酒吧餐廳，能輕易容納數十位食客，但座位也不會太擠迫。餐廳內有普通二人或四人餐桌、吧臺位或酒吧常見的高桌。Brunch Menu包括沙律/餐湯、主菜和餐茶，價錢由$98至$128，以銅鑼灣來說算非常合理。南瓜忌廉湯我們二人均點了南瓜忌廉湯，忌廉湯旁邊都伴有一小片麵包，麵包薄而香脆，口感像多士。南瓜湯有濃郁的南瓜清香味，以忌廉打成，入口順滑，飲完都有兩分飽。高級和牛漢堡配沙律薯條($118)和牛漢堡差不多有大半隻手掌高，旁邊伴有沙律和

星期日晚餐, 近近地, 銅鑼灣 The Grill Room 仍不錯的選擇, 位置就係 L Square, 即銅鑼灣廣場二期附近, 交通方便.懶人揀嘢食, 一於set dinner啦, 睇吓menu, 選擇都唔少呢! Dinner set包括頭盤/湯，主菜 & 甜品, 都ok喎! 南瓜忌廉湯質地非常幼滑，忌廉味唔太重, 唔會搶左南瓜的香甜味, 質地幼滑, 但比較稀，附加一小片香脆多士, 唔錯。上美國頂級八安士嫩牛柳配大蝦一向怕食生肉, 但始終怕牛肉太熟會韌, 今次試吓 medium, 牛柳上枱時已預先切開兩半, 有點乾身, 能見到粉紅色既肉, 但可喜既係無血水流出, 口感似7成熟但一點都唔韌, 帶有點炭燒香味，配上香草醬或牛肉燒汁, 各有特色. 大蝦則大大隻, 仲有2隻, 非常鮮味彈牙，蝦膏鮮甜。呢個主菜, 確實抵食! 有驚喜! 布朗尼蛋糕和馬卡龍配雲呢拿雪糕布朗尼蛋糕較硬口及乾, 朱古力味濃, 但味道仍不錯. 馬卡龍則較出色, 有水準但無外面店舖買的甜. 雲呢拿雪糕則香甜及特別軟滑, 要快點食哦, 感覺佢融化速度幾快.

　　The L. Square，銅鑼灣熱點中的一座美食大廈，可算是吧。來過數次，這邊有日、法及中式菜餚可選，啊！就差點忽略了這家西式餐廳。說到是The 'Grill' Room，主打固然要有Grill過，炭燒就是特色。夏日熱辣辣，懶得出去BBQ，有夠累有夠熱，室內食燒烤餐也不錯吧？　　店面不如西式扒房的燈光暗淡，裝修優雅，一板一眼。這邊的環境倒像一家Cafe，用到白、灰及淺啡木色為主，寫意悠閒。牆上有店家自己設定的小狼故事卡通，也有其他帶藝術氣息的裝飾。不只有常見西式餐桌，設有梳化位及高枱位，切合客人需要。　　南瓜忌廉湯為是日餐湯，比起凱撒沙律更見功夫。帶清甜的南瓜湯不會過份稠身，用到忌廉也只取潤口感。入口未覺過份奶膩，調味也是恰到好處，順口親民。另外附上一小片烤得帶焦痕的餐包，略帶脆香，很吸湯的。招牌炕燒豬小排配沙律薯條　$118　　只是看兩秒餐牌就下定主意，因為這兒有我喜歡的豬肋骨。而且餐價都是一百起頭，比起平日單點要近兩百近三百的價位，無疑是抵食得多。預料份量約有四條骨左右，跟以前見過的餐點份量差無幾。實際上有五六條骨吧，另有沙律及薯條相伴，一個餐一百出頭似乎值得。　　沙律為Co

午膳時間走到銅鑼灣吃午飯，並嘗試了一間新餐廳 The Grill Room 。餐廳裝潢走悠閒餐室風格，設有高桌的同時又設有梳化座位。由牆壁以至餐紙圖案，都同時繪上不同的卡通野狼，相信是此店的標誌。抬頭一望，在一黑板上寫滿不同日子的優惠，驟看下星期一的買一送一優惠最抵，星期二的任食豬肋骨則最合大胃皇。午市餐牌有六款主菜選擇，前菜餐飲甜品勻要額外加錢。凱撒沙律用料新鮮富水準，輕輕掛上少許芝士及醬汁已很好吃。是日餐湯是南瓜忌廉湯，質感幾滑，瓜香甜味。簡單配上一小塊多士不花巧，但夠脆薄可口，和南瓜湯味道亦很匹配。 主菜香煎鱈魚柳配忌廉蘑菇汁，鱈魚柳沒預期般油香白滑，反之口感偏向結實，魚香亦不算濃香，味道主要來自面上的調味料。至於配菜醬汁，筆者頗欣賞那幾段綠嫩露筍及香滑忌廉蘑菇汁，為菜式爭回一些分數。 八安士西冷扒配薯角蔬菜，要求七成熟度，成品略為過火了少許。未知是否這個原因，西冷扒食感沒預期般鬆軟，要吃上近邊帶少許牛脂的位置才有較佳的食感。肉香方面，算上中等質素，始終餐廳亦不是收取高昂的價錢，性價比合理。 是日甜品是 Brownie 蛋糕，面上放上一小球香草雪糕。 Brownie 蛋糕外層帶