順日本料理 (已結業)

鼎鼎大名嘅天后順日本料理，相信好多人都認識，佢既已經開業左三十年架喇～佢哋嘅招牌名物係厚切牛舌定食，一份定食包括咗前菜、麵豉湯、同一碗厚切牛舌丼飯，一碗丼飯有六件厚切牛舌，每件嘅厚度起碼都有2cm，牛舌表面煎香微脆，內𥚃香軟，咁厚既牛舌要做到入面口感咁軟糯真係唔容易，怪不得一直係人氣高企既招牌菜式！另一招牌菜式就係吉列豬扒定食，豬扒選用帶有脂肪既部份入口肉汁同脂肪味道平衡，吉列做得好出色炸得黃金而鬆脆，同日本食到既好相近，廚師盡顯功架！另外點左軟殼蟹沙律配搭一下，感覺舒服好多！飲品方面咁多香口炸物，日本🇯🇵啤酒同梳打就一定係不二之選！* 溫馨提示🔔定食份量都幾大，建議之前留一留肚🤣

鐘意食牛舌既男朋友話想試下呢間 我地就飛左過黎食🤣 呢間系牛舌關注組排第一位 一於試吓佢 厚燒牛舌飯 等左成3個字 終於都上枱 一上就眼前一亮見到有5大舊🤩 本身以為咁厚難燒得熟透 但食落去覺得似系煮過先再燒一燒 有果種食落去爽一下果個口感 但唔太明顯 飯都唔錯食 仲有小食可能太多牛舌 又大舊 食到好濟😂 咖喱厚切牛舌飯 呢個再大舊d 但系得3舊 咖喱就正正常常牛舌個人認為呢個好食d 個口感再重d如果女仔食 呢兩個餐可能會太多😂本身牛舌就重脂肪 食得多就唔太想再食😂個人認為可以再食 但兩個人就唔好揀兩份牛舌🥹

本人好鐘意食牛舌😋一聽到有朋友推薦呢間牛舌店就即刻走去試下🤩一入到餐廳睇都唔洗睇就叫左厚切牛舌飯黎試😚牛舌一上到黎果然真係好厚切🤤仲要有5大塊迫爆左個碗🫢牛舌食落好嫩同時有淡淡火燒嘅香味😝淨係食2塊就食曬成碗飯😂而佢果d配菜同麵豉湯就正正常常啦👌🏻反正我都係主力黎食牛舌👍🏻Overall 黎講$138再加一我覺得係物超所值因為真係好難有餐廳有d咁厚又好食嘅牛舌🤩會係我再黎嘅餐廳🥰價錢：8/10味道：9/10環境：7.5/10服務：7/10