Blue Brick Bistro (已結業)

今個秋天最注目又經常係IG, FB洗版嘅, 一定係灣仔利東街高掛嘅藍月亮。老婆已經多次向我暗示想去, 但係我知道佢又怕人多擠迫, 所以我係Openrice搵利東街附近有邊d餐廳可以邊食邊欣賞到呢個藍月亮。我係Openrice搵到呢間Blue Brick Bistro, 位置最接近藍月亮, 而且係餐廳二樓露台可邊吃邊賞月。😍 Blue Brick Bistro最出名係Yoku Moku日本直送嘅卷蛋, 平時堂食一件都要$60至$70, 不過而家餐廳做緊甜之盛宴放題, 只要$288就可以任食卷蛋同其他甜品, 除左甜品仲有6款小食任食, 另外紅酒, 白酒同其他飲品都係任飲, 對於老婆呢個卷蛋愛好者當然係Very Good啦。👍我地Book左20:15, 可能我地太遲訂位, 最靚嘅露台位已經俾訂滿。😔 我地20:00到餐廳門口, 第二節甜之盛宴放題要20:15開始, 我地趁呢段時間係餐廳門口咁靚嘅位置同藍月亮自拍一番。餐廳裝修好高格調, 樓底又高, 配合無敵大月景, 環境直頭係6星級, 冇得頂。😍 我地坐嘅位置雖然係好入嘅位置, 不過都可以欣賞到咁靚嘅藍月亮, 亦有趁機出露台同藍月亮合照, 老

公司附近既利東街開左好多新既餐廳。入面每間餐廳既環境都吾差。逐間逐間去試😀今日就揀左依間日式西餐幫同事慶祝生日🎂由於餐廳座位全部係2樓。樓下個門面都比較吾當眼。我地3個人食有預先卜位。安排左我地坐室內既位。梳化卡位非常舒適。我地叫左3個4道菜既晚餐share食😃每次上菜員都會行到枱旁等到侍應黎到先由侍應將食物上枱。最先黎既係面包有兩款頭盤只有兩個選擇就兩樣都叫左黎試。第一個頭盤將帶子切成少粒再堆番個帶子形出黎。帶子他他。先食左一少粒帶子好重花香味。略帶少少腥味。不過成個食完會被三文魚籽同青瓜味蓋過左另外一個頭盤係清酒麵豉雞肝醬配多士。多士下面墊左好多粒小石頭。係上菜既時候侍應會將清酒淋係石頭上會聽到清酒蒸發既聲音。令多士略帶清酒味。但我地3個都接受吾到個雞肝醬既味道。抹左少少都覺得太咸麵豉味太重感覺有d怪。侍應都有行墊黎問我地係咪吾岩食。佢過客人既反應都好吾同。一係就覺得好好味。一係就完全接受吾到。所以我地淨係食左個多士冇再抹醬。但依個多士比麵包籃既麵包好食🍞我地就留左黎送湯。由於室內冷氣太凍既關係食完頭盤我地就頂吾住要轉坐室外啦😂室外係露台既感覺而且望落去就係開滿燈飾既利東街又別有一