奇蹟拉麵 ミラクル

營業中

休息中

前日喺旺角收工，肚餓想食碗麵返去，諗起好耐冇食拉麵，於是去女人街打轉搵食。見到一間店冇咩人，決定入去試試，叫咗佢主打嘅原味濃拉麵。湯頭唔錯，入口有陣香味，但沒想像中濃郁同杰身，飲落略為清咗啲。麵底份量男人食可能唔夠飽，麵身用細麵，煮得Q彈有口感，我覺得幾好食。叉燒係薄身嗰款，兩片而已，唔會咬到痴牙肉，味道不過不失。附咗一粒味玉同啲荀，正常味道，冇特別驚喜。整體食物算OK，唔算出色但中規中矩。環境乾淨企理，坐得舒服，服務都OK。價錢偏貴咗啲，一碗拉麵喺香港咁嘅地段同質素，感覺略為唔抵。

男友自稱拉麵愛好者，成日都鍾意試唔同垃麵🍜雖然每次被問到邊間好食，佢都答唔出，最多話有次我帶佢食過一間幾好食（座銀個名都up唔到🤡）前排weekend經過曾經喺屯門大排出龍嘅奇蹟拉麵。奇蹟地冇人排隊，入面都冇咩人但食完結果係：平平無奇～🤎menu共有5款拉麵，我地分別揀咗一個濃湯一個清湯。一致認為清湯拉麵比濃湯出色🤣清湯湯頭清澈不油膩，夏天飲多兩啖都冇負擔感🌞濃湯質底非常濃厚稠身，未去到漿口但食到中途會覺少鹹同膩，只適合重口味人士🤣男友譚仔係食清湯路線，所以唔好濃湯拉麵屬幼身，口感偏腍身而且唔太掛湯，並唔係我地杯茶叉燒薄切尚可，冇太大記憶點反而味付半熟蛋唔錯，流心得恰到好處，有蛋香🥚拉麵份量偏少，細食女仔會岩岩好，男士會唔夠，要加底😬另外叫咗餃子，🥟煎到金黃香脆，都唔錯，但未去到驚艷。唔太明咁多foodie吹捧嘅原因，同區的話呢個價錢會有更好選擇🤔唔使排隊都可以一戰但要排隊就不了，因為會失望😣結論係男友繼續答唔到人邊間拉麵好食🤣🤣🤣

從屯門發跡的奇蹟拉麵，於旺角的店舖依然大排長龍，為的就是一嚐其濃郁的濃湯拉麵。原味濃拉麵名副其實地非常濃郁，接近九州風格的杰身豬骨湯底，讓每一口麵條都掛滿充滿骨膠原的湯底，配上粉嫩的叉燒以及烹調得剛好的半熟蛋，於微涼的天氣下進食更感溫暖。MIRAKURU RAMEN, originated from Tuen Mun, continues to draw long queues at its latest branch in Mong Kok, all for a taste of its original tonkotsu ramen, featuring a rich Kyushu style broth with collagen that coats every noodle. Paired with tender cha siu and half-boiled eggs, this bowl of ramen brings a comforting warmth on a chilly day.

奇蹟拉麵係屯門發跡.以性價比高為主.當時結業好多人都好可惜而家喺旺角重開.起初都有長長人龍..過左一輪熱潮同湯包事件.當日5:40pm去到都係幾個人排.第一輪大概20個位坐滿到6:30pm都可以直入😮整體來講未到驚豔.湯頭好濃厚稠身.少少漿口.食到中途就感覺到飽膩同少少咸.要不停加醋去中和一下.麵身得一種硬度.平時食開硬麵既我都覺得太硬🤔.2片薄切叉燒幾嫩幾腍.而流心蛋🥚都做到好流心.唔會過熟🤓但如果要排隊食就未必會翻兜--➿ 原味濃拉麵 hkd 86--(.❛ ᴗ ❛.) foodiepoison👩‍🍳  整體味道: 7/10💸  性價比: 7/10📸  打卡指數: 7/10🤵🏼  環境服務: 8/10🤔  推薦指數: 6/10

好耐冇打字 🤫由屯門搬出黎旺角既奇蹟拉麵， 我連續3 個星期五去，到第3 次先成功第一批入座食到 😍 閒日開門前15 分鐘到就ok 啦！ ⁡睇左第2 啲食評， 好掙扎究竟要原味濃拉麵定清湯醬油拉麵好😩 結果揀左通常早啲賣哂既原味濃拉麵！！🍜 HKD86 ⁡第一啖飲左湯底 ，係濃稠， 但我唔覺好似人地所講好咸wor ！ 飲左一淡，個口都仲有層湯留左係口腔四周咁樣😆 味道唔搶， 係好柔和既豚骨湯。 🐷 麵條幼身，但偏硬，係我好中意既口感！！ 亦好掛湯👍🏻 溏心蛋蛋黃都有8-9 成流心 🍳 薄叉燒2 片，考慮size 同片數就好似少左啲😆 叉燒似梅頭，軟腍得來有嚼勁，筍絲清爽冇異味～ ⁡整體黎講， 成碗拉麵表現好平均地好， 冇咩要挑剔既地方。 如果要排15 分鐘我覺得值得一試 ， 希望第時會有埋小食🤤⁡

