神燈海鮮酒家 (18廣場)

營業中

休息中

邊個話要食中菜一定要北上？隔咗一排又嚟佐敦呢間茶樓食個飯，會回頭皆因佢地水準依然好高，樓面服務態度好好既然入秋，蟹就一定係走唔甩，呢煲膏蟹炒糯米，真係嚿嚿蟹膏喺糯米之中蟹又多膏又好肉，糯米炒得香，飯焦勁脆卜卜蜜汁脆鱔唔講唔知，仲以為係鰻魚，啲鱔肉比鰻魚更豐厚，肉質則較爽朗，外皮燒得好香脆，唧檸檬汁食更提味食燒鵝唔使上深圳，更唔使去深井，咁黑嘅燒鵝只應神燈有，唔係燒燶咗，而係黑松露味嘅皮膚咬落啖啖黑松露香，點醬食更有雙松體驗雞煲有好多種，但同鮑魚叮噹馬頭，咁多咁大，又真係唔係度度有南非鮑魚一煲都有好多隻，隻隻都半隻手掌咁大，雞肉煲得好香嫩，不失主角光環咁靚嘅牛𦟌真係好少見，排得靚切得又靚，筋嘅花紋好均勻，原來點醋食係咁開胃，啱晒呢類冷盤配搭菜心嘅食法有好多種，好土炮咁配搭石澳梅菜，蒸到梅味入晒落菜心，咁特別嘅組合，北上一定食唔到啦樓面姐姐好好人，會不停睇住我地壺玄米綠茶使唔使加水，憑茶色深淺已經知道壺茶有冇水前菜係糖炒合桃，仲有啲白芝麻，真係會追住食到最後仲有牛奶布甸同桂花椰汁糕送，一甜兩味，幾飽都要食，好滿足

👧🏻😋👅🍽✨日日爆場海鮮菜館-神燈海鮮酒家🇭🇰 佐敦長樂街14-20號18廣場地下及1樓 🇭🇰-🏮太掛住佢個糯米炒膏蟹! 半年後再訪神燈, 見到廚房不斷出套餐圍菜, 加上儲落一班熟客, 難怪依然每日爆滿, 我地好好彩冇訂位都有卡位坐-🦀糯米炒膏蟹 $568💯原隻蟹勁多膏, 蟹肉鮮甜, 蟹膏甘香, 糯米飯煙韌同時粒粒分明; 餐廳有提供蟹夾, 輕輕夾開就起晒肉-🍲 南非鮑魚啫啫雞 $498✨四大隻鮑魚有戒左十字超級入味, 質地彈牙, 一齊炒既洋蔥同椒都好腍, 直接令個煲更香✨啫啫雞煲就當然要有冬菇同乾蔥, 熱辣辣上菜再手炒, 所有材料鹹香撲鼻, 雞肉睇佢大大舊但都好軟腍!-🐟蜜汁脆燒鱔 $268鮮鳳梨咕嚕肉 $128💯鱔魚魚肉爽口魚皮脆, 有檸檬汁酸酸地幾開胃; 咕嚕肉用鮮鳳梨夠誠意! 但我會覺得煲仔菜更值得試😍-🦆 五辛酸汁嫩鴨胸 $88✨叫左唯一嘅冷盤, 除咗五辛酸汁仲有蒜泥, 好似食緊蒜泥白肉咁, 開胃菜-🥜其他💯甜品 贈送 奶凍好滑夠奶香💯前菜 $25蜜糖合桃俾我幾分鐘KO晒😂 勁脆又甜甜地好正💯茶芥 $15/位 有得揀玄米茶唔會太濃幾好

