The Grill Room (The L. Square) (已搬遷) 新店位置

一間經常幫襯嘅扒房餐廳，除咗牛扒之外，仲有好多唔同種類嘅食物，Openrice 訂座2人餐有7折優惠，A La Carte menu 8折優惠，好抵食。今次直接揀咗2人餐，有齊餐湯、小食、主菜同埋飲品。南瓜湯少許稠身，飲到清甜南瓜味道，冬天飲完好溫暖。香蒜蟹肉伴意大利青瓜蟹肉份量多，口感鮮甜，蓋滿咗少許酸味嘅意大利青瓜。燒美國安格斯肉眼扒配黑松露薯蓉揀咗5成熟，火候燒得剛剛好，牛味濃郁，肉質軟嫩。香煎北海道帶子龍蝦汁扁意粉配三文魚籽帶子大粒，鮮甜爽口，扁意粉吸收晒龍蝦汁嘅鮮味，非常讚👍🏻

本身係諗住同爸爸慶祝生日飯搵間評價好嘅餐廳可能佢個好評太多期望太高 當去到食嘅時候有少少略嫌有啲失望加上佢個價錢其實唔算好平 西餐來講屬於中規中矩三個人七折後都要$1500不過店員個態度好好 想調位嗰啲都盡量配合

男朋友生日，見到食評大讚呢間餐廳既牛扒就一於訂位試下😬的確非常滿意的晚餐Order Dinner Set for 2 -頭盤：餐湯+沙律，覺得好好味😋😋😋個沙律好似太少轉眼間就食晒，不過好新鮮既菜主菜：意粉+牛扒意粉係熱架😂有時食西餐，意粉係常溫，感覺呢個好好味，係即整牛扒既厚度，5成熟岩岩好我地叫左野飲，好靚～味道就一般🤭食晒好似唔係好夠，所以叫多左個小食，🍟好好味最後係甜品時間：Cheese cake + 椰汁布丁生日可以係甜品碟寫名confirm booking 時同職員講，另加費用！職員送上蛋糕會同你講Happy Birthday, so sweet ❤️

今日約了媽咪去銅鑼灣買東西, 所以順便睇下有什麼好吃，揾到這間the grill room, 都有好多人讚好，所以來試試。收工來到已是六點三十分，但已經有幾枱人了，侍應為我們量體溫後就安排入坐。由於我下午吃得太多，有點飽，所以決定叫一個西冷牛扒餐，另外散叫一份燒豬腩肉配青蘋果沙律。扒餐包了一個南瓜湯，西冷牛扒叫了五成熟，廚師做到👍🏻，黑松露薯蓉超好食，微微的松露味令人一吃再想吃！燒豬腩肉肥瘦分明，外皮超脆，我媽一向不喜歡吃沙律的，我叫她試試用少少沙律菜加腩肉一起吃，她試完之後竟然愛上了，因為酸酸甜甜的汁配上腩肉，可以減少油膩感。甜品我們加了$38轉了朱古力慕絲蛋糕，嘩！中間那層慕絲，像雪糕般又滑又凍，超正！這間餐廳在疫竟中算多人幫襯，我相信是實力吧！

整體來說確實有點失望。午餐的餐湯是南瓜湯，味道一般，不過不失，也夠熱。不過那蒜蓉包是凍的。葡式香辣燒雞配薯條：薯條明顯番炸，滿口油膩。燒雞卻十分乾身，也很嚡口。沙津還可以。我們還叫了香草鮮蠔芥末忌廉汁扁意粉：鮮蠔一點也不新鮮，雖有四隻，但都十分腥。友人有咗bb,吃了一口便不敢再吃。芥末汁味道亦不太理想，比較淡口。唯一值得讚賞的是服務員態度殷切，亦很有禮貌，環境亦舒適。

