Simplylife Bakery Cafe (已結業)

依區西餐多選擇，但晚餐想食件扒又有套餐，依間餐廳分店吾錯😋餐廳除左💁🏻服務員落單快、💁🏻‍♂️覆單清晰外服務員經過客人餐枱，見到客人食完既餐碟會收起，吾會阻住上菜餐廳堂食環境整潔，用餐寬敞舒適想慢慢享受晚餐，又吾食得好急，推薦依間分店先推介餐包、水果沙律、南瓜湯餐包夠軟熟麵包吾會太硬，水果沙律🥗夠新鮮，南瓜湯吾會偏甜另推薦安格斯肉眼扒，落單5成熟，牛扒上枱有5成熟🤤重點係塊扒肉質吾會偏硬難切與同區附近餐廳西廊比較，依間扒餐較好食跟餐只有冰茶，雖然係冰茶與西廊比較，依間餐廳杯茶好過西廊好多，食過依間就有比較

星期日既下晝一點零，唔使等位就入左去食個brunch😛 餐廳寬敞，座位舒服，適合兩個人靜靜地食餐飯傾下計。南瓜湯南瓜味濃，仲有芝士碎同香草係面，湯嘅口感頗滑，碟旁有一塊法包，包身軟熟，不過塊皮就比較硬，同友人share碟牛油用，建議將麵包沾湯，可以軟化麵包。香煎鰽魚茴香有機糙米飯食之前以為隻碟好深，但原來隻碟都幾淺下，飯量並唔多，亦有啲難𢳂飯，但醬汁香濃，飯有咬口，整體不錯。火腿蘑菇車打芝士奄列+香草燒薯+燒蕃茄擺盤有啲好笑，奄列超大份，但蕃茄同薯角就零零星星散落係旁邊。奄列內有拉芝，蘑菇同火腿，蛋味香濃，食落會覺得有啲滯。蕃茄嘅數量實在少得可憐，只有兩細舊，不過蕃茄係煎過，暖暖地，十分香甜。薯角煎得頗香，幾惹味，建議mix埋奄列既芝士汁一齊食。另外飲品方面奉送一杯桃味嘅冰茶，本身有問可唔可以轉熱飲，但居然要加錢，所以都係打消左呢個念頭。建議餐廳可以比支匙羹客人，因為杯野飲太大杯，一開始飲覺得冇乜味，但飲到一半會突然變甜，應該係d糖沉左底，所以建議邊拌勻邊飲。

同朋友相聚，最麻煩搵餐廳。價錢相宜，食物好味又可坐得耐的，真係唔多。昨天，約朋友到九龍灣Simplylife食晚飯，160蚊左右。食物好味。環境又好。先係麵包，西式法國麵包軟身，但略嫌皮有點硬，但味道可以。然後，有個寬條麵，磨姑汁濃烈，但配以沿邊酸汁同酸姑正好中和磨姑汁膩感覺，這個頗有心思，可俾個"讚”。但飲品比以前遜色左，過往，飲品有金橘之類既生果，而家沒有了，只有純飲品，這個相對來說，要扣一點分。但以這個價錢，食到西餐，而且環境不俗，交通又方便，實在算唔錯既選擇啦！

嚟九龍灣嘅outlet行街，點都要醫醫肚先出發🤩 見到有不嬲都唔錯嘅Simplylife仲唔即刻去食？🤔呢度嘅環境好chill, 好啱tea嘅feel🤗叫咗咁多野食，最鍾意都係茄汁雜肉腸手製闊條麵🍅 因爲佢真係好夠酸❤️ 而且手製tagliatelle不嬲都係我最愛！(佢仲要煮得啱啱好，唔會太淋，好有嚼口😋) Pasta咁開胃真係好！另外叫咗個南瓜栗子有機糙米飯都好高質🤩 Risotta煮得十分之creamy, 而材料又冇肉，「感覺上」好健康🤣 (唔好唔記得啲cheese🐷) 加咗栗子落去煮味道好甜好有趣😝 最喜歡嘅野係上面嗰舊baked嘅南瓜🎃🎃 唔單之香口，仲要season得好夠，我食多六七舊都得😂🧡其餘嘅野都維持到一直以來哪水準👍🏻 南瓜好好飲好smooth, 沙律嘅dressing好均勻, 香橙冰茶真係好好飯好fresh, 成餐都好味, a perfect start for our shopping trip💃🏻

中秋佳節約咗好姐妹食中秋團圓午餐，一邊談心一邊交換禮物。中秋節梗係要食好啲，我們去咗Simply Life食午餐，1:00pm去到勁多人係門口等位，好彩我醒目一早係App到攞咗位先，但去到都要等，等咗成20分鐘先有位。我們叫咗車打芝士煙肉牛肉漢堡和冬陰公海鮮薈飯，餐湯有南瓜湯，麵包和冰茶。車打芝士煙肉牛肉漢堡超好食，牛肉好香好多汁，配埋芝士和煙肉，仲有好脆嘅薯條，真係正到冇朋友。冬陰公海鮮薈飯，份糧勁少，但啲海鮮係好新鮮，有蝦，青口，蜆和茄子，都係好食嘅。南瓜湯入面有黎麥和一粒芝士，好好味。麵包外脆內軟，好香好好食。冰茶的茶底好香。整體上都唔錯，係等位等得好耐，職員有位都唔安排入座，同埋人手唔夠。