良記餐廳(老鳳冰室) (已結業)

願心中那日記隨年變厚... 入到冰室，不停播出懷舊金曲，加上冰室的裝修及佈置，令人好有感覺，就好似有一幕一幕七十年代的電影場景湧現腦海。除冰室環境吸引之外，連餐牌及內裡的食物名稱亦同樣吸引。服務員親切笑容，態度有禮，還告知餐牌上是廚師設計的套餐。我試了"XO醬鮮菠蘿魚餅海皇炒飯" 外觀已很吸引，味道亦相當好，炒飯乾身唔油膩，我最鐘意XO醬內的魚乾仔有鹹香味，鮮菠蘿又甜又多汁，魚餅彈牙有口感，仲有好多海鮮 (鮮蝦、魷魚、魚塊...)，鮮味十足，配埋餐湯及"巨峰梳打"，非常滿意。另外，老公試了"芝士大蝦球濃茄湯通粉" 湯底好惹味，"奶油豬" 香口鬆化，"原味波波冰鎮奶茶" 好欣賞粒波波冰係用奶茶製作出來，好有心思。

今日岀深水埗鴨寮街買嘢，行到肚餓當然要醫肚啦，記得行過兩條街有間幾有趣的冰室，店舖玩好多諧音字(可以望下笑下)，食物質素又有水準order 左個香濃芝士汁焗豬扒飯，散發著陣陣芝士汁濃香，豬扒有三大塊好仲做到拉絲效果，伴碟還有粒茄仔，好多汁友人點了一份牛油果軟殼蟹竹炭漢堡伴薯條，店員呈上食物時，我不㩒wow左一聲🙊，用木盤上枱，先試下薯條好熱又脆，揭開漢堡第一層，見到原隻軟殻蟹望住我，成個包仲係熱架，意想不到堅有 Heart 原味波波冰鎮奶茶，冰粒用茶底做，越飲越香濃，十分醒晨，每日限量架蝦多士，為食的我又想試佢「老鳳十大必試」，蝦膠份量十分多，肉質又彈牙，好彩無錯過店內環境夠懷舊，可令香港人有集體回憶特式餐牌已放在信箱內諧音字「set 𠹌廚」下次再試埋其它款式門面應唔難揾店員有禮，座位舒適，忙裡偷閒，配埋波波奶茶，快活過神仙

打算夜晚去食仙草 所以就係深水埗搵食係巷仔見到依間冰室設計得幾懷舊 就去試下啦好得意好得意 啲餐牌用食啲舊信封設計仲用以前既鐵信箱裝飾 好有Feel呢講返野食先芝士豬頸肉撈丁厚多士好脆 就咁食已經好正芝士味濃 個丁掛汁掛得好 溶為一齊岩哂我食個芝士怪不過後尾攤凍左 就有啲痴埋一PAT波波奶茶有3粒用奶茶整既波波冰 唔怕奶茶變淡整碎啲冰當 有啲甜品Feel飲到埋單都未溶哂 好抵呀

有日去開基隆街買皮革材料， 就見到「老鳳冰室」，見食物款式都算合口味就入去一個人去嘆嘆下午茶。😌  雖然門面和普通茶餐廳沒什麼分別，但卻內有乾坤。  裡面的裝潢以懷舊香港為主題，裡面擺放了不少懷舊照片， 而當中小編覺得最有懷舊味道的就是那黑白燈牌，上面還印有不少招牌小食飲品。 調味架都算齊全，其中郵箱牙簽筒都略有懷舊風格呢。😂  令我驚喜的是連餐牌的裝潢都以香港舊信箱為裝扮，餐牌則是一封封信件，真的很有趣呢！😆  「老鳳冰室」和普通茶餐廳的食物款式略為不同，雖有沒有常見的楊州炒飯或干炒牛河， 但食物主要都是以港式為主， 有焗保齡球、焗飯、撈出前一丁、湯麵、炒飯、炒蛋多士等。  見芝士撈丁和波波奶茶都是「老鳳」招牌，所以就點了芝士雞扒撈一丁和原味波波冰鎮奶茶。 🧀芝士雞扒撈一丁（$48）  原塊炸雞扒，炸粉薄薄一層，雞肉鮮嫩多汁。 小編公仔麵中最喜歡吃出前一丁，因為喜歡有點彈性、軟硬適中的口感， 但「老鳳」的一丁比我想像中腍左少少，😟 不過勝在秘製芝士醬軟滑濃稠，芝士味十足！都算加返少少分。🙈不過但如果多少少芝士醬就更好！ 芝士迷不可錯過啊！😋  旁邊還有一塊香烤牛油厚多士，