今日無帶飯，跟同事出黎食好嘢！成日經過L Sqaure都見到the grill room的招牌，今次終於可以黎試啦！呢楝樓有好多間餐廳都係一開lift門就見到哂裡面，無另外再間開，呢個餐廳都係咁，黎到已經見8成滿，waiter問我坐bar枱定高枱(全場有4張左右)，就我揀左後者。高枱都坐得舒服，我地坐近lift口位置，見到近窗位置就有SOFA位。餐廳裝修都有心意。現場都有背景音樂架，不過人聲太嘈唔會享受到囉拿拿聲叫野食，set lunch可以逐個course加，主菜黎講$65-$98算是抵食，就算加埋前菜甜品都唔算好貴！我同同事今日就揀左高級和牛漢堡配沙律薯條($92)，同埋8安士肉眼扒配薯角蔬菜($98)，另外餐湯(+$15)、沙律(+$15)，重有是日甜品($18)，呢度最大既優點就係免！加！一！沙律有2塊parma ham而份量相對「的骰」，味道一般！今日既湯轉左係南瓜湯，夠「傑」身，味道又好！仲有塊小多士配(雖然我嗰件有少少燶味但可以接受)！到主菜啦！和牛漢堡好厚呀！成個包厚到我唔能夠一啖咁咬落去，會跌哂D配料出黎，佢配以蕃茄、生菜、酸瓜，味道好配合！我揀七成熟既和牛，唔算老，

今日難得同同事出去食lunch，一早就book定位!1點去到都唔算好多人!一直以為呢間餐廳的lunch會唔平，點知價錢都算OK!兩個人點了兩個set lunch!+$15點了南瓜湯，湯附有一小塊多士，可以俾你點湯食!南瓜湯都算creamy，南瓜味都幾濃!茄蓉西班牙辣肉腸扁意粉($68)，蕃茄蓉既粒粒仲可以清晰地見到，蕃茄粒鮮甜。扁意粉彈牙，掛滿了醬汁，酸酸地幾開胃。辣肉腸切成條狀，方便同埋意粉一齊食。有少少辣，有少少好似食緊臘腸的感覺。8安士肉眼扒配薯角蔬菜($98)，塊牛扒比我想像中大塊!叫了5成熟，上碟沒有過熟，肉質鬆軟，牛肉味都幾濃，肉汁都幾多!薯角炸得剛剛好，唔會太硬或者太淋，鹽份適中。蔬菜冇諗過係用蒜蓉炒過係翠玉瓜，仲有D煙肉添，幾惹味!+$18點了是日甜品，有奶凍或者提拉米蘇揀，同事揀選了奶凍。奶凍係朱古力奶凍，上面還有薑餅人形狀的朱古力做裝飾!奶凍好滑，唔會好甜!+$9加了凍檸茶，糖水自己加的，所以唔怕會好甜。而且餐廳的飲管用了金屬飲管，非常環保!總括黎講，餐廳環境舒適，服務員有禮。食物質量幾好唔算好貴，比想像中大份!有機會要黎試下晚餐!

朋友介紹我銅鑼灣大厦，有間西餐價錢不貴有質素，於是就和老公訂位去午餐，環境都很漂亮，有開放式吧枱，都有人等位，可惜我們居然訂錯分店，即時呆了-_-# 店長都很好人，話唔緊要，幫我們通知另一間取消，同安排坐位俾我們，等一陣都俾枱我們。先來是日餐湯 南瓜湯 湯甜南瓜打成蓉煮，配上鮮忌廉，幼滑無窮，服務員即磨少量黑椒，味道更豐富。我點了我最愛鱈魚柳配磨菇汁 ＄118面層就有磨菇雜菌，忌廉汁很濃配魚柳好好味。魚柳煎很金香，下層用炸薯角和烤雜菜乘起魚柳，另魚柳脆口時間延長，有心思肉眼扒比想像中大塊，有塊臉禁大點了7成熟，肉汁牛味突出，有咬口唔錯。甜品加＄28就有，好抵食。今日是草莓芝士餅，芝士餅幼滑芝味濃，有淡淡檸檬香味，面層淋上新鮮草莓打成的醬，杏仁片，朱古力葉做裝飾。食到草莓粒，不太甜很清新感覺，完全可以食多一件都得。總括值得再去的餐廳，環境乾淨衛生，坐位有高枱，吧枱，餐枱，梳化位，幾多選擇。食物時間都很快，逐樣上枱，店員親切有禮，仲同我講尖沙咀新開，食物款式會多一些，我會去尖沙咀再吃的。2百幾一餐有水準有質素不容易呢！

