茶東西

營業中

休息中

北角最近有間新派茶餐廳xCafe , 門口裝修以簡約為主，而室內就畫咗好多「說禪」嘅連環圖，好特別💓餐廳光感到十足，位置尚算闊落，唔會覺得好逼😌 下午茶選擇都有好多，有特式熱狗餐/星級漢堡餐/邪惡雞髀餐，三個餐都會配薯條，加$10仲可以追加輕量食物😋 仲有多士、脆豬、三文治🥪、pastas 、薯蓉、沙律🥗選擇非常多💓比較特別係冇Drink menu ，因為職員話Drink menu，就係佢個腦度😂 嘢飲方便其實係一般茶餐廳有嘅嘢飲😂 都係果D啦🤭🔸特式熱狗餐配薯條-美式芝士肉醬熱狗（法蘭克福腸）熱狗嘅肉醬係爆多🤩上面嘅芝士醬勁香🧀個包好軟熟😙好好食😋 仲有勁多嘅粗薯條炸到好香好脆🔸 卡邦尼意粉 🍝好Creamy，充滿蛋香同埋煙肉嘅咸香😋同我平時食嘅卡邦尼有少少唔同，食到加咗少少芥末醬😌🔸 英式啤酒炸魚薯條🍟條炸魚超級大條，男朋友仲話好似「油炸鬼」😂 炸魚冇腥味👍🏻 同樣勁多薯條食到勁飽💓嘢飲就唔特別講，都係果d正常發揮啦😌有機會想試埋佢嘅晚餐，希望晚市快啲開返

星期六同朋友去近嚟新開嘅東岸公園遊逛吓，順路食晏。我哋由炮台山站出發，行經見到「茶東西」門面幾掂，嘢又啱食，加上有人排緊隊，心諗應該唔差，就一於排埋一份🙈。餐廳裝修幾靚✨，如果齋睇環境會以為佢係Cafe，四周圍都掛上卡通漫畫，而且色彩繽紛。不過坐落又覺得佢同港式茶餐廳無太大分別🇭🇰，因為餐枱同座位之間都幾逼。我會形容呢度係新派茶記🥢，即係佢有提供傳統茶餐食物，例如有通粉同多士等，但就無炒粉麵飯同小菜食，不過相反地西式食物選擇就唔少。另外，留意返餐廳每個時段賣嘅嘢食都唔同，就比如說午餐過咗兩點半就無得食。卡邦尼意粉($42)，意粉大大碟🍝，唔係馬後炮，其實淨係見個賣相都覺得唔錯。意粉煮得爽口彈牙，完全唔似茶記出品。卡邦尼汁亦好有水準，濃而不膩，重蛋味🥚，而煙肉則帶來鹹香。邪惡咸蛋醬炸雞髀配美式粗薯條($35)，🍗雞髀薯條絕對係下午茶代表。雞髀好厚肉，並炸至外脆肉嫩，而且配合埋咸蛋黃醬💛，真係邪惡到不得了。薯條以外仲有啲沙律菜，發揮中和作用。雙層芝士安格斯牛肉漢堡($52)，🍔漢堡包好巨型，入面夾住雙層安格斯牛肉漢堡扒、芝士同蕃茄菜，一手揸唔晒，好足料！漢堡扒肉味幾濃，並混入洋蔥粒，唔乾身

北角有間新餐廳, 望落裝修光猛, 有啲得意漫畫響牆上做裝飾. 明明又唔係特別華麗, 唔知點解好似有好多人特登嚟呢度排隊. 呢日食完之後, 即刻明晒. 我哋2個人, 見到啲價錢好平, 以為都會好細份, 所以就嗌咗一份午餐+2份下午茶餐. 最後原來啲嘢食全部都大份夾抵食👍🏻 唔似得好多新打卡cafe咁, 啲裝修稍為靚少少, 就會收得好貴🙊🍗七味椒鹽邪惡炸雞髀配美式粗薯條 ($35) 隻雞髀超大隻, 肉唔乾, 而且重點 -皮超脆🤤🍝卡邦尼意粉($42) 個蛋漿嘅味道超級濃郁. 非常足料👍🏻 唔需要啲咩花巧嘢, 比好多其他cafe都整得好食😋🍚軟殼蟹蛋香意大利飯($65)軟殼蟹嘅質感雖然麻麻地, 但勝在大大嚿🦀 加上蟹籽&木魚絲, 非常日式. 而呢個一樣都係個蛋漿好優秀🥚P.S. 呢度啲員工充斥着滿滿的香港茶餐廳人情味文化, 行過又會同你廢噏2句, 明明我哋係第一次幫襯, 但都好似當我哋係熟客咁傾偈🤪