傳統冰室晌香港賣少見少，執一間就少一間，不過，近幾年又興番起啲懷舊冰室，雖然只可以叫做「仿」冰室，但內裡嘅陳設卻又幾令我依等中坑懷念 。之前曾幫襯過羅麥記、南龍、金記好幾間懷舊冰室，從食友嘅食評見到深水埗都有一家「老鳳」，我作為半個深水埗人，無理由唔撐吓喎 ，是夜就「老奉」撐場，順便落鴨寮街買個USB充電插座將來旅行用。被標籤為懷舊冰室，懷舊嘅裝修喺賣點之一，入到店內，懷舊之物一件接一件，古老大鐘、懷舊電影海報、黑白舊相、舊式廣告……件件都入型入格，務求讓大家重溫70年代嘅情懷 。大家明白，鋪租貴，地方淺窄，搭枱喺潛規矩。卡位旁掛起嘅「信箱」所插住嘅信件就喺餐牌，而個信箱印住荷里活道大酒店，第一時間就諗起尹光首「荷里活大酒店」：荷里活有間大酒店，有三個肥呀婆學踢波，學踢波，你又踢，佢又踢，卒之就踢咗落河…… 尹光喺乜水？可能好多90後都真喺唔多識佢。始終都喺冰室，嚟嚟去去嘅食物款式都喺嗰幾大類，小食、一丁、通粉、碟頭飯、奶茶、咖啡……等等，價錢亦算相宜。不過，睇得出店主晌菜式上都加咗唔少心思，改良、變革令菜式加啲亮點，唔喺單賣環境，希望食物都為客人帶嚟點點驚喜 。此外，枱上放

深水埗的老鳳冰室大賣懷舊，餐廳內掛滿七八十年代的香港街景、廣告、海報，店內招牌更印有一句有聲的「鬼叫你窮呀頂硬上」，很本土。餐桌上的擺設同樣有心思，放餐牌是仿製唐樓的舊式郵箱，餐牌封面就像舊信封，那個「為人民服務」的水杯，是用來盛載砂糖的。裝潢走懷舊風，老鳳冰室卻並非只售賣一般的多士、奶茶，而是選取冰室較少見的食材，或是將常見食材mix and match，並為它們改個特別的名字，看看餐廳內的燈箱，便知一二，gimmick就由此而來。黑松露炒蛋多士($38)，餐廳用黑松露在蛋上畫了個心型，多士上桌時熱辣辣，黑松露香氣撲鼻。我們立刻把多士切成四小份放入口，炒蛋嫩滑得不得了，黑松露的香在口腔中散發，多士很脆，不會硬，很值得一試。肉燥鹽酥雞扒飯($48)，肉燥的份量非常多，而且充滿肉汁，配炸得酥脆的雞扒就晒好不過，特別欣賞肉燥加入辣椒粒和香蔥粒，使整份肉燥飯更惹味。安格斯牛腩撈一丁($48)，把兩種完全不相干的食材放在一起，很有創意。以牛腩汁取代芝士撈丁麵，少了芝士的膩，可惜的是牛腩汁有點過甜。在老鳳冰室，最值得一試的就是原味波波冰鎮奶茶($24)和原味波波冰鎮咖啡($24)！把奶茶和咖啡雪

深水埗美食不勝其數，各具特色。這夜，冰決定一試>>>良記餐廳(老鳳冰室)<<<。其中一個決定一試的原因，是其裝修。風格走懷舊香港路線。在「地踎」的深水埗找到講究裝修的餐廳，加倍吸睛。另一個決定一試的原因，是其食物。這是餐牌，繼續其香港昔日情懷風格。選擇甚多，部分可謂獨家項目，非常吸引。名字獨特的焗芝士海鮮保齡球 (HKD68)，外型十分可愛。焗飯熱騰騰，伴以青椒粒，豐富口感之餘，添點纖維也是平衡飲食之道。看似不太大的一客飯，其實相當飽肚，可別忘了焗飯外邊的麵包也可吃掉的哦。冰的食量不多，麵包吃不下了，就只吃飯。芝士汁分開上，可按個人口味調節份量。海鮮種類眾多，從魷魚、蝦、魚柳到蜆肉一應俱全，甚至找到蟹柳及碗仔翅，非常有趣。是餐飲品原味波波冰鎮奶茶 (HKD24)，名字非常得意，也令冰不得不點一杯。以奶茶造成球狀冰塊，確保味道不會變淡，誠意之作。奶茶的甜度、茶香與奶味十分平衡，控制得非常出色，必試之選。飲過奶茶，可愛的波波還健在，未有溶化。餐廳位於基隆街216號地舖，不難找，尤其晚上招牌很是耀眼。喜歡港式美食的話，值得一試。