本來諗住去返hysan dinner，但突然落雨，即刻黎左L. Square。免得中伏即刻search下openrice邊間多笑笑，最後揀左The Grill Room，仲好好彩即刻有位。因為今日係星期一，幫襯兩個set可減100蚊非常抵。最後揀左低温慢煮香草乳酪三文魚同燒牛柳大蝦配薯泥燒菜。我同男人都揀左南瓜湯，非常好飲。黎左個慢煮三文魚，好食到停唔到，可能第１次食覺得好特別，三文魚入口即溶。外面脆脆地幾香口，入面界乎熟與未熟之間，好嫩滑。(太好味冇影到相)燒牛柳同大蝦係好食既，最特別係配埋個薯泥燒菜，唔會令你食牛食到膩。最後黎個甜品，我揀左個奶凍配伯爵茶，超級好食（如果自己識整就好）。味道好清新唔算太甜，甜度剛好，令你食完頭先Ｄ肉之後，而家好似清一清個口同胃咁即時冇咁滯。

在 9月頭，放工後與大眼妹好友落銅鑼灣，她建議走到位於駱克道 The L Square 5樓的 The Grill Room 食飯，聽聞這裡的食物有水準！ 一於來試試！我們一坐下來，男店員先送上帶有檸檬味的清水讓我們解渴！相當貼心！這裡不論是桌上的餐紙，抑或店內環境，小狐狸足跡似乎無處不在， 相信這就是小狐美食基地！ 開放式廚房，幸好抽風系統也算不錯，我們整晚也嗅不到油煙味！Dinner menuBikini on the beach $50Lychee syrup, fresh lime, cane sugar, mint leaves & top soda入口的味道及口感完全是荔枝汁加雪碧的味道！勝在冰涼解渴！Crab and avocado $98 (Little bites)一整粒的蟹肉丸，啖啖肉！ 真材實料！ 混合牛油果醬，清新怡人！兩者出奇夾！卻是美中不足多士偏腍，恐怕是放涼了所致！ Dinner set可選沙律或是日餐湯，正好是南瓜湯，比沙律更吸引我！南瓜湯橙黃色的南瓜湯，加入忌廉後，口感更滑溜， 本身味道甜美而幼滑！令人一試愛上！慢煮三文魚 $268以慢煮方式烹調，可保

「三隻小豬」的故事無人不曉，當中帶出了做人不可偷懶、凡事力求完美、兄弟姐妹之間有應有互助合作團結的精神和道理。簡單易明的故事內容足以令小朋友深深記住，發奮向上的積極態度。至於豬仔的可愛調皮性格，更加惹人喜愛。以「三隻小豬」為藍圖，將角色搖身一變，變成以「三隻豺狼」為主題的西式餐廳。每一處地方都有三隻豺狼的踪影，無論是牆身或餐牌，皆無處不在。豺狼並非想像中奸乍古惑，牆身的三兄弟，一個在努力伐木、一個在裝飾花卉、一個在勤奮裝釘酒櫃，每個都勤力工作，毫無偷懶。置身在彷如酒吧餐廳之中，可以和朋友一同消遣暢飲，但歡樂過後卻不忘醒起李澤楷對市民說的一句:「明天記住準時反工呀!」的無奈。餐廳主要分為兩部分，靠左邊半開放式的酒吧廚房，客人可以一邊賞心悅目地看著廚師調酒的功架、一邊和朋友摸摸酒杯底、談談心。至於靠右邊，主要放有高身四人座位的吧枱。在中間，則以一字排開八人座位為主，適合一大班朋友的聚會。要看看餐牌，晚市套餐包有三道菜，先是頭盤或餐湯、主菜和甜品，價錢由$238-$368不等。但留意一點，飲品是不包括在內，要額外散叫的。和朋友決定一人點一個套餐再來share，夠開心吧。頭盤中，先來的是合桃啤