御品·千之味 (大全街) (已結業)

今晩去左大角咀搵朋友食飯，食間新開左一排既日本野。舖唔大，但座位夠寬躺。五品刺身，蝦同帶子都好鮮好甜，魷魚好彈牙，三文魚同油甘魚大塊厚切，一啖放入口好肥美。御品半熟牛扒，唔算好腍，但牛味好重，燒得好香而且仲鎖住肉汁。厚燒玉子，沙律醬掩蓋唔到蛋同味醂既香味，食落有少許鬆軟。照燒雞扒定食，沙律啲菜幾脆幾新鮮；個小食味道唔算濃；雞扒好嫩滑，熱辣辣加上照燒汁送飯一流。生薑豚肉飯定食，個豚肉炒到好香，忍唔住夾左啖黎食，豚肉一啲都唔嚡，炒到非常入味，洋蔥亦炒到好腍身。

第一次食！一入門口準備就坐時，店員好貼心問怕唔怕凍，我真係怕凍，結果店員揀咗適合的位置俾我地坐，加上店員唔該前唔該後，不時主動加水，服務態度一流醬油分別有兩款，一款係用於剌身，另一款係用於壽司/魚生飯，店員清晰講解用法。可自行寫單/店員落單都得厚燒玉子，熱辣辣上枱。芝麻雞翼都係熱辣辣上枱，皮脆肉嫩，仲有張吸油紙吸下油，不錯！火炙壽司拼盤好食！口感入口即融！！燒過下d魚油突岀！加上半溶芝士，味道好豐富！個人喜愛火炙左口魚邊壽司海膽軍艦，海膽份量足夠！軟殼蟹反卷 + 藍鰭吞拿魚四式盛拖羅油脂正啊，食落滿口魚油的香味最後仲有甜品

放工相約朋友去小聚？無問題，近近地大角咀都一樣得，仲要剛好發現原來千之味係呢區開咗分店　－　御品·千之味深水埗嘅千之味我地早就試過，而且性價比亦高，所以我地亦揀咗御品·千之味來做小聚嘅地方。我地一行五大兩小，一共食咗千八蚊，唔計小朋友的話大人除開每位HKD$350-左右。未計刺身及飲品，我地都已經食咗成17、18款食物，當中包壽司、小食、串燒等。。。好，事不宜遲，即刻睇下我地食咗啲咩啦！前菜：粟米蟹籽沙律，大人同小朋友都愛！亦估唔到原來咁大碗，好彩無打孖叫。辣味螺肉，辣度惹味，而且螺肉夠爽口。刺身：三文魚、甜蝦、油甘魚、劍魚腩刺身夠新鮮肥美，算係中規中矩。帶子刺身，因為漏單所以分開上。遇有問題店員都好幫忙，忙手對單及覆核，很友善。玉子燒：厚燒玉子蟹柳玉子燒因為有小朋友同行，玉子燒當然少不了，我地仲點咗兩款不同口味俾小朋友食。我自己都有試到蟹柳玉子燒，真係唔錯。甜度適，蟹柳及蟹籽仲令玉子燒多咗層次及口感，小朋友們好快口就清晒添。壽司及卷物：火龍卷見到都一定會點嘅卷物之一!份量十足，而且蝦肉微脆爽彈，如果蟹籽再多啲就更正！軟殼蟹反卷軟殼蟹依然脆口，而且不乾身，美味可口。鰻魚芝士忌廉卷*芝士