L.D.K. by Ufufu Café (新都會廣場)

營業中

休息中

突然好想食啲日式家庭餐廳菜，所以嚟咗呢間cafe食lunch! 一去到就大排長龍，可能撞正咗lunch hour。但見店面好闊落，仔細望先發現原來佢大多數都係4人枱，即使1人去食，都係獨佔4人枱。呢點真係有好有唔好，好嘅係高私隱度，但唔好嘅係翻桌率慢，肚餓如我就排得好心急。如果佢可以4人枱坐2個1人就好啦！言歸正傳，我叫咗個吉列豚肉佐咖喱蛋包飯同南蠻炸雞。份量超大，上菜果刻真係呆咗，所以最終我係加左$1拎外賣盒打包的。吉列豚肉佐咖喱蛋包飯份量大，豬扒肉質厚實，食起上嚟，肉汁係keep到，唔會太乾。而咖喱味道偏甜，係典型日式咖喱風味。撈埋個滑蛋一齊食，oishi! 南蠻炸雞賣相靚，炸皮同肉比例岩岩好，啲醬汁酸甜酸甜，可以中和油膩感。第2日用氣炸鍋翻炸，都仲好好食！

L.D.K.日式甜品cafe🌸芝士溶岩和牛漢堡$118⭐️⭐️⭐️⭐️⭐️激多芝士好邪惡，和牛嫩滑重牛味，且份量十分多食得十分滿足，夾有生菜蕃茄酸瓜，薯條脆卜卜🌸南蠻炸雞$56⭐️⭐️⭐️⭐️☆炸雞十分嫩滑香脆，配上沙律醬更加可口，沙律菜新鮮亦十分出色🌸焦糖布丁芭菲$68⭐️⭐️⭐️⭐️⭐️焦糖十分焦香，嫩滑布丁帶有好香既雲呢拿同蛋味及帶有酒味，中層有雲呢拿雪糕，底層有香蕉，層次十分豐富🌸香蕉曲奇法式吐司$88⭐️⭐️⭐️⭐️⭐️法包外脆內軟，朱古力雪糕配上店家手打滑cream，正🌸意大利芝士餅$48⭐️⭐️⭐️☆☆不太重咖啡酒味，cream夠滑🌸朱古力竹炭蛋糕$48⭐️⭐️⭐️☆☆朱古力甜中帶點微苦🌸草莓&奇異果梳打$48 清新帶點微酸⭐️⭐️⭐️☆☆🌸雲呢拿雪糕朱古力奶$58 ⭐️⭐️☆☆☆坐位舒適，店員服務態度唔錯

朋友介紹黎食，一行五個女仔。叫左好多野食，款款都好好食。上菜勁快，快餐既速度！！！員工有笑容，有禮貌，唔錯！門面用木條有種和風味。呢碟雞翼幾香口，都 ok 跟餐加$58有沙律+酥皮湯+飯，都 ok 南蠻炸雞，叫左第一次時，岩岩好一人一舊，勁 好 食 之後又要再多碟黎食，而且$48都唔貴既滑蛋沙律 d 蛋好好食，勁滑好有蛋香。沙津個夾勁方便，好鍾意。汁好清新好夾。明太子忌廉蛋包飯，好香明太子味，再加上蛋香真係好正，岩岩好唔會好流喉。三文魚蕃茄意粉，有少少微辛辣，唔錯。岩岩好唔會令人狂飲水，三文魚都好大舊又新鮮，無臭味。羅勒香草忌廉意粉，好香好 creamy,蝦份量都算多，好新鮮既。咖哩吉列豬排飯，好香脆，豬味好出，咖哩味唔會好辛辣，都好正！呢個莓芭菲有 d 酸，覺得馬馬地。布丁芭菲，好食到飛上天既程度！！勁好食啊，表面係焦糖黎，最底有香蕉，好似係$78雖然唔算好大杯，但係堅好食。