聽聞旺角近排開左間都幾出名的拉麵店，未開門已經出現排隊人潮😯，出開旺角拎野順便同男朋友去試下先😎就係佢啦《奇蹟拉麵》，見OpenRice 上顯示營時間分兩段：午市12點至3點&晚市6點至10點，當晚去到六點搭二咋，已經同傳聞一樣要排隊🤭懷抱着期待嘅心情，等左大概10分鐘終於到我地！拉麵店細細，座位肉眼掃過大概坐到20人，餐牌上只有5款選擇：原味濃拉麵、烏賊濃味拉麵🍜、清湯醬油拉麵、濃厚辣味拉麵、特製限定拉麵，排隊時就要決定要邊款拉麵啦，好彩一早做左功課😎即時決定要：🍜原味濃拉麵（超濃厚豬骨湯底、慢煮叉燒、味付半熟蛋、荀、蔥，湯底好味😋係我喜歡的濃厚感❣️；半熟蛋味道吾夠，但勝在流心🤤🤤；拉麵麵質煙韌偏硬適合後生們；叉燒似食緊五成熟，肉質粉嫩有啲咬感；荀夠甜，正🥳）🍜烏賊濃味拉麵（個人對黑色嘅食物有種特別嘅喜愛🤩，例如竹炭蛋糕、墨汁意粉等等⋯所以對呢碗黑忟忟既拉麵係帶期待感，好可惜食吾出烏賊🦑味😞得個黑字，仲諗住會有特別香味之類🥺其他所有野同原味無乜差別！）整體來講原味濃拉麵係幾好，但個人覺得吾太值得排隊嚟食，附近有幾間拉麵都唔錯👍🏻不妨行多幾步尋覓下其他拉麵店🤓

旺角新開張的拉麵店——奇跡拉麵這家店其實以前也有在屯門經營儲下不少人氣12時開門，但11時已經有人在排隊了我們當天11時半到店前排隊幸運地開店時入到了最後一張枱供大家參考看看🍜原味濃拉麵🍜骨湯愛好者必點，個人感覺比一欄的豚骨湯更鮮甜，熬煮的食材也增添層次及豐富。湯底是由大量的雞骨、豬骨、海鮮等食材熬制而成，經過10小時的熬煮，非常濃稠鮮甜。半熟蛋很好吃，更值得一提的是極度嫩滑的叉燒，暫時是香港拉麵吃過最好味的。🍜清湯醬油拉麵🍜朋友點了這款，試了一口他的湯，很清香鮮甜沒有膩感，也是很有記憶點的味道。下次會點這碗試試！我個人覺得如果比較喜歡濃稠的骨湯可以選原味，如果追求清新口味，可以選擇清湯醬油呢！我敢保證這是絕對值得排隊的拉麵店！📍奇蹟拉麵 ミラクル (旺角)旺角通菜街22號達明大廈地舖#香港拉麵#旺角拉麵#香港美食推介

打大佬［奇蹟拉麵］11 Jul 202311:55am 已經嚟到門口排隊，排咗45分鐘，終於入到了。作為拉麵愛好者一定做咗功課先，睇咗啲師兄話一定要試「清湯醬油拉麵」，一嚟到個湯已經好清澈，出前一叮咁。正正因為清得濟，我expect果種醬油咸到苦就試唔到喇！之前係大阪食果隻米之連黑醬油真係一試難忘，合埋眼飲咗啖，咦！？雖然清清地，但咁好味嘅！佢勁嘅地方係飲完仲有餘香，啖湯已經落到個肚度，個喉嚨都仲有after taste，唔好睇佢咁清，其實有啲料嚟。師傅調教個湯嘅厚度同埋味道幾好，好有反差😂麵方面，餐廳選用咗正常粗幼度生麵，勁有麥香味！正正因為粗幼度適中，做到掛湯效果，（最憎食幼到好似米粉咁嘅拉麵，一蘭咁，掛湯太勁，搶哂啲麥香味）麵身一啲鹼水味都無，呢間算係將個面煮到好彈牙爽口，冇得比你揀軟硬度，睇得出師傅嘅執着。叉燒方面，係用慢煮叉燒，完全冇豬騷味，保留豬肉應有嘅味道，不錯。個蛋幾好，個塘心蛋有淡淡醬油香味，又有少少酒香味（可能排得太耐有幻覺，應該無酒嘅），流心，夠滑，OK!食完一個唔夠喉，叫多個「原味濃湯拉麵」試下先，師傅話用咗豬骨、雞骨去淆製，問佢熬製咗幾耐，佢又話商業機密⋯飲頭