平時都甚少幫襯茶餐廳，因為食物貴之餘，味道又一般，講到香港好食的茶餐廳真的不多 （歡迎推薦啊）！所以平時都寧願搵些特別餐廳去食或者自己煮。是晚黎到位於深水埗的良友餐廳，上網見到佢地既波波奶茶和肉夾饃的賣相甚吸引，仲有其他不錯的特別款式配搭，放工後一於去食個晚餐。.好彩而家多左他做小妹的人肉指南針，小妹對於深水埗這一帶可真係人生路不熟啊。走著走著終於到達餐廳，看上去座位的鋪排就係一般茶餐廳格局，細心環顧四周就會發現他們的裝潢和裝飾都帶有六、七十年代的懷舊感覺。用上Tiffany Blue顏色的牆壁上都貼了各款懷舊的海報廣告和相片，看上去滿有味道的。.檯上放了各款不同醬汁，連芝士粉都有! 旁邊那個毛澤東忠，很有趣! (好像是放糖的，忘了開黎睇睇).最前方出餐位上方有著涼眼閃耀的餐廳招牌；.每個座位的牆上都放了一個舊式信箱，裡頭放了設計成信封形的餐牌，滿有誠意的！.餐牌部分，餐廳價錢都十分相宜抵食，特色的還有焗保齡球、芝士撈丁、老鳳多士和數款特色飲品。.原味波波冰鎮奶茶 $24用上特色的螺形杯，入面放左三粒以奶茶雪成的冰波波，咁就一路溶都唔會沖淡杯奶茶喇。.奶茶味入口夠滑之餘，茶味濃香明顯，

我要我個肥仔 每日變fat啲 茶記係肥仔豬先生嘅飛忽 一個月至少去兩三次佢先安落 於是今晚就帶佢尼到老鳳冰室食飽飽深水埗一帶有好多茶記 一般都係比較舊式 老字號嘅 食物亦比較傳統 而老鳳比較唔同 環境大玩懷舊風 但食物反而玩新式fusion？ gimmick成功吸引我地去試環境果然old school到不得了！餐廳入面掛滿七八十年代嘅相 海報 banner令我覺得最經典嘅係掛係卡位旁邊嘅布製信箱 有三種顏色 「綠色」北角 大強街強人閣，「紅色」唐宅 昂平路360號，「鋁鐵色」荷李活道大酒店 好有心思 我地今晚住北角 強人是我！信箱裏面放住兩封泛黃嘅信 原來係餐牌 創意爆登呢波波奶茶咁出名 點可以唔試呢 另外仲叫左飛仔華田 老鳳多士 黑松露海皇炒飯同XO醬蔥油雞扒撈一丁波波原來係雪冰左嘅奶茶 一共有三粒 波波食落其實無嘜味 但好處係波波越溶 反而會令奶茶越濃越好味 而奶茶本身奶味偏重 小朋友們見到飛仔華田一定好興奮 飛仔華田加左蜜糖脆脆 可可脆片 阿華田餅乾等等嘅脆口野 仲加埋cream 甜度唔會太過份 係一杯重量upgrade版華田老鳳多士上面嘅係蕃茄碎 茄醬 黑松露同芝士 係茶記式p

晚上匯合男友買了東東後，基隆街周邊的店舖也相繼關門，街上就只有路燈照明，跟白天的熱鬧可謂天壤之別。走著走著，來到燈火通明的《老鳳冰室》，這刻變得相當顯眼。兩口子是特意前來的，是因我早前見有人於instagram上載食店的照片，覺得環境及食物看來不錯，於是跟男友提議到來。「料理農務」，跟廣東話其中一句髒話同音，不過這四個字就顯得較「含蓄」。店內都是富玩味的佈置…個人尤其喜歡這信箱造型的布袋，除了綠色外，還有紅色及仿鋁鐵的顏色，好可愛。信箱上還放了兩封「信」…其實是店子的menu…每檯桌上均放有糖、鹽、胡椒粉及美極，當中更有冰室／茶餐廳少見的芝士粉及tabasco。兩口子點了兩份晚餐，店員先奉上中式餐湯，湯頭估計是以豬骨及雞件熬製。男友的蜜焦薯仔牛柳飯（$48），賣相比同類型的冰室／茶餐廳對辦，甚至有點西餐感覺，更以雜菜沙律伴碟，相對來得均衡多了。不過我沒吃這個，故未能置評。我的菠蘿焗豬扒飯（$40），面層放上一片罐頭菠蘿，另加彩椒粒粉飾。店子特意把豬扒切件，吃來更方便，蛋炒飯底亦夠乾身。醬汁內混入肉碎及少許芝士，微甜但應該不是番茄醬。整體味道跟坊間的焗豬扒飯有點分別，不過尚算討好，惟吃畢