Ex-Gorkha Restaurant & Bar

營業中

休息中

今日收早咗，男朋友話帶我去試啲特別嘢，就係尼泊爾菜喇，開頭我都估唔到尼泊爾係食乜嘢， 不過都好期待，就等我哋會一會佢。一入到餐廳，完全係家庭式小店既感覺，唔少尼泊爾人一家大細咁用餐，非常地道既感覺，不過亦有香港人係到食嘢， 晚市時間都坐得幾舒服， 唔會太擠迫 亦都唔會好嘈，啱曬同朋友一齊傾計談心。而且仲係咁播一啲當地嘅音樂，啲歌好開心好搞笑，類似pollywood， 夠曬特別。喺未嗌嘢之前，老闆娘就送上餐前小食，係一啲好脆好脆嘅薄餅，有少少蒜味同香草味鹹鹹地，當零食一流。小食方面都幾多選擇， 我揀咗一個平時比較少見嘅香炸菜紅球，開頭我以為係炸紅菜頭， 但原來唔係已係一個類似薯絲加埋一啲香菜同蔬菜既炸薯餅， 口感有少少似薯格， 但係就有好多蔬菜撈埋一齊，而且份量都幾大兜，特別係佢個辣醬，感覺就好似沙律醬同乳酪嘅混合，少少辣味，仲有少少檸檬葉同埋香料味。而呢一個就係香辣豬肉炒餃子， 其實唔辣， 鹹鹹香香，出邊紅色嘅醬汁其實係蕃茄，但唔係茄汁味， 而係鹹鹹地既炒蕃茄，完全唔酸， 同埋好多香料，好足味。同埋最特別嘅係餃子嘅形狀，就好似我哋中國人嘅小籠包， 而且佢同小籠包一樣非常juicy 多汁

今日去左佐敦開會，順便約左兩個fd去佐敦開飯。有個fd上網搵到呢間食尼泊爾菜，本身都唔知係咩，上網睇睇原來同印度野差唔多。去到地方算寬敞，唔會好迫。落左單隨即送上蝦片（應該係），初頭以為係點咖哩的，點知個咖哩黎到先醒起佢係跟烤餅，我地先知呢個係開頭比我地就咁食……佢地叫左杯凍啡同熱啡，話同茶記啲味差唔多。我叫左杯芒果乳酸奶，幾好飲，味道可以當係芒果益力多咁。印度烤餅配咖喱豬，烤餅熱辣辣好軟熟，兩兜咖喱都唔辣，淺色嗰兜係無肉的，而另外嗰兜係有幾舊豬腩肉，所以好淋。印度式烤雞炒飯，炒到好香，飯又炒到一粒粒，美中不足係啲雞係有骨雞件，同比較大舊。蒸雞肉同豬肉餃子，比想像中好食。皮唔厚，未到一夾就爛既程度，肉又夠juicy。點埋中間個汁令到個味道好新鮮，唔酸但食落隻味又好夾。