After You Dessert Café (已結業)

After You 發源於泰國，越做越大，原來在2016年在泰國還上市，做甜串做到上市，犀利!.香港好像是 After You第一個海外店，在銅鑼灣旺區，聽好多人提過這名字，這晚因為晚餐吃得不太夠飽又不太滿意，朋友提醒補下肚皮去After You，所以去的時候已是吃過晚飯，大概9點零。結果離遠便見到長龍，如果不是朋女想吃，看到這麼長的人龍，我恐怕已走了。.我和兩位朋友去的，本來我想叫一個吐司一個刨冰三個人share，但朋友們覺得太多😭😭結果我們三人只叫了一個吐司。.👇原味蜜糖吐司 Shibuya Honey Toast $108 ⭐️⭐️⭐️⭐️⭐️店員一捧上，便聞到好甜香的味道，可能是牛油和糖的魔力吧。.吐司入口好正，蜜糖不像一般蜜糖那種怪怪的味道，很舒服又不過甜，不太稀又不太”傑”，食落吐司又好香牛油味，喜歡牛油的朋友會像我般好enjoy 😋😋. 店內好處有自助茶，吃完甜品個口會膠黐黐，是需要茶水的。.一邊吃一邊想，怪不得那麼多人排隊，影相靚，大大件厚吐司，又或是我吃不到的勁大杯刨冰，而且好好味😋😋 價錢當然不能用成本價去衡量，銅鑼灣租亦貴，所以是否物有所值便視乎個人喜好。我都好想再去，吃多

食完飯點可以唔食甜品！咁啱食飯隔黎行幾步就已係呢間泰國人氣甜品店，未入已經見到排晒長龍，佢都幾早截單，我地8點幾入就已經截了，要食就要早啲😆本身想試嘅芒果糯米飯味刨冰已經sold out🥹唯有下次再黎🐏泰式奶茶刨冰🇹🇭 $138呢個寫住推薦must try，當然要try啦。味道好濃嘅奶茶味，隨碟仲俾左一個奶茶醬俾我地淋上去，為左影相所以都倒到漏晒出黎😂入面餡就有啲多士粒，甜得黎又有有口感🐏美祿火山刨冰🍧$128由於我係美祿恐龍fans，所以呢個必揀🌚呢個同樣有美祿醬淋上面，不過就冇奶茶味咁出，餡入面就有啲美祿粒粒🐏原味蜜糖吐司🍯🍞$108估唔到呢個勁好食🤤本身以為好普通多士，但係烘得好脆又唔硬，牛油同蜜糖味都好香，夾埋雲呢拿雪糕同Cream極邪惡

吐司味道係非常好，記得襯熱食才會香脆鬆化！否則花時間打卡後，即使厚身面包係暖的，但已經變冧身，似浸奶面包，口感變差。今次食原味蜜糖吐司及Flat White,試新餐廳都係唔冒險住，穩打穩紮先。即叫即做的吐司，等10-20分鐘，上餐賣相吸引，襯熱食還入口鬆化，香油，雪糕加蜜糖好好食，反而杯Flat white，咖啡豆果酸味強烈，不太適合我了。我唯一意見係希望佢的餐單可以有套餐組合，即食連飲品有個折扣，咁會親民些。另餐廳裝潢幾好，但座位排列密集，公共走道變窄，食一餐，侍應客人經常出出入入咁，而且方便人流還不時打開一邊大門，坐在附近或打對正的客人，明確感到一冷一熱的風或街外飛入的小昆蟲，就係剎風景。。。過百元的甜品值嗎？我覺得值的，其實只有香港才會有咁瘋狂的消費模式，一個兩餸飯的價錢能抵一杯珍奶／手搖飲／一碗甜品，咁點解吐司就唔可以呢？成本都一定比佔7成係水的飲品貴啦。更別說原本在泰國係又幾便宜便可食到，點解要在香港食得咁貴。。。等等...，因為你現身處香港，唔係泰國囉，大哥大姐

//<After you>After you成日都大～排長龍🫠🫠 平日下晝1700見得一個人排隊即刻衝去試🥰🥰等咗大概5分鐘就入得🙋🏽‍♀️🙋🏽‍♀️落單要出去點的，水都可以自助斟🏃🏾‍♀️🏃🏾‍♀️本身諗住會聽倒泰文歌，點知佢地會播鏡仔同英文歌🤣🤣———————————芒果糯米飯刨冰 $148成個刨冰根本就係還原芒果糯米飯🤣🤣 上面有椰汁味嘅cream🥥🥥 個冰好綿好綿，有淡淡芒果味🥰🥰 店員建議食到中間先至落extra芒果汁同埋椰漿～ 食到中間真係見到糯米飯，仲要份量都唔少🍚🍚 整體來講都幾好食，雖然價錢有啲進取，但係食完珍係會幾飽🦦🦦———————————原味蜜糖吐司 $128蜜糖吐司充滿着焦香嘅味道🍯🍯 個吐司都幾大份，外脆內軟的🤤🤤 有兩球雲呢拿雪糕，再加埋蜜糖令到吐司每一啖都好好味🥰🥰 不過整體嚟講偏甜同埋又好飽😂😂———————————評分：8/10地址：銅鑼灣登龍街52號景隆商業大廈地舖營業時間：星期一至四 12:00~22:00星期五至六 12:00~23:00#afteryou #銅鑼灣美食 #銅鑼灣甜品 #銅鑼灣cafe #芒果糯米飯 #hkcafe #c

