Red Lobster (Fashion Walk) (已結業)

呢間Red Lobster開張冇耐成日見到大排長龍，今時今日梗係大把位，今日happy friday就黎一試，周五一點直入。午餐菜單包一杯冷熱檸檬茶，主廚推介湯同主菜。主菜有薄餅，意粉，丼飯，三明治，墨西哥捲餅，漢堡，牛扒，價錢算可以。芝士鬆餅先上一客3件芝士鬆餅，用餐巾包住，係暖暖哋。芝士鬆餅外厚內鬆軟，上面塊皮好多芝士，再灑上香草，食落芝士味都幾濃。呢個餐包正呀。南瓜湯主廚推介湯係南瓜湯，味道甜甜哋，質感就麻麻哋，唔夠厚身。龍蝦湯 加$20 另加一可加錢升級龍蝦湯。龍蝦湯賣相同南瓜湯一樣，湯上面灑上少少香草。湯入面有一舊龍蝦肉，算有味又唔韌，湯味道都可以。招牌龍蝦安格斯牛肉漢堡 $198 另加一招牌龍蝦安格斯牛肉漢堡同跟餐薯條用左將牛油紙墊住上枱，漢堡大大個用支金屬簽拮好，上層麵包有烤印，下面就係龍蝦肉，熱熔芝士，安格斯牛肉漢堡扒，番茄生菜同下層麵包。上層麵包搽左牛油，鬆軟但唔夠脆口，味道甜甜哋。龍蝦肉大概有兩隻龍蝦鉗份量，好爽口，味道就主要食個汁。安格斯牛肉漢堡扒好厚身，叫左medium rare，入面粉紅有肉汁，可惜唔脆皮。最下底層包就太實。成個包食落唔乾，都算唔錯。跟餐薯條係

今日放假專程嚟到呢一間龍蝦專門店食午餐， 最初係畀佢嘅優惠吸引而來， 因為佢哋而家點一款龍蝦主菜， 就可以加一蚊食牛扒。 但當入到去見到佢個set lunch menu， 覺得仲抵食， 因為有埋餐湯和嘢飲。 今次試咗波士龍蝦尾配椰子薑飯和牛扒飯， 牛扒飯嘅肉眼扒肉質細嫩， 夠牛味， 飯用咗五穀米， 配菜有燒蕃薯、 西蘭花和椰菜花， 食完之後覺得自己健康曬， 大滿足。 另外一個主菜就麻麻地， 龍蝦有啲韌， 椰子薑飯冇薑味。 不過呢度啲服務好細心， 服務員主動過嚟問我哋啲嘢啱唔啱食， 我哋照實同佢反映咗意見， 職員喺我哋埋單之前仲送咗件芝士蛋糕畀我哋食， 呢間餐廳雖然係美國餐廳， 不過出奇地件芝士蛋糕唔係好甜， 而且好好食， 呢個真係一個小驚喜， 完全冇諗過佢哋嘅service recovery做得咁好。 另外佢哋唔收加一， 仲要車打芝士鬆餅任食，讚！

本來今晚男朋友想帶我去南丫島模達個邊食生日晚飯，但點知去到勁多蚊，於是臨時改地點，決定出返銅鑼灣食。我呢排想食Red Lobster，所以當晚walk in去食。結果成餐飯，無論服務態度定食物質素，我地都好滿意，滿肚而歸!首先會送上車打芝士鬆餅，第一次食鹹味既鬆餅，都幾夾，夠鬆軟。本來想refill架，但真係好飽，放棄左。松露、芝士、蘑菇手工薄餅，屬於薄脆既餅底，好足料，熱辣辣，就算擺耐左，都唔會影響口感，勁。我地揀左兩款主菜，原來包餐湯或沙律，再可以揀兩款side dish。我地要左南瓜湯，充滿甜味既南瓜湯。大蝦三重滋味拼盤配黑松露薯條同薯蓉。拼盤有酥脆炸蝦、蒜蓉焗大蝦及龍蝦醬大蝦意粉，好豐富!酥脆炸蝦超好食，好香脆，連唔鍾意食炸物既男朋友都讚不絕口。龍蝦醬大蝦意粉既龍蝦醬令你好似飲緊龍蝦湯甘，好入味，係食過最好食既龍蝦醬意粉。蒜蓉焗大蝦相對普通，但只係因為有比較姐，都好食架。西冷牛排(7安士)配北美龍蝦尾配烤迷你薯仔同雜錦蔬菜。西冷好厚身，有肉味。用薯仔整既side dish都好食，食完好飽。最後生日梗係要食甜品啦，我揀左愛溢布朗尼。我地臨時問可唔可以寫Happy Birthday

Red Lobster係佢未開張之前, 我已經好想去食! 🤤 今日趁住聖誕前呢D咁開心既日子, 我同同事決定過黎朝聖, 試下呢間聞名以久既美國過江龍! 💪🏻 餐廳外牆以紅, 白色為主調, 正門既左手邊有個大魚缸, 入面養左10幾隻大小不一既龍蝦🦞。一隻隻龍蝦好生猛咁郁黎郁去, 好治癒! 我地大概1點鐘到餐廳, 已經full house。由於我地無事先book定枱, 所以要等一等。但好彩無其他人等緊位, 所以我地只需要等一張枱就入得。店員首先會問你拎電話no., 入得既時候就會打俾你☎️。係等既過程中, 我同同事去左隔離既商店睇左一陣野, 大概10分鐘左右就收到call啦, 都幾快。(溫馨提供, 店員係外國人, 所以要有心理準備需要講英文呀😛)店員安排我地兩個人座一張四人枱, 擺放食物既空間大左之餘, 仲坐得好舒服! 呢度既Lunch Set會包湯, 主菜同埋一杯檸檬茶。主菜既款式頗多, 價錢由$78 至 $188 不等。一場黎到, 我地打算叫兩個有龍蝦元素既Lunch Set, 然後share食👯‍♀️。於是我地就叫左龍蝦、大蝦手工薄餅, 同埋烤龍蝦丼飯。自家製車打芝士鬆餅呢個鬆餅係跟餐免