阿四車仔麵 (已結業)

收到消費券後，自不然蠢蠢欲動想買點心頭好的東西，專誠出來旺角逛一轉，看看有沒有收鑊。看過幾間店，已鎖定了目標，不過，待吃完午餐才下單入貨，不用雙手拿着一堆東西那麼不便。來到豉油街一帶，有超多食肆，最後，選了「阿四車仔麵」，因為一個人吃車仔麵就最方便，又可以選多一點食物。由於鋪面是落地大玻璃，可以看到內裡環境，感覺地方四正，不會過於擠逼，加上此時此刻，客人又不是很多，可以更安心用餐。 在門面貼有大大張餐牌，所以，進入前早已想好了吃甚麽，還有下午茶供應，可惜只限星期一至五。選了幼麵配沙嗲醬，餸料就要豬紅、蘿蔔、魚皮餃3款，合共$43，再加配一罐「玉泉忌廉」（+$10），既然有消費券墊底，財爺說要推動經濟，就加多一客「南瓜薯餅」（$26），組合為甚豐富的午餐。沙嗲醬未知是否自家製，但十分香濃，很有花生香，蘿蔔亦十分清甜多汁，難得魚皮餃沒有過鹹的狀況。而南瓜薯餅非常好吃，外脆內軟，每一口也是南瓜香味。 吃得出小店的出品有質素，雖然，以車仔麵而言，一般都沒有甚麼招呼不招呼了，但店員都很有禮貌，多謝前，「唔該」後，感覺都不一樣。希望大家出來多消費，不只帶旺經濟，更幫到多一些小店，但記緊注意防疫喔！

車仔麵都算係香港特色之一~ 今日行經旺角見到呢個車仔麵個名幾得意，環境又幾大咁，就衝左入去食lunch😜我地叫左兩碗車仔麵，一碗係魚腐魚片頭扎肉牛腩汁米線，另一碗係炸豆腐魚皮餃溏心蛋牛腩咖哩魚蛋瑞士汁雞翼米粉。上枱賣相唔錯，同埋都幾足料幾大碗🤩不過最有驚喜竟然係小食。個南瓜薯餅好脆，啖啖南瓜蓉，好好食！炸燒賣都幾大粒，食落幾彈牙香口~ 仲食左個炸墨魚卷，外皮都算脆，但略嫌多油~飲品方面，好欣賞個凍奶茶，唔會好甜，同時帶出好香茶味，我中意😋

企理用心的車仔麵❤️🍜3餸沙嗲醬米線沙嗲醬的花生味非常香濃，米線沾上湯頭之後好正。米線亦煮到岩岩好，質地柔軟彈牙😆。炸墨魚卷外層嘅腐皮脆卜卜，內餡都幾香墨魚鮮味。魚腐彈牙，口感同味道同魚蛋相似。生菜份量多，岩哂想均衡飲食嘅朋友仔。🍜3餸腩汁油麵腩汁嘅味道好特別，應該係店家用幾種調味料特意調配。呢間嘅油麵都做得彈牙，唔係平時食到硬嘅粉團質感。白蘿蔔又甜又大嚿，份量驚人呀😯瑞士汁雞翼相對唔係好濃味，但肉質都嫩滑。扎肉食落有香濃嘅胡椒味，開胃。🥧南瓜薯餅外皮超級脆。佢嘅南瓜相對薯仔較多，所以口感係較為creamy嘅南瓜蓉。整體味道幾甜，負編非常喜歡💕大推😋。🥘咖哩角脆就不在話下，仲要係超級熱，即叫即炸。重有小編好鐘意嘅泰式辣醬，點埋一齊食，正💖。🥤樽裝麥精（左）及奶茶（右）小編未試過飲樽裝嘅麥精，可能係心理作用，覺得係再新鮮好飲啲😂同埋樽裝好靚，打卡一流📷奶茶係店家自家製，比較重奶香味，飲落順滑，茶味都慢慢湧出，小編都大推一試🥰🪑裝修以車仔麵泥講都幾企理，適合1-4人聚餐。以下係餐牌俾大家参考一下：