泰國人氣過江龍❤️‍🔥一直都好期待😚第一次食排隊接近排咗一個鐘，雖然天氣好熱，但為咗食好西幾辛苦都要等落去。差唔多到嘅時候，職員會比Menu你睇定先，入到去嘅時候就可以立即俾錢order，等候時間大概20分鐘，入到去嘅時候環境優雅舒適，雖然有點逼，職員服務態度親切有禮，上餐時都不忘影相打卡📸首先登場嘅係原味蜜糖吐司，豐富香濃嘅蜜糖味震驚我的味蕾，應該係我食過香港最好食嘅吐司，我同我男朋友最鍾意就係食呢個🤤其他味道都不及蜜糖好食，跟住就係芒果糯米飯刨冰🍧我本人其實麻麻哋食刨冰，因為有敏感牙齒🦷😂但係呢個刨冰，令我好似食緊真正嘅芒果糯米飯一樣，香濃嘅芒果冰味，加上藏喺冰裏的糯米飯和醬汁，令我感覺到呢個刨冰充滿誠意同埋驚喜😍好掛住泰國🥲總括而言，仲會有下次下次下下次✌🏻

銅鑼灣登龍街一隅的泰國甜品店, 遙望小鹿嘜頭尤其可愛吸睛, 而店前的人龍未算長.  那麼擇日不如撞日,來個獨食人氣的原味蜜糖吐司. 進門便有架滿不同商品的一角落.  取得座位牌後, 隨即點了一份原味蜜糖吐司和一杯Flat White.  與大多餐廳一樣, 用餐時限為90分鐘.店內素白牆身特別舒暢. 原味蜜糖吐司, 一件件金黃麵包脆磚, 蜜味濃香.  旁邊的雲呢拿雪糕溶得快, 非常滑身.  我喜歡將吐司搽滿雪糕, 所有味道一啖過, 不錯~呷一口Flat White 平衡味蕾, 不過烤味較重.  獨食, 份量大滿足. 

🍧After You Dessert Cafe🍞最近人氣旺盛嘅甜品店 閒日下晝3點左右到已經無哂最特色嘅芒果糯米飯刨冰🥹不過好在只係排咗30分鐘就入到去🫡無特色第一位 唯有食特色第二位🤟🏻🍧泰式奶茶刨冰 (HKD $138)雖然覺得依個定價有啲貴 不過喺香港只要掛上「人氣過江龍」之稱就可以買咁貴嘞😹味道嚟講其實係好濃郁嘅泰奶味！食到覺得佢連冰都係用泰奶雪完再刨咁 認真夠味👏🏻另外佢好似驚你唔夠濃咁 額外再跟多一小杯泰奶醬 其實唔加都夠味 不過有得加唔好嘥🫣刨冰入面(見最後嘅肉酸圖) 佢有麵包粒同涼粉喂呀！🈲濕到霉哂嘅麵包真係唔得呀喂😵‍💫😵‍💫不過涼粉係較煙韌嘅口感 同埋份量都夠 都幾大粒🍞原味蜜糖吐司 (HKD $108)呢個吐司嘅厚度係會令人興奮的！仲要表面焗到金黃色 好吸引😛口感嚟講係做到外脆內軟的自己額外加上蜜糖 鍾意幾甜就幾甜🍯 仲有陣陣牛油香🧈食到中層麵包會有少少咸咸哋嘅味呢一餐 係超肥的，但好食！

平時去曼谷一定會去的甜品店-after you 懷念的味道 想念旅行 可以黎朝聖一下 食左當去咗啦泰式奶茶刨冰 賣相打卡一流 刨冰方面用泰式奶茶刨制出來 冰身綿綿 入口即溶茶味亦濃 不過唔太似泰式奶茶味食到底部有麵包粒 及 涼粉 麵包味道怪怪的 涼粉口感特別 加上奶茶泰奶茶味 成個人涼浸浸 係咪我唔識欣賞不過都值得食嘅 Normal 唔突出原味蜜糖吐司 牛油味極濃加上蜜糖既甜味 吐司脆脆的重有雪糕 加埋一齊放入口 有種冰火二重奏之感 好好食 好有驚喜 絕對一定要試

前排一直Book mark住要去呢間泰國過江龍打卡熱點甜品店，但係去左兩三次門口都係有一條長長既人龍😆每次目測都要等起碼兩小時以上，所以已經放棄左好幾次無食到😂最近我諗因為疫情既原因好大部份人都無再出去堂食，我就趁呢個難得既機會決定再去撞下彩，終於不負所望，今次隊都唔洗排就入到黎喇🤣仲可以係無人既門口前面打個卡添🤭今次因為食飽午餐先黎，所以只係簡左一款吐司黎輕嘗❣️🐠原味蜜糖吐司🍞 $108雙球既雲尼拿雪糕加Cream 配上蜜糖味牛油烘過既巨型厚吐司，吐司既口感做到外脆內軟帶有牛油香，原味都依然係我百吃不厭既味道😋香港限定係有個鹹蛋黃蜜糖吐司，不過我就麻麻地食又鹹又甜既野所以無試，如果大家有興趣食完就同我分享下喇😆總結黎講我覺得不過不失，但係如果要我係排兩個鐘先食到既就認真講句我唔會排😂聽講佢刨冰係出名d，或者睇下下次再食刨冰睇下我會唔會有改觀😆P.S 另外呢度最唔好既地方係佢只限你落單一次，本身我地係想食完個吐司睇下夠唔夠飽再食其他，但係都唔得喇😂所以俾個menu大家去之前睇定，有咩想食記得一次過要嗌曬丫🤭