少爺18 (已結業)

每次食少爺18都要等一段時間，很是旺場。環境整潔舒適，連擺菜都整齊有序，賣相些許加分。印尼蝦片配上炒飯來吃，炒飯味道不錯，不過沒有正宗印尼炒飯的香味。喜歡香口的人見到一小堆蝦片必定滿心歡喜，蝦片份量雖多，但可惜在蝦片受潮已經不脆了。沙嗲串燒兩串非常夠味又夠大串，但入口是涼的，即使是早就燒好也應該先烘熱才上菜呢。午市的少爺18雖然不算平，但相對晚市還是比較抵食的。總體來說普普通通，只屬於"有緣才吃" 的級別。

木嘴呢晚黎到新都會睇戲，睇戲之前要食個快飯，就求其揀左呢間睇落幾靚地方又大嘅餐廳。新都會翻新左之後第一次黎，真係高檔左好多咁，木嘴仲以為自己去左第二個商場添。得返45分鐘食所以就求其叫個粉同飯算。雖然我時間緊迫，作為一個木嘴對食物又無乜要求，但比差唔多成舊水食個粉，都會期望個質素有返咁上下。好可惜呢碗海鮮喇沙完全滿足唔到我既期望，個湯無乜味之餘，明明我叫既係喇沙湯底，但竟然變左奶油湯底。唔好以為奶油湯底好特別，所謂奶油，即係好重奶味，而且好油...成碗粉食得我個木嘴好唔舒服，食到一半已經放棄。D配料就都還可以，叫唔難食既。另外朋友就食呢個串燒加印尼炒飯。炒飯普通到唔普通，串燒就唔熱既，味道就正正常常。咁又盛惠$88。成餐最滿意就係個野飲，雪梨味好出，又唔會太甜，廿幾蚊夠兩個人飲，唔錯。成餐埋單二百幾真係非常之唔抵食，早知平平地去食個米線或者食個快餐算數，起碼食完之後個銀包會滿足D先。

由於中秋節當晚同朋友去食晚餐周圍都好多人 都吾知食咩好最後經過發現哩間吾洗等位之前行過都有諗過試下但聽其他朋友講過話吾多好食但因為吾洗等位 加上出於好奇甘就入左去試下啦其間我朋友吾小心整跌左對筷子服務員主動幫忙摸左對新既好細心 服務吾錯 值得讚揚最後我地點左兩個飯 兩杯野飲飲品一般 無咩特別感覺沙嗲串燒好正 好好味 海南雞飯無想像中甘好味野食都系一般般啦但勝在環境好靚 枱與枱之間好闊落 吾會迫 裝修好特別 牆身有掛不同款式既碟服務方面細心又體貼 整體上都吾錯算系一間食氣氛既餐廳