大丈夫食堂 (已搬遷) 新店位置

是日放假當然要約朋友食下飯吹下水啦！選食店的責任就交左比我朋友負責。佢就二話不說選左呢間！門外已有餐牌貼出，讓等位人士可先選擇食咩！我反正早到咗，早點來拎飛啦！離遠都見到有大約10人在門外等位，心諗是咪要等好耐呢！要等10張枱啊😱😱.最後我都係等左20分鐘就有位啦！但如果返工只係lunch time來等就會太耐😓我點了個鰻魚丼，鰻魚幾好味，只係汁少咗啲，汁的味道啖左啲。麵豉湯就唔太麵豉湯😆 定係平時麵豉湯太味精呢！沙律無乜特別，但可以refill 呢樣真心勁！另外，不得不讚個茶碗蒸，好好味！蛋又滑、又香、料又足！朋友點了南蠻炸雞定食，我試了一舊炸雞，真係幾juice，唔乾喎🤤另一友人點了吉列豬扒定食，我亦試了邊邊一舊，又係香脆juice架！難怪售完即止！收$100係有原因的！呢度仲要唔收加一架！.總括而言，係我下次要食吉列海鮮丼定食🤣🤣🤣

一直都聽過尼間喺幾出名抵食，咁就諗住一開門1130我哋都1130到喇，點知一開門就坐到full哂( ・∇・) 好喇終於有得食仲有得叫吉列豬排定食添呀(因為佢寫喺限定賣哂就冇🥺)真喺好好食呀(๑>◡<๑)好juicy肉質又好醬汁又好食，仲有南蠻炸雞定食都好好好正呀(о´∀`о) 一樣又係好juicy再加上蛋黃醬喺冇得輸呀！成個定食有埋味噌湯、飯、仲有茶碗蒸添呀，咁抵食咁豐富都仲係HKD100內咋(°▽°)

呢日約左係荔枝角工作的朋友食lunch，大家都想去試下新野，就揀左大丈夫食堂了！知道lunch時間一定會人多，所以早d去等位。等左15分鐘左右，餐廳入面既食客開始走，大約清左一半枱後，店員開始嗌飛了！坐底後我同朋友諗左一陣，因為每款食物都好吸引最終我揀左南蠻炸雞定食，定食入面有茶碗蒸、漬物、麵豉湯！先講茶碗蒸，蛋蒸得好滑，入面既材料充足，味道良好！麵豉湯普普通通，正常味道。輪到主角炸雞喇，樣子吸引，好味！雖然同日本食到既有一點點距離，但係香港食到呢個質素已經好滿足了！朋友點的蒜香醬漬三文魚丼賣相都很好，餐包括左茶碗蒸、麵豉湯、沙律、漬物，三文魚丼朋友表示滿意，味道好。整體來說，從價錢到食物質素都很好，值得比個like佢！