琴日👦🏻👧🏻去咗佐敦一間主打食海鮮嘅酒樓「神燈海鮮酒家」，星期一晚上仍然非常熱鬧，座無虛席！建議大家嚟之前先打電話book枱先～🙈前菜 $15琥珀核桃口感香甜酥脆，好食到一粒接一粒食😆💕。黑松露玻璃燒鵝｜1/4隻｜$238第一次見到燒鵝皮喺黑色🖤，表面色澤油潤，鵝皮薄脆帶淡淡黑松露味，肉質滑嫩鬆化☺️。配埋黑松露梅子醬食，酸酸甜甜帶松露香味，好特別啊，值得一試👍🏻！南非鮑魚啫啫雞｜4位用｜$498店員打開煲蓋嗰下有驚豔到我地🤩！一煲入面有四隻南非鮑魚，肉厚肥美，仲𠝹咗花，賣相非常吸引✨！𠝹花鮑魚非常入味，而且口感挺身帶嚼勁😋。雞肉惹味香口，而且肉質嫩滑🐤。薑蔥龍蝦銀絲煲 ｜1隻｜$588龍蝦厚肉彈牙🦞，粉絲吸收晒龍蝦嘅精華同醬汁🥢，超級惹味啊😋！砵酒桶蠔煲 $228大大隻肥美飽滿嘅桶蠔🦪，充滿酒香味，外皮似「蚵仔煎」煙煙韌韌嘅口感，咬落去蠔汁爆發。牛奶布丁配桂花糕牛奶布丁奶味香濃🥛，口感順滑。士多啤梨味牛奶布甸會甜少少，多咗士多啤梨嘅香甜味🍓。桂花糕淡淡桂花香味🌼，為晚餐畫上完美嘅句號🥰～📍 神燈海鮮酒家 (佐敦)佐敦長樂街14-20號18廣場地下及1樓

呢晚約咗位喺外地返嚟香港嘅友人 咁啱仲係佢嘅生日就同佢食返餐好嘅🙈 嚟咗佐敦嘅呢間中菜館 店員仲安排咗我地坐卡位 坐得更加舒適👍🏻南非鮑魚啫啫雞呢個啫啫雞味道出色 可以好好餸飯🐥 雞件仲有好多肉嘅部份 仲有冬菇 紫洋蔥 蒜子等嘅配料☺️ 令呢碟餸更加有睇頭嘅就係另一個主角 南非鮑魚🫢 質地軟腍 呢種網紋嘅切法 令鮑魚更加入味 非常有鑊氣薑蔥龍蝦銀絲煲個人最鍾意呢碟😝 簡單嘅配料已經能夠帶出鮮味👍🏻 呢度足足有一隻龍蝦🦞 切件上 更方便食用 龍蝦肉質彈牙 仲好鮮甜添呀 底下嘅薑蔥粉絲好惹味 索晒龍蝦嘅鮮味 真係好正😎 黑松露玻璃燒鵝兩個人食嗌咗1/4隻 都好大隻吓 最吸引到我就係黑松露同埋鵝油嘅香味🪿燒鵝皮食落好酥化 油脂唔厚 肉質實淨 熱辣辣食真係人生一大樂事 朋友都食得好開心😁滷水豬腳仔忙咗成日 太肚餓喇 一嚟就叫咗呢碟小食☺️ 呢碟非常抵食呀 呢度嘅滷水味道都幾出色 唔係死鹹味嘅滷水 豬腳仔醃得好入味 點埋側邊嘅白醋就更加開胃南乳脆香骨呢碟份量都幾多一碟有六件 外層炸得好酥脆 咬開仲好香南乳味🐷 如果個肉質再實淨啲就好甜品店員知道我友人生日 特意送甜品俾我地🙈 服務非常好 甜品有桂花糕

之前食過佢哋將軍澳嘅小神燈🧞‍♂️~因為真係好正,所以嚟食佐敦呢間😋~呢間因為店內有魚缸🐟,海鮮菜式選擇多啲~不過店比將軍澳嘅逼啲同舊啲,但食物質素同樣好高👍👍~點解隻燒鵝黑媽媽嘅👀?!原來係黑松露,所以食落更香🍄~佢嘅酸梅醬都加咗黑松露,化解一下燒鵝嘅肥膩🤰~層皮燒到脆卜卜,真係想減肥都唔得😝~呢個薑葱龍蝦銀絲煲都好香~龍蝦肉爽口彈牙🦞,蝦頭仲有少少膏添~而粉絲就吸滿咗龍蝦味,非常滋味😍~另外仲點咗個南非鮑魚啫啫雞🦪~啲鮑魚煮得好腍,一咬就開~而啲雞件就好嫩🐔~上次食過啫啫芥蘭煲好食🥬,今次再encore!用洋葱,蝦乾做料,個芥蘭煲夠晒香,又夠鑊氣🔥~最後仲點咗個台風炒新竹炒米粉🍝~米粉炒得幾乾爽,不過個底都多油~簡單嘅叉燒,芽菜等嘅配料,夾埋味道唔錯~我哋去哥晚平日7點左右🕖,間店已經半滿了~過多半個鐘左右就滿晒,