象泰 (已結業)

最近香港發生許多事情，攪到我都少了出街食晚飯，但生日飯每年得一次，朋友話點都要請我食生日飯，於是我們就決定近近地在屯門的象泰食泰國菜了。呢間餐廳週圍佈滿許多泰國民族畫，裝飾都充滿泰國風味。餐牌裡的菜式選擇都很多，除了傳統的泰國菜式，還有一些印度和越式美食可以選擇喔，價錢都幾實惠。今次得我和朋友兩個人，看見咁多選擇，真係有種眼闊肚窄的感覺。最終我們選了三款美食，再各自叫一杯飲品。金柚子蝦沙律，蝦好大隻又彈牙，睇見都覺得好吸引。柚子絲和越式魚露、紅椒、蒜片等混合一起，味道酸甜之中帶點微微香辣，感覺開胃又惹味。青檸梳打，難得送來一支梳打水，把杯內的青檸汁混和，味道清甜又涼快，好似飲緊汽水咁但又無汽水咁甜，成支梳打水份量又多，食了熱氣嘢後再飲，覺得幫我舒解了熱氣的感覺。朋友叫的椰汁冰，她覺得味道不錯。印度薄餅 (2 件)，口感外脆內軟，仲帶有陣陣牛油香，咬落去覺得好煙靭，食了好多塊卻唔會覺得油膩。可惜今晚我們人少叫唔到咖喱，否則我覺得點埋咖喱汁食會仲滋味。泰式菠蘿海鮮炒飯，份量好多好大碟~~ 成個菠蘿蓋加藤碟夠晒泰國古式風味~ 用料都相當豐富啊，有青口、肉鬆、大蝦、腰果、菠蘿肉、魷魚、雜菜粒、

今日約左屯門友人食飯，經佢帶路黎左 GoGo Mall屯門雅都商場都好有歷史，早前裝修黎一個大變身，變左今日的 GoGo Mall今日係平日，一入到黎 GoGo Mall個food court 都算幾多人....而且有好多小食店......果然新裝修後可以吸引人流...屯門友人揀左去食 GoGo Mall食泰菜﹕象泰我地BOOK 左7點，準時入座可能是平日的關係，唔算多人，位置坐得都舒服，可以同友人舒舒服服食一餐...友人叫左杯青檸梳打...佢話正我就叫左杯百香芒芒...第一啖飲時有少少酸，但整體味道都可以~~~跟住叫左海南雞半隻，包一碗油飯...呢隻雞整得好好味，雞肉好滑夠入味，油飯都好香...印度薄餅熱辣辣的，又係好正。食完先醒起應該要叫碟咖哩的餸配黎食先一絕。跟住叫左個大蝦炒粉絲大蝦炒粉絲有2隻大蝦(切半)...大蝦應是雪藏大蝦，少了鮮味，但炒粉絲味道好野味，炒得好香好好味，都唔錯。最後，叫左鹽燒尖吻魚，呢個大推，佢的煮法令到D 魚肉好滑，魚肉好鮮味，食到好滿足。友人說記得以前在象泰係有鹽燒烏頭，佢話烏頭的肉質仲好味...哈哈...咁惟有等下次再黎試下呢度D烏頭先...

星期日, 和老公約了媽媽, 細佬,未來弟婦, 一行5人出街食飯, 細佬就提意食泰國野, 本來想帶媽媽去置樂的小曼谷, 但細佬話小曼谷坐得不舒服, 又勁多人, 咁上openrice 睇下, 發現雅都商場有泰國菜, 睇下食評好似很不錯, 弟婦仲幫忙訂位, 大家都滿心歡喜帶媽媽食泰國菜7點去到, 入坐後, 連水都沒一杯, 要出聲先會有人拎水 紅豆冰? 紅豆在哪裡? 原來只有最底部唔知有沒有1cm 厚的紅豆蓉, 連大x樂, 大x活都好過佢, 至少見到紅豆粒, 這杯沒有一粒一粒的紅豆, 泰厄錢其他飲品沒拍影, 我們還叫三色冰, 細佬叫西瓜冰, 青檸梳打, 鮮椰青如沒有叫咖哩的話就不要叫印度薄餅, 因為不會附上咖哩的, 要自行另叫咖哩雞, 咖哩豬的小菜蝦餅, 以為蝦餅即炸會好熱, 原來都只係暖暖地, 大感失望食左三分一才記得影相, 這個沒特別的, 只是不熱這個是唯一熱的食物, 因為連爐上, 如果沒有個火爐, 相信條魚應該都係凍, 又話要煮要成, 要乜要乜...點知都係凍又係凍既...豬頸肉串燒最最最最大感失望....炒飯? 爛飯就真.... d 飯係一舊舊的, 仲要又係凍的基本上, 除左條魚係熱,