拉麵來 (已搬遷) 新店位置

你喜歡食拉麵嘛？我會突然之間，很想食一碗熱騰騰的拉麵，把湯也全喝下。對我來說，想念拉麵一定包括它的湯，所以湯的質量是拉麵最重要的。而這間拉麵來的原味豚⻣湯，一定是我暫時食過最好味的拉麵的湯！當時它的麵它的叉燒和配料也不會令你失望喇。至於以下這碗紅湯（極上海老），不及以上那原味豚骨般出色，主要是太鹹了，不宜直接飲用，但作為伴拉麵的湯底還是頗不錯。另外我們還點了一客小丸子，正常的。寫到這裡，我又想念那個豚骨湯了

難得來到MK扮下MK妹，唔食譚仔，都要去食下拉麵喇。(我係陪母親大人所以先來MK的)。叫左原味豚骨湯麵，再加兩片叉燒(肚餓嘛)，最後再加支綠茶可樂。其實講到食拉麵，我最鍾意食一蘭，雖然呢間冇一蘭咁好食，都有8、9成，都好好味! 豬牛湯都好濃、好厚身，麵的質地及味道都是有些像一蘭。 支綠茶可樂又幾好味，有機會要來MK食野的話會再來 : )

拉麵來(=ﾟωﾟ)ﾉ 吾知你地食過未呢？小編都系無意之間經過見到，其實系比佢復古有趣既日式設計吸引到。好搞笑！坐低見到個水瀧頭 以為可以系到倒開水 不過原來系裝飾黎 開吾到既！未見過呢隻波子汽水 應該系啲復古野黎 幾特別呀！Um...吾知咩黎。成個環境光線好充足。由牆身到室內設計都花盡心思(˶‾᷄ ⁻̫ ‾᷅˵) 睇睇下 咁似啲日本古式既雜貨店既！到叫野食時間，拎個餐牌睇下先。原味豚骨湯麵 (hkd$82) 湯味吾夠濃 ; 豚肉 偏瘦 幾滿意; 麵質合符要求; 整體黎講 比上不足比下有餘。雖然味道普通; 但系呢到勝在拉麵 種類多選擇多 ; 有十幾款比你揀; 試曬都要一段時間呀(*≧ω≦)

終於一嚐這拉麵店每次第一次到訪拉麵店，我也會選擇最基本的原味豚骨湯麵，一間好的拉麵店，基本功一定要做好。這裡的湯底和麵質也可以，可惜塊豚肉就差左d，肉質鞋又冇豚肉味另一碗濃厚魚介豚骨拉麵，奉上時見到湯底上一大堆的魚粉已經唔想試

星期五晚一定要出去食返餐好既! 今晚朋友話想試拉麵來，所以我地打完羽毛球就搭的士黎到黑布街試喇! 等左無幾耐就已經有位，店子裝修為日本懷舊風，鋪面較細，坐位亦相對地逼狹，仲需要搭枱，坐得不太舒服。食物方面，有金、木、水、火、土選擇，既然係第一次試黎，所以揀左最基本既金，即係原味豚骨湯麵，第一啖當然要飲湯，豬骨味香濃但絕不感覺油膩，唔會見到湯上有層油，湯底唔太咸，差唔多飲左大半碗湯都唔覺得口渴。而揀左普通硬度既麵條煮得剛剛好，唔會太硬太稔，不過相比朋友既土3 - 即係熊本黑醬油豚骨湯麵，少左一份香甜味。坐我地隔離既一位女士叫左土1 - 極上海老吟釀湯麵，一放低喺枱上，香氣泗溢，非常吸引，下次一定要試試! 總括而言，旺角區終於開返間水準唔錯既拉麵店喇!