喺附近讀左4年U幾乎日日放學都經過li個位, 而家原來開左間裝修勁fancy嘅車仔麵<相逢恨晚的>, 有麵&飯仲有小食🤤🤤🤤.🥢沙嗲醬x油菜x魚腐x魚皮餃x豬大腸x河粉剔好order紙, 交俾店員一陣就有得食. 車仔麵放喺一個好乾淨嘅tray上, 方便要lur骨都唔會成枱係👍🏻.我揀左4個餸嘅河粉(淨係麵嘅種類已經有成9款呢), 發現店家喺餸嘅份量好豐富, 每樣餸都有at least 3粒, 湯底帶點牛腩味, 一大羹沙嗲醬最緊要淋喺啲餸上面更滋味, 河粉唔會一夾就散👍🏻仲好掛湯添.🥢最鐘意而下次會encore嘅一定係豬大腸同魚皮餃: 豬大腸有別於一般車仔麵檔嘅通窿style, 係成件都咁飽滿而且勁入味嘅; 而魚皮餃就唔會浸到啲皮離唒餡的.🥢南瓜薯餅 (HKD26)街坊價錢但有日式小食店水準嘅炸南瓜薯餅好好食, 麵包糠炸皮口感勁脆, 每咬一啖都見到粒粒南瓜🎃肉, 充滿南瓜蓉同薯蓉嘅軟棉棉口感.🥢樽裝忌廉 (+HKD10)懷舊feel玻璃樽裝忌廉送車仔麵好有風味!

唔知大家有無鋪車仔麵癮？可惜好多時車仔麵檔都係細舖，坐得好逼，近排係‪旺角見到呢間麵店‬乾淨企理，枱與枱之間幾鬆動就入去一試，質素又唔錯喎，價錢都經濟實惠，仲係良心小店添。四餸麵(基本係三餸一麵，加餸每款$9)：🍽溏心蛋、滷水腩肉、油菜、蘿蔔米線(腩汁+沙嗲醬)🍽牛筋丸、溏心蛋、油菜、冬菇河粉(腩汁)由於我地想試多幾款，叫左幾個小食share所以碗麵都比較齋，抵讚嘅係每個餸都份量好足，而且款款都幾有水準，無將貨就價。煮溏心蛋時間控制得啱啱好，真係半熟狀態；蘿蔔一碗有三大舊，清甜無渣又夠淋，好少食車仔麵食到咁高質嘅蘿蔔，必叫；腩肉厚切，味道唔錯，不過嗰日有少少煮過龍；冬菇用蠔油炆過好入味，牛筋丸都算彈牙。佢地嘅湯底清清地，沙嗲醬小辣幾香花生味，醬另上呢點好貼心。小食：🍽瑞士雞翼/南瓜薯餅/炸豆腐/炸墨魚卷小食方面，瑞士雞翼甜甜地送麵一流；炸墨魚卷塊腐皮夠薄，唔會好油膩，包住彈牙爽甜嘅墨魚膠，食得岀有墨魚粒；炸豆腐就係平時食到嘅味道；南瓜薯餅就最出色，新鮮熱辣炸起，非常香脆，個餡係滿滿嘅南瓜蓉，黎到一定要試。

這個三角形的鋪位, 以前是晚市有小炒的茶餐廳. 那些年, 未婚之時, 自由之身, 常蒲旺角, 曾光顧這鋪位. 十多年後, 已經很多改變了!  至少平日放學時段, 新法水手裝女生已不復見.  今天帶小米到旺角購物, 然後在附近食午餐.  看到店門的餐牌, 價格超值, 所以我倆就在此午餐.      就座後, 細看餐紙, 大家各自選擇喜歡的配搭!  交單後, 小米就馬上找店內的WIFI來上網.      牛腩蟹柳炸豆腐油麵配咖哩汁   小米要食牛肉, 又要食咖哩, 又想要蟹柳.  原來大碗車仔麵的咖哩汁, 是以一匙呈上.     辣豬皮豬紅蘿蔔炸豆腐幼麵配腩汁    小時候的車仔麵配料, 都是很平凡的食物, 可以用<下欄菜>來形容.  在點餐紙多款配料之中, 都集中在小時候喜歡的下欄菜. 豬皮豬紅蘿蔔是我至愛, 如果有埋豆卜就更好了!  而自小都喜歡幼麵底配腩汁.   就正正是多年來的口味, 成為了我的<車仔麵>味蕾記憶.  所以選擇困難症遇到車仔麵, 反而不會發作的!!   自己專屬的車仔麵來了!!!  附一小匙腩汁.    豬紅   家中從來不出見的食物