629雞蛋仔

營業中

休息中

新蒲崗629雞蛋仔成日都好多人排隊，尤其是lunch hour嗰陣，有時見到有成5至10個人排都好卻步，所以一直都冇試。今次終於見到冇人凍啦，所以即刻要買底原味雞蛋仔試吓。原來咁多人排隊嘅原因其中之一，就係佢價錢好抵呀！一底原味雞蛋仔都只係$20咋…… 仲要即叫即整，個樣好精神。試咗之後覺得真係好好食，又脆又香。唔會淋得好快，唔怪得咁多人排啦🤤見到佢個餐牌都仲有好多其他口味，心思思想試吓佢咖啡雞蛋仔，仲有新出嘅香芋雞蛋仔同紫薯雞蛋仔，都好吸引。推薦指數：💛💛💛💛💛

真係唔可以睇少新蒲崗呢一個地方😤以為係工廠區 會無咩野好食 無咩特別咁 其實一直都好多美食係呢到講明先❕呢到個老細好有性格下不過其實人地都係專心想整好每一底雞蛋仔*❣️原味蛋蛋 $18雞蛋仔應該係每個香港人嘅集體回憶個個都由細食到大 童年回憶🆒鋪頭面積唔大放得一個雪櫃 四部機同兩個人兩部係做格仔餅 兩部係做雞蛋仔全部都係即時製作 唔似其他會整定係到🤘🏼加上經常性都要排隊📢所以製作時間需時 需要耐心等待不過越易整嘅野 其實就越有技術👻好少雞蛋仔會做出咁嘅口感整完即食 熱食嘅話食落外脆內軟🔥💥💥當擺耐左 攤凍左又會係另一種食法會變左完全煙煙韌韌*⭐️佢地嘅格仔餅都值得推介下次下次介紹格仔餅俾大家☑️

我終於試到呢個雞蛋仔啦ಥ_ಥ我好耐之前係網上面睇到有人介紹同埋出曬名係得老闆一腳踢加上每底堅持3分20秒所以成日都好多人排😫每粒雞蛋仔都外脆內軟😍仲都唔係空心入面煙煙韌韌 蛋味就唔係好強 我會俾85分啦 新蒲崗必試！但係就會比較快變淋 趁熱食就好正喇 嗰日去好好彩排左唔使10分鐘就ok😋