百味堂 (已結業)

來自韓國嘅「百味堂」雪糕，今次已經係第二次食喇有第二次機會即係好嘢，好嘢又緊係要同大家分享啦個人嚟講好鐘意食奶味雪糕，因為有d奶味雪糕會太甜唔夠奶味，好似食緊煉奶，要做到奶味同甜味平衡而且食落唔覺膩一d都唔易。「百味堂」原味雪糕奶味同甜味平均，唔會過甜，又有香濃奶味，質地唔係幼滑，有少少少少冰感，十分喜愛呢個質感。第一次排隊買嘅時候，一路聽到職員同前面嘅客人講要等15-20分鐘，見到有客人因為咁而唔買，同樣職員都係咁同我講，心諗一杯雪糕都要咁耐？但因為唔趕時間，所以等一陣都ok啦，結果等咗3分鐘就有，咁即係等候時間係職員「口頭禪」

係maze grill食完餐唔好食既晚餐之後，個個都唔滿足好彩行過見到百味堂，要食返個雪糕順返條氣雪糕有好多選擇，不過我既目光已經一早停留左係榴槤雪糕到唔使諗，我一定要嗌榴槤買完等左唔夠5分鐘就有得食有個朋友唔識貨唔食榴槤就唯有食原味啦因為我地都係食完榴槤先再食返原味，所以唔係好食到原味既味榴槤先係重點吧很醜但好好食個醬好濃郁好正不過旁邊嗰幾舊榴槤基本上很核，無乜肉都無乜味個蛋卷味道都係一般般個醬加埋個雪糕已經足夠好食

百味堂都開左一段時間，由K11開到銅鑼灣，再開埋海港城，終於變得方便就腳。來自韓國的大熱甜品店，有咩吸引之處，先食個原味牛奶雪糕。其實款式同口味都好多種類，水果類至茶類口味的雪糕，還有麵包、蛋糕及飲品。仲有個輕怡套餐都幾吸引，旁邊也有位給客人慢慢品嘗。先選擇自己喜好食物，落單付款。就有個響機給客人等待，一響就是通知客人去取食物。原味牛奶雪糕 $48（100%有機牛奶製造）賣相好靚好完美，牛奶味好濃郁，但口感清爽水潤，因為冰感偏重，入口溶開有如牛奶沙冰，甜度剛好，好味又解暑，脆筒保持脆口感，值得一讚。份量頗多都算控食。